Myndinni er svo lýst:
Purrkur Pillnikk kom eins og vígahnöttur inn í íslenskan tónlistarheim í upphafi níunda áratugarins. Á átján mánaða ferli lék Purrkur Pillnikk ríflega sextíu lög á tæplega sextíu tónleikum og gaf nær allt út. Eitt lá eftir, fimm laga syrpa sem bar heitið Orð fyrir dauða, og fékk aðeins að hljóma einu sinni — á síðustu tónleikunum.
Um það leyti sem sveitin varð fertug kom hún saman til að hljóð- og myndrita verkið eins og sjá má í heimildamyndinni Purrkur Pillnikk: sofandi vakandi lifandi dauður, þar sem þessar upptökur fá að hljóma í bland við eldri upptökur og viðtöl.
Hér að neðan má skoða Klapptrésklippu frá síðustu Skjaldborgarhátíð þar sem meðal annars er fjallað um þessa mynd.
