Magnús Jochum Pálsson

Magnús Jochum Pálsson skrifar á Vísi um Dimmalimm eftir Mikael Torfason og segir hana meðal annars líða "ofurhægt vegna klisjukennds handrits, skorts á framvindu og langdreginna teygðra sena."

Magnús Jochum Pálsson skrifar um Röskun eftir Braga Þór Hinriksson í Vísi og segir hana meðal annars ágætlega fléttaða og vel leikna en líði fyrir endurtekningarsemi og skort á persónusköpun.

Magnús Jochum Pálsson skrifar um þáttaröðina Danska konan eftir Benedikt Erlingsson á Vísi og segir þættina meðal annars meinfyndna og spennandi.

"Felix og Klara hefði allt eins getað heitið Felix því tollvörðurinn fyrrverandi gleypir alla söguna. Persónusköpun Klöru situr á hakanum, hún birtist áhorfendum sem tvívíður karakter og samskipti hjónanna eru yfirborðskennd." Þetta segir Magnús Jochum Pálsson hjá Vísi um þáttaröðina Felix og Klara, sem sýningum er nýlokið á.

Fantafín afþreying með vel fléttaðri og spennandi framvindu sem heldur manni við skjáinn allt til enda. Sjónræn umgjörð þáttanna er á stigi sem sjaldan sést í íslensku sjónvarpi, segir Magnús Jochum Pálsson á Vísi um þáttaröðina Reykjavík Fusion. "Skortur á persónusköpun, ankannalegur texti misgóðra leikara og vanhugsaðar ákvarðanir handritshöfunda draga söguna þó aðeins niður."

Þrátt fyrir frumlega hugmynd, ágætis leikara og sterka byrjun renna grínþættirnir Brjánn fljótt út í sandinn, skrifar Magnús Jochum Pálsson á Vísi um þáttaröðina og bætir því við að þar vegi þyngst skortur á almennilegu gríni og óspennandi framvinda.

Fyndin, hjartnæm og óhefðbundin mynd um það hvernig fjölskylda jafnar sig á skilnaði og venst nýjum raunveruleika, segir Magnús Jochum Pálsson meðal annars í Vísi um kvikmynd Hlyns Pálmasonar Ástin sem eftir er.

"Vönduð períóda með flottum búningum, sannfærandi leikmynd og fyrsta flokks leikurum. Serían bregst hins vegar áhorfendum þegar kemur að handriti og leikstjórn. Fyrir vikið verður ævi þessarar merkilegu konu óspennandi við áhorfið", segir Magnús Jochum Pálsson á Vísi um þáttaröðina Vigdísi.