spot_img
HeimEfnisorðSagafilm

Sagafilm

Viaplay fjárfestir í „Stellu Blómkvist“

Norræna streymisveitan Viaplay hefur fjárfest í þáttaröðinni Stellu Blómkvist sem Sagafilm framleiðir fyrir Sjónvarp Símans. Þetta er í fyrsta sinn sem Viaplay tekur þátt í íslensku sjónvarpsverkefni.

Tökur standa yfir á þáttaröðinni „Stellu Blómkvist“

Tökur standa nú yfir á þáttaröðinni Stellu Blómkvist í leikstjórn Óskars Þórs Axelssonar. Þættirnir eru byggðir á samnefndum bókum eftir samnefndan hulduhöfund. Heiða Rún Sigurðardóttir (Poldark) fer með aðalhlutverkið, en Sagafilm framleiðir fyrir Sjónvarp Símans. Þættirnir eru væntanlegir í haust.

[Stikla] Sjónvarpsmyndin „Líf eftir dauðann“ sýnd í tveimur hlutum um páska á RÚV

Þættirnir Líf eftir dauðann verða frumsýndir á RÚV um páskana, en þar leikur Björn Jörundur Friðbjörnsson miðaldra poppara sem á að keppa fyrir Íslands hönd í Eurovision, en allt fer úr skorðum þegar móðir hans deyr. Leikstjóri er Vera Sölvadóttir og semur hún einnig handrit ásamt Lindu Vilhjálmsdóttur. Stikla verksins hefur verið opinberuð.

Guðný Guðjónsdóttir: Reyna mun meira á skapandi hugsun, tækni og aðlögunarhæfni á komandi árum

Guðný Guðjónsdóttir, fráfarandi forstjóri Sagafilm, segir í samtali við Viðskiptablaðið að íslenski kvikmynda- og sjónvarpsiðnaðurinn hafi upplifað gríðarlegan vöxt undanfarinn áratug. Hún segir árangurinn helgast af ýmsum þáttum, einkum endurgreiðslukerfi stjórnvalda, og að á komandi árum muni reyna meira á skapandi hugsun, tækni og aðlögunarhæfni í iðnaðinum.

New York Times segir „Rétt 3“ meðal bestu þáttaraða ársins

The New York Times hefur tekið saman lista yfir bestu bandarísku og alþjóðlegu þáttaraðir ársins og er Rétt 3 að finna í síðarnefnda hópnum ásamt með þáttum á borð við Happy Valley, Catastrophe og Gomorrah.

Sagafilm og Gunhil sameina krafta um áramót

Framleiðslufyrirtækin Sagafilm og GunHil munu sameina krafta sína frá 1. janúar 2017. Guðný Guðjónsdóttir sem stýrt hefur Sagafilm undanfarin ár lætur af störfum að eigin ósk og Hilmar Sigurðsson framkvæmdastjóri GunHil og annar stofnenda, tekur við sem forstjóri Sagafilm.

Innlendur flöskuháls í fjármögnun leikins sjónvarpsefnis

Þáttaröðin Rétt­ur 3 (Case) er aðgengi­leg meira en 50 millj­ón áhorf­end­um Netflix í Banda­ríkj­un­um, Kan­ada, Ástr­al­íu, Nýja Sjálandi og Skandi­nav­íu. Guðný Guðjóns­dótt­ir for­stjóri Sagafilm segir þetta til marks um að íslensk sjónvarpsþáttagerð eigi alla mögu­leika á að fá alþjóðlega sölu og dreif­ingu, en innlend fjármögnun sé flöskuháls.

„Réttur 3“ á Netflix; Eurodrama segir þættina sýna að Ísland sé orðið leiðandi í gerð norrænna spennuþátta

Réttur 3 (Case) í leikstjórn Baldvins Z og eftir handriti Þorleifs Arnarssonar og Andra Óttarssonar, er nú fáanleg á Netflix í Bandaríkjunum og Skandinavíu. Vefurinn Eurodrama skrifar umsögn um þættina og segir þá sennilega merkasta framlag til norræna spennuþáttaformsins síðan Brúin kom út.

NBC gerir prufuþátt af „Rétti“

Bandaríska sjónvarpsstöðin NBC hefur gefið vilyrði fyrir því að framleiða prufuþátt eða „pilot“ fyrir bandaríska útgáfu af íslensku spennuþáttaröðinni Rétti sem sýnd var á Stöð 2.

„Réttur 3“ sýnd á vegum Channel 4 í Bretlandi

Breska sjónvarpsstöðin Channel 4 hefur keypt sýningarréttinn að þáttaröðinni Réttur 3 sem Baldvin Z leikstýrði. Þáttaröðin verður sýnd á sérstakri VOD rás stöðvarinnar, Walter Presents, sem sérhæfir sig í þáttaröðum á erlendum tungumálum.

Prufuþáttur af „Heimsendi“ gerður fyrir bandaríska sjónvarpsstöð

Bandaríska áskriftastöðin TBS hefur óskað eftir svokölluðum „pilot“ eða prufuþætti af amerísku útgáfunni af Heimsendi, íslenskri sjónvarpsþáttaröð í leikstjórn Ragnars Bragasonar. Þættirnir eru byggðir á handriti Jonathan Ames eftir íslensku þáttunum. Með aðalhlutverkin í „pilot“-þættinum fara leikararnir Hamish Linklater og Wanda Sykes.

Netflix meðal fjárfesta í mynd Sagafilm um Guðmundar- og Geirfinnsmálið

Heim­ild­ar­mynd um Guðmund­ar- og Geirfinns­málið verður frum­sýnd á fyrstu mánuðum næsta árs, en Sagafilm vinn­ur um þess­ar mund­ir að fram­leiðslu henn­ar ásamt Mosaic Films í Bretlandi, BBC, RÚV og banda­rísku efn­isveit­unni Net­flix.

Margt framundan hjá Sagafilm

Ragna Árnadóttir aðstoðarforstjóri Landsvirkjunar og Vala Halldórsdóttir þróunarstjóri Plain Vanilla hafa tekið sæti í stjórn Sagafilm. Fyrirtækið, hvers verk hlutu alls 15 tilnefningar til Edduverðlauna á dögunum, undirbýr nú gerð leikinnar þáttaraðar fyrir Skjáinn sem og kvikmyndar sem byggð verður á Víti í Vestmannaeyjum eftir Gunnar Helgason. Þá verða tækjaleigan Luxor og Sagaevents eftirleiðis reknar sem sér einingar.

Tónlist Péturs Jónssonar úr „Rétti 3“ gefin út

Tónsporið úr sjónvarpsþáttaröðinni Rétti, sem sýnd var á Stöð 2 í lok síðasta árs, hefur nú verið gefið út og er aðgengilegt í gegnum allar helstu alþjóðlegu stafrænu veitur eins og Spotify, iTunes og Amazon. Þættirnir, sem voru samtals 9 talsins, voru framleiddir af Sagafilm í leikstjórn Baldvins Z.

Steinunn Ólína verðlaunuð fyrir hlutverk sitt í „Rétti“

Steinunn Ólína Þorsteinsdóttir vann um nýliðna helgi til FIPA verðlaunanna sem besta leikkona í aðalhlutverki fyrir leik sinn í sjónvarpsþáttaröðinni Réttur, sem var nýlega sýnd á Stöð 2. FIPA hátíðin verðlaunar sjónvarpsþætti á hverju ári og fór fram í 29. sinn 19.-24. janúar í Biarritz í Frakklandi.

Sölufyrirtækið Red Arrow selur „Rétt“ á heimsvísu

Þýska sölufyrirtækið Red Arrow International mun annast alþjóðlega sölu á þáttaröðinni Réttur 3 sem Sagafilm framleiðir og Baldvin Z leikstýrir. Sýningum á þáttaröðinni er nýlokið á Stöð 2.

53 milljóna króna tap á rekstri Sagafilm 2014

Töluverður umsnúningur varð á rekstri Sagafilm á síðasta ári. Félagið tapaði 53 milljónum króna, samanborið við 66 milljóna króna hagnað árið 2013. Velta Sagafilm-samstæðunnar nam 938 milljónum króna, samanborið við 2.485 milljóna króna veltu árið 2013.

Guðný Guðjónsdóttir ráðin forstjóri Sagafilm

Guðný Guðjónsdóttir hefur tekið við starfi forstjóra Sagafilm en hún hefur gegnt starfi framkvæmdarstjóra félagsins frá árinu 2013 og fjármálastjóra frá 2007. Hún tekur við stöðunni af Ragnari Agnarssyni sem tekur stöðu stjórnarformanns. Þá tekur Þórhallur Gunnarsson sæti í stjórn og Steinarr Logi Nesheim mun stýra auglýsingaframleiðslu.

Tökur hafnar á þriðju þáttaröð „Réttar“

Tökur hófust í gær á þriðju umferð þáttaraðarinnar Réttur. Baldvin Z leikstýrir eftir handriti Þorleifs Arnarssonar og Andra Óttarssonar. Sagafilm framleiðir en um 200 leikarar og fimmtíu manna tökulið vinnur að verkefninu. Tökur standa fram í júlí.

Sagafilm leitar á erlend mið

Kjartan Þór Þórðarson er í viðtali við vef Norræna kvikmynda- og sjónvarpssjóðins í tilefni stofnunar Sagafilm Nordic í Stokkhólmi á síðasta ári. Kjartan segir stefnuna vera að stækka markaðinn með samstarfi við alþjóðlega framleiðendur.

Spennandi tímar framundan fyrir norrænt sjónvarpsefni

Norðurlöndin þurfa að auka framboð á dreifingarleiðum fyrir leikið sjónvarpsefni til að mæta betur auknu framboði á slíku efni sem framleitt er í miklum mæli á svæðinu og á háum standard. Þetta kom fram á ráðstefnunni TV Drama Vision sem fram fer á yfirstandandi Gautaborgarhátíð.

Baldvin Z stýrir „Rétti 3“

Þriðja serían af sakamálaþáttunum Réttur hefst á Stöð 2 í haust og mun Baldvin Z leikstýra þáttunum. Handritið skrifa þeir Þorleifur Örn Arnarson og Andri Óttarsson. Sagafilm framleiðir.

Mikil veltuaukning milli ára hjá Sagafilm

Velta Sagafilm jókst um næstum 150% milli áranna 2012 og 2013 vegna mikilla umsvifa í erlendum verkefnum. Hagnaður minnkar þó um þriðjung á sama tímabili.

„Ástríður“ tilnefnd til Prix Europa verðlaunanna

Sjónvarpsserían Ástríður 2 er tilnefnd til evrópsku sjónvarpsverðlaunanna, Prix Europa sem er stærsta hátíð sinnar tegundar í Evrópu. Þáttaröðin er framleidd af Sagafilm fyrir Stöð 2.

„Heimsendir“ endurgerð í Bandaríkjunum

Bandaríska sjónvarpsstöðin Showtime ætlar að endurgera sjónvarpsþáttaröð Ragnars Bragasonar, Heimsendi, sem sýndur var á Stöð 2 fyrir þremur árum. Jonathan Ames, höfundur sjónvarpsþáttanna Bored to Death, hefur verið fenginn til að skrifa handrit að bandarísku útgáfunni. RÚV segir frá og vísar í frétt Hollywood Reporter í gærkvöldi.

Kattarauglýsing verðlaunuð

Auglýsing tryggingafélagsins Sjóvá með kettinum Jóa í aðalhlutverki vann í vikunni alþjóðleg verðlaun EPICA. Guðjón Jónsson var leikstjóri, Ágúst Jakobsson tökumaður. Auglýsingin er framleidd af Sagafilm.

Sagafilm hefur starfsemi í Svíþjóð

Kjartan Þór verður yfir Sagafilm Nordic, Ragnar Agnarsson verður forstjóri á Íslandi, Guðný Guðjónsdóttir framkvæmdastjóri. 60% tekna erlendis frá á þessu ári.

Þingmaður býsnast yfir nýjum sjónvarpsþætti

Segist ekki vita hvaðan 10 milljónir í verðlaunafé komi, en segir jafnframt að kostun sé ekki heimil á RÚV og það sé með ólíkindum ef nota eigi skattfé almennings með þessum hætti. Löngu ljóst að Íslandsspil útvegar verðlaunafé. Kostun heimil á RÚV til áramóta, eftir það gilda takmarkanir skv. nýjum lögum.

Maguire og Zwick við tökur á mynd um einvígi Fischer og Spassky

Tökur á kvikmyndinni Pawn Sacrifice (Peðfórn) í leikstjórn Edward Zwick (Blood Diamond, The Last Samurai ofl.) eru hafnar og fara að hluta fram hér á landi. Myndin fjallar um hið sögulega "einvígi aldarinnar" þegar Boris Spassky og Bobby Fischer mættust í Reykjavík sumarið 1972 og kepptu um heimsmeistaratitilinn í skák.

Þriðja þáttaröð Pressu tilnefnd til Prix Europa verðlaunanna

Sjónvarpsserían Pressa III er tilnefnd til evrópsku sjónvarpsverðlaunanna Prix Europa 2013 sem besta evrópska dramaserían. Óskar Jónasson leikstýrði þáttaröðinni. Vísir greinir frá, sjá nánar...

Tökur hafnar á Interstellar

Tökur á kvikmynd leikstjórans Christophers Nolan, Interstellar, eru hafnar og fara fram við Svínafellsjökul. Rúmlega 300 manna tökulið vinnur við myndina hér á landi...
spot_imgspot_img

MEST LESIÐ