HeimEfnisorðNanna Kristín Magnúsdóttir

Nanna Kristín Magnúsdóttir

Nanna Kristín Magnúsdóttir: Frelsið til að gera tilraunir er lykilatriði

Kirpi Uimonen Ballesteros skrifar um norrænar þáttarðir frá Gautaborgarhátíðinni á vefinn GoldenGlobes.com, en hún sat í dómnefnd Norrænu sjónvarpsverðlaunanna að þessu sinni. Ballestoros ræðir meðal annars við Sofia Helin (Brúin), Adam Price (Vegir drottins) og Nönnu Kristínu Magnúsdóttur, einn handritshöfunda Stellu Blómkvist.

Spjallað við handritshöfunda „Stellu Blómkvist“

Á fréttavef Norræna kvikmynda- og sjónvarpssjóðsins er rætt við handritshöfunda þáttaraðarinnar Stellu Blómkvist; Jóhann Ævar Grímsson, Nönnu Kristínu Magnúsdóttur og Andra Óttarsson. Verkið keppir nú um Norrænu sjónvarpsverðlaunin á Gautaborgarhátíðinni.

„Ungar“ fær verðlaun í Taiwan

Stuttmynd Nönnu Kristínar Magnúsdóttur, Ungar, var verðlaunuð sem framúrskarandi verk á Kaoshlung Film Festival í Taiwan sem lauk um síðustu helgi. Þetta eru sjöundu alþjóðlegu verðlaun myndarinnar.

„Ungar“ hlýtur bandarísk verðlaun

Ungar Nönnu Kristínar Magnúsdóttur var valin besta stuttmyndin á Push Film Festival sem fram fór í Bristol í Bandaríkjunum um síðustu helgi. Þetta eru sjöttu alþjóðlegu verðlaun myndarinnar.

„Ungar“ fær áströlsk verðlaun

Ungar, stuttmynd Nönnu Kristínar Magnúsdóttur, var valin besta myndin á barna- og unglingamyndahátíðinni Auburn International Film Festival í Ástralíu sem lauk á föstudag. Þetta eru fimmtu alþjóðlegu verðlaun myndarinnar.

Nanna Kristín Magnúsdóttir fær viðurkenningu frá Frönsku kvikmyndaakademíunni

Nanna Kristín Magnúsdóttir hefur að undanförnu gert víðreist með stuttmynd sína Ungar, en myndin hefur þegar hlotið fern alþjóðleg verðlaun auk þess að vera valin stuttmynd ársins á síðustu Edduverðlaunum. Nýlegur rúntur Nönnu Kristínar með myndina til Aþenu og Rómar endaði í París þar sem henni var veitt sérstök viðurkenning af Frönsku kvikmyndaakademíunni.

Nanna Kristín Magnúsdóttir: Konur geta sagt alls kon­ar sög­ur

„Ég lít ekki svo á að kon­ur ein­ar eigi að segja sög­ur um kon­ur fyr­ir kon­ur. Auðvitað er mik­il­vægt að segja sög­ur kvenna og skrifa bita­stæð hlut­verk fyr­ir leik­kon­ur. Við kon­ur get­um hins veg­ar sagt alls kon­ar sög­ur og ég vil hafa fullt frelsi til að segja þær sög­ur sem mig lang­ar til,“ seg­ir Nanna Krist­ín Magnúsdóttir leikstjóri og handritshöfundur verðlaunamyndarinnar Unga í viðtali við Morgunblaðið.

„Ungar“ valin besta myndin á European Independent Film Festival

Stuttmyndin Ungar eftir Nönnu Kristínu Magnúsdóttur var valin besta myndin (Best European Film 2017) á European Independent Film Festival sem lauk í París í kvöld. Athygli vekur að myndin er valin besta mynd hátíðarinnar úr hópi kvikmynda af margskonar tagi, þar á meðal bíómynda. Þetta eru fjórðu alþjóðlegu verðlaun myndarinnar sem einnig var valin stuttmynd ársins á Eddunni.

Tökur standa yfir á þáttaröðinni „Stellu Blómkvist“

Tökur standa nú yfir á þáttaröðinni Stellu Blómkvist í leikstjórn Óskars Þórs Axelssonar. Þættirnir eru byggðir á samnefndum bókum eftir samnefndan hulduhöfund. Heiða Rún Sigurðardóttir (Poldark) fer með aðalhlutverkið, en Sagafilm framleiðir fyrir Sjónvarp Símans. Þættirnir eru væntanlegir í haust.

„Ungar“ verðlaunuð í Þýskalandi og á Spáni

Stuttmynd Nönnu Kristínar Magnúsdóttur, Ungar, hlaut áhorfendaverðlaun FEC kvikmyndahátíðarinnar á Spáni sem lauk um helgina. Á dögunum hlaut myndin einnig tvær sérstakar viðurkenningar á stuttmyndahátíðinni í Regensburg í Þýskalandi.

Nanna Kristín Magnúsdóttir og Þóranna Sigurðardóttir á lista Vimeo yfir kvenleikstjóra sem vert er að fylgjast með

Stuttmyndir Nönnu Kristínar Magnúsdóttir (Tvíliðaleikur) og Þórönnu Sigurðardóttur (Zelos) er báðar að finna á sérstökum 74ra mynda lista Vimeo efnisveitunnar sem tileinkaður er kvenleikstjórum sem vert er að fylgjast með. Listinn var gerður í tilefni Alþjóðadags kvenna þann 8. mars síðastliðinn.

Stuttmyndin „Ungar“ fær áströlsk verðlaun

Stuttmyndin Ungar eftir Nönnu Kristínu Magnúsdóttur hlaut aðalverðlaun Flickerfest hátíðarinnar í Ástralíu í gærkvöldi. Þetta er fyrsta sýning myndarinnar á alþjóðlegum vettvangi og um leið fyrstu alþjóðlegu verðlaun myndarinnar.

„Guðleysi“ fær Gullna lundann

Loka­hóf RIFF, Alþjóðlegr­ar kvik­mynda­hátíðar í Reykja­vík fór fram í Hvala­safn­inu í gærkvöldi. Þar var hátíðinni form­lega slitið og verðlaun veitt í keppn­is­flokk­um hátíðar­inn­ar.

Nanna Kristín Magnúsdóttir ræðir „Tvíliðaleik“ á Canal Plus

Stuttmynd Nönnu Kristínar Magnúsdóttur, Tvíliðaleikur, var nýlega sýnd á frönsku stöðinni Canal+ og af því tilefni birtir stöðin stutt spjall við leikstjórann um myndina sem sjá má hér.

„Reykjavík“ frumsýnd í dag

Kvikmyndin Reykjavík eftir Ásgrím Sverrisson er frumsýnd í kvikmyndahúsum í dag. Þetta er sætbeiskt gamandrama um reykvískt par sem stefnir í sitt hvora áttina. Júlíus Kemp og Ingvar Þórðarson framleiða fyrir Kvikmyndafélag Íslands.
spot_imgspot_img

MEST LESIÐ