[Stikla, plakat] “Vetrarbræður” opnunarmynd RIFF 2017, almennar sýningar í Bíó Paradís

Vetrarbræður Hlyns Pálmasonar verður opnunarmynd RIFF 2017, en Íslandsfrumsýningin verður í Háskólabíói fimmtudaginn 28. september kl. 18. Daginn eftir hefjast almennar sýningar á myndinni með íslenskum texta. Hlynur, Anton Máni Svansson framleiðandi og Maria von Hausswolff tökumaður verða viðstödd fyrstu sýninguna þar og svara spurningum í kjölfarið. Íslenskt plakat myndarinnar sem og stikla hafa verið opinberuð.
Posted On 19 Sep 2017

[Plakat] “Reynir sterki”, frumsýnd 10. nóvember

Plakat heimildamyndarinnar Reynir sterki eftir Baldvin Z hefur verið opinberað. Myndin verður frumsýnd þann 10. nóvember næstkomandi.
Posted On 19 Sep 2017

[Stikla] “Island Songs”, frumsýnd 31. október

Heimildamyndin Island Songs eftir Baldvin Z kemur í bíó þann 31. október næstkomandi. Stikla myndarinnar hefur verið opinberuð og má sjá hér.
Posted On 18 Sep 2017

[Stikla] RÚV sýnir “Meinsærið”, heimildaþátt um rangar sakargiftir í Geirfinnsmálinu

Heimildaþátturinn Meinsærið - rangar sakargiftir í Geirfinnsmálinu verður sýndur á RÚV í kvöld, kl. 20.30. Stjórnandi er Jakob Halldórsson, en Helga Arnardóttir er umsjónarmaður.
Posted On 14 Sep 2017

[Stikla] Heimildamyndin “Skjól og skart” í Bíó Paradís frá 14. september

Skjól og skart er ný heimildamynd eftir Ásdísi Thoroddsen um íslenska þjóðbúninga og handverkið og menninguna sem tengist þeim. Sýningar hefjast í Bíó Paradís þann 14. september.
Posted On 11 Sep 2017

[Stikla] Rökkur (ný)

Ný stikla Rökkurs eftir Erling Óttar Thoroddsen hefur verið gefin út. Myndin verður frumsýnd á Íslandi 27. október næstkomandi, en framundan eru sýningar á BFI London Film Festival og fleiri hátíðum.
Posted On 08 Sep 2017

[Stikla] Stuttmyndin “Örmagna”

Franski leikstjórinn Arnaud Siad, sem búsettur er á Íslandi, hefur unnið stuttmynd ásamt Jóhanni Jóhannssyni leikara. Myndin kallast Örmagna og var tekin upp á Suðurlandi í vor.
Posted On 03 Sep 2017

“Loforð”, ný þáttaröð frumsýnd á RÚV

RÚV frumsýnir nýja þáttaröð, Loforð, í kvöld sunnudaginn 3. september kl. 19.45.
Posted On 03 Sep 2017

Sýningar hefjast í dag á “Out of Thin Air”

Kvikmyndin Out of Thin Air var frumsýnd í gærkvöldi í Bíó Paradís í Reykjavík, en myndin fjallar um hvarf Guðmundar Einarssonar og Geirfinns Einarssonar árið 1974. RÚV segir frá og ræðir við stjórnanda myndarinnar, Dylan Howitt.
Posted On 10 Aug 2017

[Stikla, plakat] “Vetrarbræður” eftir Hlyn Pálmason

Stikla Vetrarbræða (Vinterbrödre) fyrstu bíómyndar Hlyns Pálmasonar, hefur verið opinberuð og má skoða hana hér. Myndin, sem er dönsk/íslensk framleiðsla, verður heimsfrumsýnd á kvikmyndahátíðinni í Locarno í dag.
Posted On 03 Aug 2017

“Undir trénu” í keppni í Feneyjum

Undir trénu Hafsteins Gunnars Sigurðssonar hefur verið valin til þátttöku í Orrizonti keppni Kvikmyndahátíðarinnar í Feneyjum sem er hluti af aðaldagskrá hennar. Feneyjahátíðin er stofnuð 1932 og því sú elsta sinnar tegundar, ein af hinum þremur stóru ásamt Cannes og Berlín. Hún verður haldin í 74. skiptið í ár dagana 30. ágúst til 9. september.
Posted On 28 Jul 2017

New Europe Film Sales selur “Vetrarbræður” á heimsvísu, tekur þátt í keppni í Locarno

Sölufyrirtækið New Europe Film Sales annast sölu á væntanlegri bíómyndarfrumraun Hlyns Pálmasonar, Vetrarbræðrum. Myndin mun taka þátt í keppni á Locarno hátíðinni sem hefst í byrjun ágúst. Anton Máni Svansson og Guðmundur Arnar Guðmundsson hjá Join Motion Pictures meðframleiða.
Posted On 10 Jul 2017

Lokað fyrir snemmbúna birtingu á “Out of Thin Air” á Netflix, frumsýnd í Bíó Paradís 9. ágúst

Heimildamyndin Out of Thin Air sem fjallar um Guðmundar- og Geirfinnsmálin, verður frumsýnd í Bíó Paradís 9. ágúst. Í gær kom í ljós að myndin var fyrir mistök fáanleg á Netflix, þar á meðal á Íslandi, en búið er að loka fyrir birtingu. Hún verður opinberuð hjá streymisveitunni í lok september en áður, í byrjun septembermánaðar, verður hún sýnd á RÚV.
Posted On 03 Jul 2017

[Stikla] “Undir trénu” frumsýnd 23. ágúst

Undir trénu eftir Hafstein Gunnar Sigurðsson, verður frumsýnd þann 23. ágúst næstkomandi. Stikla myndarinnar hefur verið opinberuð og má sjá hér.
Posted On 02 Jul 2017

“Sjálfsmorðsþjónustan” eftir Þorkel Ágúst Óttarsson verðlaunuð

Fyrsta kvikmynd Þorkels Ágústs Óttarssonar í fullri lengd, Suicide Service (Sjálfsmorðsþjónustan) hlaut á dögunum dómnefndarverðlaun The Monkey Bread Tree, sem er alþjóðleg kvikmyndasamkeppni þar sem dómnefndir meta innsendar myndir. Þorkell hefur á undanförnum árum gert fjölda stuttmynda í Noregi þar sem hann er búsettur. Eva Hauksdóttir ræddi við hann fyrir Kvennablaðið.
Posted On 06 Jun 2017

Útskriftarmynd Elsu Maríu Jakobsdóttur, “Atelier”, valin á Karlovy Vary

Útskriftarmynd Elsu Maríu Jakobsdóttur frá Danska kvikmyndaskólanum, stuttmyndin Atelier, hefur verið valin til þátttöku á Future Frames: Ten New Filmmakers to Follow á Karlovy Vary hátíðinni sem fram fram í 52. skipti í Tékklandi dagana 30. júní til 8. júlí.
Posted On 08 May 2017

[Stikla] “Rökkur”

Stikla hrollvekjunnar Rökkur eftir Erling Óttar Thoroddsen hefur verið opinberuð og má sjá hér. Myndin verður frumsýnd á Íslandi í haust, en hún var heimsfrumsýnd á kvikmyndahátíðinni í Gautaborg í febrúar síðastliðnum.
Posted On 05 May 2017

“Ég man þig” líkleg til að fá góða aðsókn en spurning með blíðviðrið um opnunarhelgina

Sýningar á spennumyndinni Ég man þig eftir Óskar Þór Axelsson hefjast í dag. Myndin er byggð á samnefndri metsölubók Yrsu Sigurðardóttur og merkja má allmikla eftirvæntingu hjá almenningi gagnvart verkinu. Það er því líklegt að hún fái góða aðsókn en spurningin er hvaða áhrif fyrsta blíðviðrishelgi ársins muni hafa á opnunartölurnar.
Posted On 05 May 2017

[Stikla] Heimildamyndin “Spólað yfir hafið” frumsýnd 20. apríl

Sýningar á heimildamynd Andra Freys Viðarssonar, Spólað yfir hafið, hefjast í Bíó Paradís fimmtudaginn 20. apríl. Myndin er um hóp Íslendinga sem kynnir íslenska torfærukeppni fyrir Bandaríkjamönnum.
Posted On 18 Apr 2017

[Stikla] “Ég man þig”

Stikla kvikmyndarinnar Ég man þig í leikstjórn Óskars Axelssonar hefur verið opinberuð. Myndin verður frumsýnd 5. maí.
Posted On 12 Apr 2017

Sigurður Anton um “Snjó og Salóme”: Saga um ungt fólk fyrir ungt fólk

Snjór og Salóme eftir Sigurð Anton Friðþjófsson verður frumsýnd í kvöld. Morgunblaðið ræddi við hann um myndina.
Posted On 07 Apr 2017

Vera Sölvadóttir: Hvorki tími né pláss fyrir dauðann

Vera Sölvadóttir ræðir við Fréttablaðið um sjónvarpsmynd sína Líf eftir dauðann, sem sýnd verður í tveimur hlutum á RÚV um páskana.
Posted On 07 Apr 2017

[Stikla] “Snjór og Salóme” frumsýnd 7. apríl

Snjór og Salóme eftir Sigurð Anton Friðþjófson verður frumsýnd í Senubíóunum 7. apríl næstkomandi. Stiklu myndarinnar má sjá hér.
Posted On 30 Mar 2017

Hér er plakat kvikmyndarinnar “Ég man þig”

Plakat kvikmyndarinnar Ég man þig eftir Óskar Þór Axelsson hefur verið afhjúpað. Myndin verður frumsýnd 5. maí.
Posted On 29 Mar 2017