Mikil aðsókn á Evrópska kvikmyndahátíð

Evrópsk kvikmyndahátíð 2013 (EFFI) gekk vonum framar í Bíó Paradís í ár, en yfir 2000 bíógestir sóttu hátíðina heim. Á hátíðinni var boðið upp á þverskurð þeirra kvikmynda sem álfan hefur upp á að bjóða í dag. Boðið var upp á 12 nýjar og nýlegar myndir frá Evrópu en vegna gífurlegrar eftirspurnar munu þrjár myndir hátíðarinnar halda áfram í Bíó Paradís. Sjá nánar hér: Yfir 2000 bíógestir á Evrópskri Kvikmyndahátíð.
Posted On 30 Sep 2013

Agniezska Holland í Bíó Paradís – þrjár vinsælustu myndir EFFI halda áfram

Þrjár vinsælustu myndirnar af EFFI hátíðinni í Bíó Paradís halda áfram; Oh Boy, La Grande Bellezza og Child’s Pose. Pólska leikstýran Agniezska Holland var heiðursgestur Evrópsku kvikmyndahátíðarinnar EFFI sem lauk í gærkvöldi. Holland er einnig vel þekkt sem handritshöfundur. Hún er ein af fáum starfandi kvenleikstjórum í Hollywood og hefur getið sér gott orð fyrir bæði listræna og pólitíska kvikmyndagerð. Meðfylgjandi eru myndir frá gærkvöldinu þegar hún svaraði spurningum gesta eftir sýningu á nýjasta verki sínu, Burning Bush, sem er framlag Tékka til Óskarsverðlaunanna að þessu sinni. Ljósmyndir: Tomasz Chrapek.
Posted On 30 Sep 2013

“Hross í oss” verðlaunuð á San Sebastian hátíðinni

Hross í oss eftir Benedikt Erlingsson hlaut svokölluð “Kutxa – New Directors Award” á kvikmyndahátíðinni í San Sebastian á Spáni sem var að ljúka rétt í þessu. Verðlaunin eru veitt fyrstu eða annarri mynd leikstjóra og nema 50 þúsund evrum eða um 8.2 milljónum króna og skiptast til helminga milli leikstjóra og spænsks dreifingaraðila. Myndin hefur fengið afbragðs viðbrögð á hátíðinni og meðal annars kallaði Peter Bradshaw hjá The Guardian hana bestu mynd hátíðarinnar. Sjá verðlaunin hér: San sebastián Film Festival.
Posted On 28 Sep 2013

Moodyson segir vondar myndir alltumlykjandi

Leiðinlegar og óáhugaverðar myndir eru ríkjandi í kvikmyndaheiminum og gott ef fleiri betri myndir yrðu gerðar. Þetta segir sænski kvikmyndaleikstjórinn Lukas Moodysson sem er staddur hér á landi. Moodysson er heiðursgestur RIFF, alþjóðlegrar kvikmyndahátíðar í Reykjavík. Hann vakti fyrst athygli með myndinni Fucking Åmål árið 1998. Hún fjallar um ástir tveggja unglingsstúlkna og haft var eftir kvikmyndaleikstjóranum Ingmar Bergman á sínum tíma að myndin væri meistaraverk. Sjá nánar hér: Leiðinlegar og óspennandi myndir ríkjandi | RÚV.
Posted On 28 Sep 2013

Gagnrýni | Love, Marilyn (RIFF)

Í heimildamyndinni Love, Marilyn sem nú er sýnd á RIFF er skyggnst inn í einkalíf leikkonunnar Marilyn Monroe og leitast við að ljá myndinni rödd hennar sjálfrar. Lesið er upp úr dagbókum hennar og bréfum, auk þess tekin eru viðtöl við vini, samstarfsmenn og nokkurn fjölda fræðimanna. Efnistökin eru að mestu leyti skorðuð við persónu Monroe og dregið fram hvernig hún mótaði fyrirferðarmikla ímynd sína eins og hvert annað hlutverk og hvernig hún nýtti sér m.a. styrkleika ímyndarinnar til þess að stýra kvikmyndaferili sínum Í kvikmyndinni er ekki mikilli athygli beint að slúðri og sögusögnum. Þess í stað lögð áhersla á sjónarhorn Monroe sjálfrar og í gegnum dagbækur og bréf er kafað ofan í hen

RIFF gusa Hafsteins Gunnars

DV birtir hátíðargusu Hafsteins Gunnars Sigurðssonar leikstjóra sem hann flutti á opnun RIFF í gærkvöldi. Hafsteinn vinnur nú að eftirvinnslu myndar sinnar París norðursins. Bandarísk endurgerð myndar hans Á annan veg, sem kallast Prince Avalanche, er væntanleg hingað til lands innan skamms en myndin hefur fengið mjög góða dóma. Sjá hér: Að vera kvikmyndagerðarmaður er svolítið eins og að vera sáðfruma – DV.
Posted On 27 Sep 2013

Agnieszka Holland viðstödd sýningar mynda sinna í Bíó Paradís

Pólska leikstýran Agniezska Holland verður viðstödd sýningar mynda sinna á lokadögum EFFI 2013, Evrópsku kvikmyndahátíðarinnar, í Bíó Paradís um helgina. Á laugardag kl. 15 verður hin Óskarstilnefnda  In Darkness sýnd með sjónlýsingu fyrir blinda og sjónskerta og sunnudag kl. 15 verður sýnd serían Burning Bush (Brennandi runni) sem er framlag Tékka í ár til Óskarsins. Holland mun svara spurningum gesta eftir sýningu beggja myndanna. Í myrkri (In Darkness)  (Pólland 2011) 145 mín. FRÍTT INN. Byggð á sannsögulegum atburðum. Myndin fjallar um Leopold Socha, sem vinnur í holræsum og er þjófur í borginni Lvov í Póllandi, sem er hernuminn af nasistum. Einn daginn verður hópur gyðinga á vegi hans,
Posted On 27 Sep 2013

Svipmynd | Hin hápólitíska Agniezska Holland

Leikstýran Agniezska Holland (f. 1948) er einn kunnasti kvikmyndagerðarmaður Póllands og á að baki rúmlega 40 ára feril. Hún er heiðursgestur Evrópsku kvikmyndahátíðarinnar sem fram fer í Bíó Paradís 19.-29. september. Holland stundaði nám við hinn kunna FAMU skóla í Prag og meðal samnema hennar voru Milos Forman og Ivan Passer; tveir af höfuðpaurum tékknesku nýbylgjunnar á sjöunda áratug síðustu aldar. Hún vann síðan undir handleiðslu Andrzej Wajda um skeið og einnig sem aðstoðarleikstjóri hjá Krzysztof Zanussi, þar til hún hóf að stýra eigin myndum á áttunda áratugnum. Fyrstu myndir hennar vöktu athygli fyrir hápólitísk viðfangsefni og unnu til verðlauna á kvikmyndahátíðum í Chicago, Berlí

Hápunktar helgarinnar á RIFF

Eftirfarandi myndir og viðburðir helgarinnar á RIFF eru áhugaverðastir að mati Klapptrés (dagskrána má sjá í heild hér): FÖSTUDAGUR: 12:00 | MASTERKLASSI MEÐ LUKAS MOODYSSON | Tjarnarbíó 21:00 | GRÍN-BÍÓ! (Nýtt líf) | Tjarnarbíó | Q&A með leikstjóranum Þráni Bertelssyni og Karli Ágústi Úlfssyni leikara. 22:00 | STUND GAUPUNNAR | Háskólabíó 1 | Q&A með leikstjóranum Sören Kragh-Jacobsen LAUGARDAGUR: 14:00 | MASTERKLASSI MEÐ SÖREN KRAGH-JACOBSEN | Hótel Borg 18:00 | BÚÐIN Háskólabíó 2 | Q&A með stjórnandanum Árna Gunnarssyni. 18:15 | VIÐ ERUM BESTAR Háskólabíó 1 | Q&A með leikstjóranum Lukas Moodyson. SUNNUDAGUR: 15:00 | VÉLIN SEM LÆTUR ALLT HVERFA | Tjarnarbíó 16:00 | AÐ KICKS
Posted On 27 Sep 2013

RIFF hefst í dag

RIFF – Alþjóðlega kvikmyndahátíðin í Reykjavík – hefst í dag. Þetta er í tíunda skipti sem hátíðin er haldin, en hún hefur vaxið jafnt og þétt síðan árið 2004 þegar hún var haldin í fyrsta skipti. Hátíðin stendur í tíu daga, lýkur þann 6. október. Í ár fara sýningar fram í Háskólabíói, Tjarnarbíói og í Norræna húsinu, en miðasala og upplýsingamiðstöð er í Tjarnarbíói. RIFF sýnir í ár hátt í hundrað myndir í fullri lengd, bæði leiknar myndir og heimildamyndir auk fjölda stuttmynda. Myndirnar koma frá samtals yfir 40 löndum. Á annað hundrað erlendir gestir úr kvikmyndaheiminum eru væntanlegir til að kynna verk sín eða taka þátt í íslenskum Bransadögum og Talent Lab smiðjunni sem ha
Posted On 26 Sep 2013

“The Act of Killing” valin besta heimildamyndin á Nordisk Panorama

Nordisk Panorama hátíðinni var að ljúka í Malmö í Svíþjóð. The Act of Killing eftir Joshua Oppenheimer var valin besta heimildamyndin og On Suffocation eftir Jenifer Malmqvist var valin besta stuttmyndin. Á hátíðinni eru sýndar úrval norrænna heimildamynda og stuttmynda ár hvert. Í ár tóku heimildamyndirnar Aska eftir Herbert Sveinbjörnsson og The Last Thing eftir Hörpu Fönn Sigurjónsdóttur þátt í hátíðinni. The Act of Killing er enn í sýningum í Bíó Paradís. Sjá nánar hér: Nordisk Panorama 2013 – WELCOME to Nordisk Panorama.
Posted On 24 Sep 2013

The Guardian: “Hross í oss” sýnir eitthvað alveg nýtt

Peter Bradshaw gagnrýnandi The Guardian lofar Hross í oss í hástert í umsögn sinni: “Film festivals are places where little movies can wind up punching above their weight. This year at San Sebastián, such a film is the glorious Of Horses And Men, an Icelandic film by the first-time director Benedikt Erlingsson, a former actor who has appeared in Lars Von Trier’s comedy The Boss of It All. […] Some of the scenes are staggeringly explicit and entirely extraordinary: it is not every film that really does show you things that you have never seen before. And yet the film manages also to be tender, delicate and funny.” Sjá nánar hér: Spanish Beatlemania and Icelandic horses
Posted On 24 Sep 2013

“XL” fær afbragðs viðtökur í Calgary

Mario Trono hjá CBC News í Kanada skrifar um XL Marteins Þórssonar, sem nútekur þátt í kvikmyndahátíðinni í Calgary. “Fyrir áhættusækna bíóáhugamenn sem vilja myndirnar og viðfangsefni þeirra hrá og áleitin, mæli ég með XL.” Sjá nánar hér: CIFF 2013: XL – Calgary – CBC News.
Posted On 24 Sep 2013

“Aska” sýnd á Nordisk Panorama

Aska, heimildamynd Herberts Sveinbjörnssonar um nokkra ábúendur undur jökli í kjölfar gossins í Eyjafjallajökli, hlaut áhorfendaverðlaun Skjaldborgarhátíðarinnar á dögunum og er nú sýnd á Nordisk Panorama stutt- og heimildamyndahátíðinni sem fram fer í Malmö í Svíþjóð. Jennifer Merin hjá About.com fjallar um hátíðina og víkur fallega að Ösku og einnig annarri íslenskri mynd, The Last Thing, eftir Hörpu Fönn Sigurjónsdóttur. Sjá nánar hér: Nordisk Panorama 2013.
Posted On 24 Sep 2013

Gestkvæmt á RIFF

  Mikill fjöldi gesta verður viðstaddur RIFF hátíðina sem hefst 26. sept og stendur til 6. okt. Á vef RIFF er yfirlit yfir gestina og hvenær og hvar er hægt að hitta þá í eigin persónu og fræðast um verk þeirra. Sjá nánar hér: Margir góðir gestir á RIFF | Reykjavík International Film Festival.
Posted On 24 Sep 2013

“Svona er Sanlitun” í almennar sýningar 7. október

Svona er Sanlitun (This is Sanlitun), nýjasta mynd Róberts Douglas, verður frumsýnd 26. september sem opnunarmynd RIFF í ár en almennar sýningar hefjast síðan á henni þann 7. október eða strax að RIFF hátíðinni lokinni. Sena dreifir myndinni. Myndin segir af Ameríkananum Gary sem staddur er í Beijing til að láta stóra drauma rætast, en eftir að hafa mistekist að sjarmera Kínverja í viðskiptum snýr hann sér að enskukennslu og kynnist Ástralanum Frank sem býðst til að leggja honum lífreglurnar um kínverska siði og háttu. Smám saman kemur þó í ljós að raunverulega ástæðan fyrir komu Garys til Kína er að ná aftur sambandi við kínverska konu sína og barn þeirra. Myndin var alheimsfrumsýnd á kvikm
Posted On 22 Sep 2013

Myndir tilnefndar til Kvikmyndaverðlauna Norðurlandaráðs sýndar í Háskólabíói

Kvikmyndaverðlaun Norðurlandaráðs 2013 verða afhent þann 30. október. Græna ljósið stendur fyrir sérstökum kvikmyndaviðburði í Háskólabíói dagana 20. – 25. september þar sem allar fimm myndirnar verða sýndar. Kvikmyndirnar fimm eru: JAGTEN (THE HUNT) – Danmörk KERRON SINULLE KAIKEN (OPEN TO ME) – Finnland DJÚPIÐ (THE DEEP) – Ísland SOM DU SER MEG (I BELONG) – Noregur ÄTA SOVA DÖ (EAT SLEEP DIE) – Svíþjóð Sjá nánar hér: Nýtt frá Senu | Sena.
Posted On 22 Sep 2013

Barði Jóhannsson semur tónlist við frönsku myndina “The Finishers”

  Barði Jóhannsson tónskáld er höfundur tónlistar við frönsku bíómyndina The Finishers (L’epreuve d’une vie) eftir Nils Tavernier (son hins kunna leikstjóra Bertrand Tavernier). Myndin var frumsýnd á Toronto hátíðinni nýverið og fær glimrandi fína umsögn í Variety og einnig hér. Almennar sýningar á myndinni hefjast í Frakklandi eftir áramót.  
Posted On 20 Sep 2013

Troðfullt á opnun Evrópskrar kvikmyndahátíðar

Evrópska kvikmyndahátíðin á Íslandi (EFFI) hófst í gærkvöldi í Bíó Paradís. Öllum landsmönnum var boðið í bíó og sýndar voru þrjár myndir, auk þess sem boðið var uppá músik og veitingar. Fullt var út úr dyrum og mikil stemmning fram eftir kvöldi. Hátíðin stendur til 29. september. Myndasyrpu af Facebook síðu hátíðarinnar má sjá hér. Í kvöld verða eftirfarandi myndir sýndar: 18:00 Hunang (Miele) 20:00 Gyllta búrið (The Gilded Cage) 22:00 Oh Boy  Á laugardag eru fjölskyldur boðnar sérstaklega velkomnar (frítt inn) en kl. 18 verður sýnd fjölskyldumyndin Mamma, ég elska þig. Dagskrá helgarinnar lítur svona út: Laugardagur 21. september Móttaka – öll fjölskyldan velkomin kl 17:30 18:00 Mamma, ég
Posted On 20 Sep 2013

“Hross í oss” til San Sebastian og Tokyo

Hross í oss eftir Benedikt Erlingsson tekur þátt í tveimur mikilvægum hátíðum á næstu vikum; annarsvegar San Sebastian hátíðinni á Spáni dagana 20.-28. september og síðan fer hún til Tokyo í Japan en sú hátíð stendur frá 17.-25. október. Í báðum tilfellum tekur hún þátt í aðalkeppni viðkomandi hátíðar. Myndin hefur einnig fengið boð á ýmsar aðrar hátíðir sem við munum segja frá síðar.
Posted On 20 Sep 2013

RIFF, hátíð hugmyndanna

Ragnar Trausti Ragnarsson hjá Skástrik fjallar um RIFF frá ýmum hliðum og spjallar meðal annars við Björn Ægi Norðfjörð kvikmyndafræðing í áhugaverðri yfirferð. Sjá nánar hér: Lítil hátíð með stórar hugmyndir | Skástrik.
Posted On 20 Sep 2013

Örvarpið: örmyndahátíð RÚV á netinu

RÚV stendur fyrir örmyndahátíð á vef sínum og kallast hátíðin Örvarpið. Þetta er hugsað sem vettvangur fyrir upprennandi, skapandi og framsækið fólk í kvikmyndalist. Hátíðin er ætluð öllum með áhuga á kvikmyndalist, reyndum sem óreyndum, ungum sem öldnum. Myndir mega vera allt að fimm mínútum. Sérstök valnefnd velur vikulega eitt verk til sýningar á vefnum. Valin verk verða í kjölfarið til sýningar á örmyndahátíðinni Örvarpið í Bíó Paradís, sem haldin verður eftir áramót. Bestu verkunum verða einnig gerð skil í sjónvarpi. Sjá nánar hér: Örvarpið | RÚV.
Posted On 19 Sep 2013

Frítt í bíó í kvöld á Evrópska hátíð

Evrópska kvikmyndahátíðin (EFFI) hefst í kvöld í Bíó Paradís. Sýndar verða þrjár myndir í kvöld og er aðgangur ókeypis. Dagskrá kvöldsins er sem hér segir: 19:30 Létt móttaka // Fordrykkur 20:00 Broken Circle Breakdown 20:00 Fegurðin mikla (La Grande Bellezza) 20:00 Kvöl (Child’s Pose) 22:00 Lifandi tónlist – Hljómsveitin Illgresi – veitingar – allir velkomnir. Dagskrána í heild má sjá hér: Evrópsk kvikmyndahátíð dagskrá.
Posted On 19 Sep 2013

Þéttara RIFF í ár

Dagskrá RIFF 2013 hefur verið kynnt, en hátíðin fer fram í tíunda sinn dagana 29. september til 6. október. Dagskrána má sjá hér. Opnunarmynd hátíðarinnar er nýjasta mynd Róberts Douglas, Svona er sanlitun, sem frumsýnd var á Toronto-hátíðinni fyrir nokkrum vikum. Alls er fjöldi mynda rétt undir hundraðinu þetta árið sem er nokkuð minna en mörg undanfarin ár. Sýningar fara fram í Háskólabíói, Tjarnarbíói og Norræna húsinu auk ýmissa óformlegra sýningarstaða vítt og breitt um borgina. Sem fyrr leggur hátíðin áherslu á hlutverk sitt sem vettvangur uppgötvana með flokknum Vitranir (New Visions) þar sem sýndar eru spennandi myndir upprennandi leikstjóra. Myndir í þeim flokki keppa um aðalverðlau
Posted On 18 Sep 2013