“Frost” keppir á Screamfest

Mynd Reynis Lyngdal, Frost, keppir um “óskarsverðlaun hryllingsins”, gullnu hauskúpuna, á Screamfest, einni kunnustu hryllingsmyndahátíð heims. Hátíðin stendur yfir frá 8. til 17. okt. í Los Angeles. Oft er talað um Screamfest sem Sundance-hátíð hryllingsmyndanna og margar víðfrægar hrollvekjur fyrst náð hylli á hátíðinni. Nægir þar að nefna Paranormal Activity sem getið hefur af sér fjórar framhaldsmyndir og hefur myndaröðin halað inn milljarði Bandaríkjadala. Í ráðgjafarnefnd Screamfest eiga sæti sannkallað landslið hrollvekjumeistara; Wes Craven (Nightmare On Elm Street, Scream), Clive Barker (Hellraiser, Candyman) John Landis (American Werewolf in London, The Blues Brothers),
Posted On 04 Oct 2013

Sólveig Anspach á RIFF

Kvikmynd Sólveigar Anspach, Nakin Lulu (Lulu in the Nude), er hluti af dagskrá  RIFF sem lýkur nú um helgina. Sólveig átti einnig mynd á síðustu RIFF hátíðinni sem nefnist Drottningin af Montreuil og hlaut hún meðal annars áhorfendaverðlaun ásamt því að vera opnunarmynd hátíðarinnar. Nakin Lulu verður sýnd á tveimur kvikmyndahátíðum í Þýskalandi á næstunni áður en hún verður tekin til almennra sýninga í Frakklandi í janúar. Á kvikmyndahátíðinni í Stuttgart verður myndin sýnd ásamt eldri myndum Sólveigar, þar sem litið verður yfir feril hennar. Nakin Lulu segir frá starfsviðtali sem fer á versta veg. Í kjölfarið ákveður Lulu að yfirgefa eiginmann sinn og þrjú börn. Að vera slík ævintýrakona e
Posted On 04 Oct 2013

Baltasar í Hollywood Reporter: Gríðarlegt áfall fyrir kvikmyndagerð

Baltasar Kormákur er í viðtali við The Hollywood Reporter um hinn mikla niðurskurð til kvikmyndagerðar. “Þetta er gríðarlegt áfall fyrir alla sem vinna við íslenskar kvikmyndir. Ég held að allir hafi vitað að það yrði eitthvað skorið niður en ekkert í líkingu við þetta.” Baltasar bætir við: “Það er nær ómögulegt að byggja upp kvikmyndaiðnaðinn til framtíðar þegar stjórnvöld eru stöðugt að klippa okkur niður.” Sjá nánar hér: ‘2 Guns’ Director, Icelandic Industry Shocked by Cuts to Local Film Fund – The Hollywood Reporter.
Posted On 04 Oct 2013

Kennsla í kvikmyndalæsi hefst í Bíó Paradís

Bíó Paradís hefur undanfarin tvö ár staðið fyrir kvikmyndasýningum fyrir grunn- og framhaldsskólanema þar sem markmiðið er fræðsla og efling kvikmyndalæsis. Sýningarnar hafa verið vinsælar og vel sóttar en þetta haustið hefst formleg kennsla í kvikmyndalæsi fyrir grunnskólanema í bíóinu undir stjórn Oddnýjar Sen kvikmyndafræðings. Af þessu tilefni ræðir Oddný við Fréttablaðið í dag: „Ég verð með námskeið fyrir alla grunnskóla landsins, fyrir börn og unglinga en þetta er í fyrsta skipti sem fræðsla samkvæmt aðalnámskrá grunnskólanna fer fram í kvikmyndahúsi,“ segir Oddný Sen, kvikmyndafræðingur og verkefnastjóri í Bíói Paradís. “Tilgangur sýninganna er alhliða kvikmyndafræðsla og kvikmy
Posted On 03 Oct 2013

Laufey segir niðurskurðinn verða erfiðan fyrir greinina

„Þetta verður mjög erfitt fyrir kvikmyndagreinina, það er alveg ljóst,“ segir Laufey Guðjónsdóttir, forstöðumaður Kvikmyndamiðstöðvar Íslands í spjalli við Visi. „Fjármögnun verkefna hefur alltaf verið erfið og sjóðurinn hrundi með hruninu. Svo var gefið í á þessu ári með fjárfestingaráætluninni en nú hefur verið hætt við hana.“ Laufey segir að viðhalda þurfi fagmennskunni. „Hugmyndaríkir kvikmyndamenn þurfa tæki og tól. Það þarf peninga til.” Sjá nánar hér: Vísir – „Þetta verður mjög erfitt fyrir kvikmyndagreinina“.
Posted On 02 Oct 2013

Hlynur Sigurðsson til Stórveldisins

Hlynur Sigurðsson hefur verið ráðinn til kvikmynda- og framleiðslufyrirtækisins Stórveldisins þar sem hann mun starfa við framleiðslu. Hlynur er menntaður stjórnmálafræðingur og er með MBA gráðu frá Copenhagen Business School. Hann var meðal annars fréttamaður á RÚV og tók þátt í að stofna og reka mbl sjónvarp. Stórveldið hefur á undanförnum árum haslað sér völl á sviði sjónvarpsþáttaframleiðslu og má þar nefna þættina Andri á flandri og Andraland, Ameríska og Evrópska drauminn og grillþætti Hrefnu Sætran. Fyrirtækið framleiðir nú Áramótaskaupið fyrir RÚV og Borð fyrir fimm fyrir Skjá einn. Sjá nánar hér: Viðskiptablaðið – Hlynur til Stórveldisins.
Posted On 02 Oct 2013

RÚV: Páll segir hagræðingarkröfu 7%

Páll Magnússon útvarpsstjóri hefur sent frá sér skeyti þar sem fram kemur að fjárlagafrumvarpið rýri afkomu RÚV á næsta ári um rúmlega 260 milljónir króna og að raunveruleg hagræðingarkrafa sé því um 7%. Þessu verði að mæta og verða áætlanir út frá nýrri stöðu lagðar fram um næstu mánaðamót. Skeyti hans fer hér á eftir í heild: Sælt veri fólkið!Nú hefur fjárlagafrumvarpið fyrir næsta ár litið dagsins ljós og niðurstaðan fyrir Ríkisútvarpið er í stuttu máli þessi:Þær greinar nýrra laga um RÚV sem skerða auglýsingatekjur og auka rekstrarkostnað eru látnar halda sér, en tekjuauki sem átti að koma þar á móti er ekki látinn taka gildi nema að litlu leyti. Þannig ætlar ríkið áfram að taka um 400 m
Posted On 01 Oct 2013

Kvikmyndasjóður skorinn niður um 39%

Framlög til kvikmyndasjóðs Kvikmyndamiðstöðvar Íslands verða skorin niður um 39% skv. fjárlagafrumvarpi 2014 og gert ráð fyrir að þau nemi 624,7 milljónum króna. Nemur niðurskurðurinn alls 445 milljónum króna. Að auki er gert ráð fyrir 120,9 milljóna framlagi til reksturs. Alls verður heildarframlagið því 745,6 milljónir króna á næsta ári. Í kvikmyndasjóðnum eru þau framlög sem fara til fjárfestingar í einstökum kvikmyndaverkefnum. Af rekstrarframlaginu greiðist launa- og skrifstofukostnaður, þátttaka í ýmiskonar sjóðum og önnur starfsemi miðstöðvarinnar. Í skýringum með frumvarpinu kemur fram að fallið sé “frá áformum um 470 m.kr. hækkun á framlagi sem veitt var í fjárlögum ársins 201
Posted On 01 Oct 2013

Fjárlög: RÚV fær 319 milljóna aukningu

Í nýútkomu fjárlagafrumvarpi er gert ráð fyrir að RÚV fái viðbótar framlög úr ríkissjóði uppá 319 milljónir króna. Alls verður því heildarframlag ríkisins til RÚV rúmir 3,5 milljarðar króna á næsta ári. Hafa ber í huga að RÚV er uppálagt skv. lögum að verja 10% af þjónustutekjum sínum (sem hér um ræðir) til kaupa á dagskrárefni frá sjálfstæðum framleiðendum. Sjá nánar hér: Vísir – RÚV fær 319 milljónir aukalega – ekki farið fram á hagræðingu.
Posted On 01 Oct 2013

“Október” Eisensteins í Bæjarbíói

Kvikmyndasafn Íslands sýnir í Bæjarbíói í kvöld þriðjudag kl. 20 og á laugardag kl. 16 hina víðfrægu mynd Sergei Eistenstein, Október, frá 1928. Í kynningarefni safnsins segir: “Alþjóðleg velgengni Beitiskipsins Potemkin, varð þess valdandi að Sergei M. Eisenstein var fenginn til að stjórna gerð Októbers í tilefni af því að 10 ár voru liðin frá því að októberbyltingin var gerð. Gerðar skyldu tvær myndir og V. Púdovkin fengin til að stjórna hinni (sjá síðar). Árásin á Vetrarhöllina er hápunktur myndarinnar en endursköpun hennar árið 1920 varð fyrirmynd kvikmyndarinnar fremur en hinir raunverulegu ómyndrænu atburðir árið 1917. Sagnfræðingar og aðrir hafa stuðst við sviðsetningu myndarinn
Posted On 01 Oct 2013

Cantet og Gray troða upp á RIFF

Leikstjórarnir Laurence Cantet og James Gray eru nú komnir til landsins og mun RIFF veita þeim sömu verðlaun og Lukasi Moodysson, verðlaun RIFF fyrir framúrskarandi listfengi. Fer sú verðlaunaafhending fram á Bessastöðum kl. 16, miðvikudaginn 2. október. Frakkinn Laurent Cantet og Bandaríkjamaðurinn James Gray eiga ekki margt sameiginlegt þótt leiðir þeirra liggi saman hér. Laurent er fæddur 1961 og sló í gegn með fjórðu myndinni sinni, Bekkurinn (The Class á ensku), sem fékk Gullpálmann í Cannes 2008. Sigurinn opnaði honum allar dyr og hann mætir nú á RIFF með myndina Foxfire – Confessions of a Girl Gang. Þetta er mynd um stelpnagengi í New York fylki árið 1955, sem byggir á metsölubó
Posted On 30 Sep 2013

Sigmundur Davíð um mögulegan niðurskurð

Sigmundur Davíð Gunnlaugsson tjáði sig um mögulegan niðurskurð til kvikmyndagerðar og RÚV í Kastljósviðtali þann 11. september s.l. Hér er sá hluti viðtalsins sem snýr að þessum atriðum:
Posted On 30 Sep 2013

Mikil aðsókn á Evrópska kvikmyndahátíð

Evrópsk kvikmyndahátíð 2013 (EFFI) gekk vonum framar í Bíó Paradís í ár, en yfir 2000 bíógestir sóttu hátíðina heim. Á hátíðinni var boðið upp á þverskurð þeirra kvikmynda sem álfan hefur upp á að bjóða í dag. Boðið var upp á 12 nýjar og nýlegar myndir frá Evrópu en vegna gífurlegrar eftirspurnar munu þrjár myndir hátíðarinnar halda áfram í Bíó Paradís. Sjá nánar hér: Yfir 2000 bíógestir á Evrópskri Kvikmyndahátíð.
Posted On 30 Sep 2013

Agniezska Holland í Bíó Paradís – þrjár vinsælustu myndir EFFI halda áfram

Þrjár vinsælustu myndirnar af EFFI hátíðinni í Bíó Paradís halda áfram; Oh Boy, La Grande Bellezza og Child’s Pose. Pólska leikstýran Agniezska Holland var heiðursgestur Evrópsku kvikmyndahátíðarinnar EFFI sem lauk í gærkvöldi. Holland er einnig vel þekkt sem handritshöfundur. Hún er ein af fáum starfandi kvenleikstjórum í Hollywood og hefur getið sér gott orð fyrir bæði listræna og pólitíska kvikmyndagerð. Meðfylgjandi eru myndir frá gærkvöldinu þegar hún svaraði spurningum gesta eftir sýningu á nýjasta verki sínu, Burning Bush, sem er framlag Tékka til Óskarsverðlaunanna að þessu sinni. Ljósmyndir: Tomasz Chrapek.
Posted On 30 Sep 2013

Benedikt fer í bíómyndirnar – “Hross í oss” dreift um Norðurlönd og Evrópu

Benedikt Erlingsson ætlar að nýta sér þann meðbyr sem frumraun hans á hvitatjaldinu, Hross í oss, hefur fengið til að einbeita sér að kvikmyndagerð í náinni framtíð. En fyrst þarf að hann að klára að leikstýra tveimur leikritum. Myndinni hefur nú verið tryggð dreifing í á Spáni, Frakklandi, Þýskalandi og á öllum Norðurlöndum. RÚV segir frá. Sjá nánar hér: Ætlar að einbeita sér að kvikmyndagerð | RÚV.
Posted On 30 Sep 2013

“Hross í oss” verðlaunuð á San Sebastian hátíðinni

Hross í oss eftir Benedikt Erlingsson hlaut svokölluð “Kutxa – New Directors Award” á kvikmyndahátíðinni í San Sebastian á Spáni sem var að ljúka rétt í þessu. Verðlaunin eru veitt fyrstu eða annarri mynd leikstjóra og nema 50 þúsund evrum eða um 8.2 milljónum króna og skiptast til helminga milli leikstjóra og spænsks dreifingaraðila. Myndin hefur fengið afbragðs viðbrögð á hátíðinni og meðal annars kallaði Peter Bradshaw hjá The Guardian hana bestu mynd hátíðarinnar. Sjá verðlaunin hér: San sebastián Film Festival.
Posted On 28 Sep 2013

Moodyson segir vondar myndir alltumlykjandi

Leiðinlegar og óáhugaverðar myndir eru ríkjandi í kvikmyndaheiminum og gott ef fleiri betri myndir yrðu gerðar. Þetta segir sænski kvikmyndaleikstjórinn Lukas Moodysson sem er staddur hér á landi. Moodysson er heiðursgestur RIFF, alþjóðlegrar kvikmyndahátíðar í Reykjavík. Hann vakti fyrst athygli með myndinni Fucking Åmål árið 1998. Hún fjallar um ástir tveggja unglingsstúlkna og haft var eftir kvikmyndaleikstjóranum Ingmar Bergman á sínum tíma að myndin væri meistaraverk. Sjá nánar hér: Leiðinlegar og óspennandi myndir ríkjandi | RÚV.
Posted On 28 Sep 2013

“XL” dreift á Hulu

XL eftir Martein Þórsson hefur verið tekin til sýninga á kvikmyndavefnum Hulu. Hulu er því miður ekki aðgengilegt hér á landi. Lesa má frekar um málið á vef Tenderlee, framleiðanda myndarinnar. XL by MARTEINN THORSSON released on HULU ‹ Tenderlee Motion Pictures Company.
Posted On 28 Sep 2013

Agnieszka Holland viðstödd sýningar mynda sinna í Bíó Paradís

Pólska leikstýran Agniezska Holland verður viðstödd sýningar mynda sinna á lokadögum EFFI 2013, Evrópsku kvikmyndahátíðarinnar, í Bíó Paradís um helgina. Á laugardag kl. 15 verður hin Óskarstilnefnda  In Darkness sýnd með sjónlýsingu fyrir blinda og sjónskerta og sunnudag kl. 15 verður sýnd serían Burning Bush (Brennandi runni) sem er framlag Tékka í ár til Óskarsins. Holland mun svara spurningum gesta eftir sýningu beggja myndanna. Í myrkri (In Darkness)  (Pólland 2011) 145 mín. FRÍTT INN. Byggð á sannsögulegum atburðum. Myndin fjallar um Leopold Socha, sem vinnur í holræsum og er þjófur í borginni Lvov í Póllandi, sem er hernuminn af nasistum. Einn daginn verður hópur gyðinga á vegi hans,
Posted On 27 Sep 2013

Tökustaður: Ísland í The Washington Post

The Washington Post birtir grein um Hollywood verkefnin sem streyma til Íslands í leit að öðrum heimi og spjallar við Einar Svein Þórðarson og Leif B. Dagfinnsson hjá Pegasus og True North auk Chris Newman framleiðanda Game of Thrones. Sjá nánar hér: Iceland’s wild beauty, tax incentives lure Hollywood producers looking to portray other worlds – The Washington Post.
Posted On 27 Sep 2013

RIFF hefst í dag

RIFF – Alþjóðlega kvikmyndahátíðin í Reykjavík – hefst í dag. Þetta er í tíunda skipti sem hátíðin er haldin, en hún hefur vaxið jafnt og þétt síðan árið 2004 þegar hún var haldin í fyrsta skipti. Hátíðin stendur í tíu daga, lýkur þann 6. október. Í ár fara sýningar fram í Háskólabíói, Tjarnarbíói og í Norræna húsinu, en miðasala og upplýsingamiðstöð er í Tjarnarbíói. RIFF sýnir í ár hátt í hundrað myndir í fullri lengd, bæði leiknar myndir og heimildamyndir auk fjölda stuttmynda. Myndirnar koma frá samtals yfir 40 löndum. Á annað hundrað erlendir gestir úr kvikmyndaheiminum eru væntanlegir til að kynna verk sín eða taka þátt í íslenskum Bransadögum og Talent Lab smiðjunni sem ha
Posted On 26 Sep 2013

Verðlaunavetur í Bíó Paradís

Nú fer árstíð verðlaunaafhendinga að ganga í garð og þegar er búið að tilkynna hvaða myndir eru í forvali Evrópsku kvikmyndaverðlaunanna og Óskarsverðlaunanna. Evrópsku kvikmyndaverðlaunin fara fram 7. desember næstkomandi í Berlín. Hægt er að sjá stóran hluta myndanna sem eru komnar í forval á Evrópskri kvikmyndahátíð og í almennum sýningum í Bíó Paradís. Evrópsku kvikmyndaverðlaunin (e. European Film Awards) Búið er að opna fyrir netkosningu á Verðlaunum fólksins (e. People‘s Choice Awards) sem er hluti af Evrópsku kvikmyndaverðlaununum. 11 myndir eru tilnefndar í þessum flokki og meðal mynda sem hægt er að kjósa um er hin íslenska Djúpið (e. The Deep) sem er leikstýrt af Baltasar Kormáki.
Posted On 26 Sep 2013

Bíómyndin “Einn” væntanleg eftir áramót

Elvar Gunnarsson hefur unnið að myndinni um nokkurt skeið ásamt samstarfsfólki sínu. Myndin er gerð án styrkja enn sem komið er og er nú í eftirvinnslu. Framleiðandi myndarinnar og helsti samstarfsmaður Elvars er Guðfinnur Ýmir Harðarson. Arnþór Þórsteinsson fer með aðalhlutverkið.
Posted On 26 Sep 2013

Yfir 125 þúsund manns hafa séð “Eyjafjallajökull Erupts”

Heimildamynd Sveins M. Sveinssonar, Eyjafjallajökull Erupts, hefur verið sýnd í Gestastofunni á Þorvaldseyri undir jökli frá apríl 2011 eða í rúm tvö ár. Á þessum tíma hafa yfir 125.000 manns komið og séð myndina í 60 manna sal sem þar er að finna.  Myndin er 20 mínútur og er hægt að velja á milli 7 tungumála. Plús film og Eyrarbúið framleiða myndina, tónlist gerir Vilhjálmur Guðjónsson. Klapptré spjallaði stuttlega við Svein um myndina: “Kvikmyndin er til komin vegna þess að í byrjun gos hittumst við Ólafur á Þorvaldseyri í Heimalandi, þangað sem fólkið var flutt þegar það þurfti að yfirgefa heimili sín. Við sammæltumst um að ég myndaði reglulega og fylgdist með hvernig allt færi á Þo
Posted On 25 Sep 2013