Yfir 125 þúsund manns hafa séð “Eyjafjallajökull Erupts”

Heimildamynd Sveins M. Sveinssonar, Eyjafjallajökull Erupts, hefur verið sýnd í Gestastofunni á Þorvaldseyri undir jökli frá apríl 2011 eða í rúm tvö ár. Á þessum tíma hafa yfir 125.000 manns komið og séð myndina í 60 manna sal sem þar er að finna.  Myndin er 20 mínútur og er hægt að velja á milli 7 tungumála. Plús film og Eyrarbúið framleiða myndina, tónlist gerir Vilhjálmur Guðjónsson. Klapptré spjallaði stuttlega við Svein um myndina: “Kvikmyndin er til komin vegna þess að í byrjun gos hittumst við Ólafur á Þorvaldseyri í Heimalandi, þangað sem fólkið var flutt þegar það þurfti að yfirgefa heimili sín. Við sammæltumst um að ég myndaði reglulega og fylgdist með hvernig allt færi á Þo
Posted On 25 Sep 2013

“The Act of Killing” valin besta heimildamyndin á Nordisk Panorama

Nordisk Panorama hátíðinni var að ljúka í Malmö í Svíþjóð. The Act of Killing eftir Joshua Oppenheimer var valin besta heimildamyndin og On Suffocation eftir Jenifer Malmqvist var valin besta stuttmyndin. Á hátíðinni eru sýndar úrval norrænna heimildamynda og stuttmynda ár hvert. Í ár tóku heimildamyndirnar Aska eftir Herbert Sveinbjörnsson og The Last Thing eftir Hörpu Fönn Sigurjónsdóttur þátt í hátíðinni. The Act of Killing er enn í sýningum í Bíó Paradís. Sjá nánar hér: Nordisk Panorama 2013 – WELCOME to Nordisk Panorama.
Posted On 24 Sep 2013

The Guardian: “Hross í oss” sýnir eitthvað alveg nýtt

Peter Bradshaw gagnrýnandi The Guardian lofar Hross í oss í hástert í umsögn sinni: “Film festivals are places where little movies can wind up punching above their weight. This year at San Sebastián, such a film is the glorious Of Horses And Men, an Icelandic film by the first-time director Benedikt Erlingsson, a former actor who has appeared in Lars Von Trier’s comedy The Boss of It All. […] Some of the scenes are staggeringly explicit and entirely extraordinary: it is not every film that really does show you things that you have never seen before. And yet the film manages also to be tender, delicate and funny.” Sjá nánar hér: Spanish Beatlemania and Icelandic horses
Posted On 24 Sep 2013

“Hross í oss” er framlag Íslands til Óskarsverðlaunanna

Meðlimir Íslensku kvikmynda- og sjónvarpsakademíunnar völdu kvikmyndina Hross í oss sem framlag Íslands til Óskarsverðlaunanna á næsta ári. Hross í oss mun því keppa fyrir Íslands hönd um Óskarsverðlaunin fyrir bestu kvikmyndina á erlendu tungumáli. Hross í oss hlaut meirihluta atkvæða Akademíumeðlima en kosningu lauk á miðnætti í gær. Kosningin fór fram rafrænt og var kosið á milli þeirra fimm íslensku kvikmynda sem uppfylltu það skilyrði bandarísku kvikmyndaakademíunnar að hafa verið frumsýndar á tímabilinu 1. október 2012 til 30. september 2013. Hross í oss er fyrsta kvikmynd Benedikts Erlingssonar í fullri lengd og er grimm sveitarómantík um hið mennska í hrossinu og hrossið í manninum,
Posted On 24 Sep 2013

“XL” fær afbragðs viðtökur í Calgary

Mario Trono hjá CBC News í Kanada skrifar um XL Marteins Þórssonar, sem nútekur þátt í kvikmyndahátíðinni í Calgary. “Fyrir áhættusækna bíóáhugamenn sem vilja myndirnar og viðfangsefni þeirra hrá og áleitin, mæli ég með XL.” Sjá nánar hér: CIFF 2013: XL – Calgary – CBC News.
Posted On 24 Sep 2013

ZikZak kaupir réttinn á “Harmsögu” Mikaels Torfasonar

Framleiðslufyrirtækið ZikZak hefur tryggt sér réttinn á leikritinu Harmsögu eftir Mikael Torfason. Verkið var frumsýnt í Þjóðleikhúsinu síðasta föstudag. Leikstjóri verksins verður Þór Ómar Jónsson sem frumsýndi fyrr á þessu ári sína fyrstu kvikmynd, Falskur fugl, sem byggðist á skáldsögu eftir Mikael Torfason. Sjá nánar hér: Harmsaga á hvíta tjaldinu – mbl.is.
Posted On 24 Sep 2013

Aldingarðurinn, nýtt fyrirtæki í tónlist fyrir kvikmyndir, tekur til starfa

Aldingarðurinn, nýtt fyrirtæki á sviði tónlistarframleiðslu fyrir kvikmyndir, auglýsingar og sjónvarp hefur tekið til starfa. Eigendur eru tónlistarmennirnir Magnús Leifur Sveinsson og Þórhallur Stefánsson sem báðir eru menntaðir hljóðtæknimenn. Í Aldingarðinum er boðið upp á ýmsar lausnir fyrir hljóðvinnslu og hljóðsköpun, m.a. upptökur, hljóðblöndun, hljóðjöfnun, talsetningu og eftirvinnslu á hljóði fyrir mynd, útvarp og hljóðbók. Einnig er boðið upp á tónsmíðar fyrir kvikmyndir, auglýsingar og aðra miðla. Hljóðstofan skiptist í stóran og hljómfagran upptökusal, hljóðstjórn og sér hljóðeinangraðan upptökuklefa. Aðstaðan er hlýleg með úrval fjölbreyttra hljóðfæra sem viðskiptavinir garðsins
Posted On 24 Sep 2013

“Aska” sýnd á Nordisk Panorama

Aska, heimildamynd Herberts Sveinbjörnssonar um nokkra ábúendur undur jökli í kjölfar gossins í Eyjafjallajökli, hlaut áhorfendaverðlaun Skjaldborgarhátíðarinnar á dögunum og er nú sýnd á Nordisk Panorama stutt- og heimildamyndahátíðinni sem fram fer í Malmö í Svíþjóð. Jennifer Merin hjá About.com fjallar um hátíðina og víkur fallega að Ösku og einnig annarri íslenskri mynd, The Last Thing, eftir Hörpu Fönn Sigurjónsdóttur. Sjá nánar hér: Nordisk Panorama 2013.
Posted On 24 Sep 2013

Bæjarbíó sýnir fjórar forvitnilegar myndir um samskipti Íslands og Sovétríkjanna

Kvikmyndasafnið sýnir í Bæjarbíói fjögurra heimildamynda syrpu um samskipti Sovétríkjanna og Íslands, tvær frá sjötta áratugnum og tvær frá þeim sjöunda. Sýningar eru kl. 20 á þriðjudag og kl. 16 á laugardag. Íslensk sendinefnd menntamanna í SSSR, lýsir ferðalagi sendinefndar MÍR til Sovétríkjanna árið 1954. Hún geymir verðmæta mynd af þjóðþekkum Íslendingum sem ekki eru fyrirferðarmiklir í heimildarmyndasafni okkar Íslendinga. Þetta eru þeir Ragnar Ólafsson hrl, formaður nefndarinnar, Kristín Ólafsson, Björn Jóhannesson jarðvegsfræðingur, Björn Sigurðsson læknir og prófessor, forstöðumaður Tilraunastofu HÍ í meinafræðum, Guðmundur Kjartansson jarðfræðingur, Guðni Jónsson prófessor, Snorri H
Posted On 24 Sep 2013

Gestkvæmt á RIFF

  Mikill fjöldi gesta verður viðstaddur RIFF hátíðina sem hefst 26. sept og stendur til 6. okt. Á vef RIFF er yfirlit yfir gestina og hvenær og hvar er hægt að hitta þá í eigin persónu og fræðast um verk þeirra. Sjá nánar hér: Margir góðir gestir á RIFF | Reykjavík International Film Festival.
Posted On 24 Sep 2013

“The Fifth Estate”: handritinu lekið, Egill Helgason lofar Assange

Wikileaks hefur (nema hvað?) lekið handriti kvikmyndarinnar The Fifth Estate, sem mynduð var að hluta hér á landi og verður frumsýnd 18. október næstkomandi. Wikileaks segir þessa útgáfu handritsins frá seinni hluta tökutímabils myndarinnar og að þar séu að finna ýmsar grófar rangfærslur. Lesa má athugasemdir Wikileaks hér og handritið sjálft hér. Jakob Bjarnar Grétarsson blaðamaður fjallar um málið á Visir.is í dag. Hann segir Birgittu Jónsdóttur þingmann nefnda 55 sinnum í handritinu og bendir sérstaklega á þátt Egils Helgasonar sem leikur sjálfan sig í myndinni. Jakob segir að hlutverk Egils virðist nokkuð stórt og felist einkum í því að “hylla Assange og lofa fyrir ómetanlegt starf
Posted On 23 Sep 2013

Tökur hafnar á “Hrauninu”

Tökur eru hafnar á sjónvarpsþáttaröðinni Hraunið. Þættirnir eru óbeint framhald þáttanna Hamarinn sem sýndir voru á RÚV 2011. Sama teymi gerir þættina; Reynir Lyngdal leikstýrir, Björn Hlynur Haraldsson fer með aðalhlutverk, Sveinbjörn I. Baldvinsson skrifar handrit og Snorri Þórisson og Lilja Ósk Þórisdóttir framleiða fyrir Pegasus. Víðir Sigurðsson sér um myndatöku. Tökur fara meðal annars fram á Snæfellsnesi.
Posted On 22 Sep 2013

RVK Studios Baltasars, Magnúsar og Sigurjóns kynnir verkefni á Mipcom

RVK Studios, nýtt fyrirtæki Baltasars Kormáks, Magnúsar Viðars Sigurðssonar og Sigurjóns Kjartanssonar, kynnir fjölda nýrra verkefna fyrir mögulegum fjárfestum á Mipcom kaupstefnunni sem fram fer í Cannes 7.-10 október. Meðal verkefnanna eru sjónvarpsþáttaröðin Vatnajökull um björgunarsveitarmenn á Vatnajökli sem leita af týndum vísindamönnum en eitthvað dularfullt á sér stað á jöklinum; þáttaraðirnar First Degree og Trapped (Ófærð). Sú fyrrnefnda er dramaþáttaröð sem gerist í úthverfi og sú síðarnefnda spennutryllir í litlu þorpi. Viðskiptablaðið greinir frá. Sjá einnig umfjöllun hjá Variety: Baltasar Kormakur Readies TV Slate | Variety.
Posted On 22 Sep 2013

“Málmhaus” Ragnars Bragasonar frumsýnd 11. október

Málmhaus eftir Ragnar Bragason verður frumsýnd á Íslandi þann 11. október. Sena dreifir myndinni. Myndin var heimsfrumsýnd á kvikmyndahátíðinni í Toronto fyrr í mánuðinum og hlaut þar afbragðs fína dóma. Söguþræði er lýst svona: Æska Heru Karlsdóttur er áhyggjulaus í sveitinni þar til harmleikur dynur yfir. Eldri bróðir hennar deyr af slysförum og Hera kennir sjálfri sér um dauða hans. Í sorginni finnur hún sáluhjáp í þungarokki og dreymir um að verða rokkstjarna. Sjá nánar hér: Væntanlegt | Sena.
Posted On 22 Sep 2013

“Svona er Sanlitun” í almennar sýningar 7. október

Svona er Sanlitun (This is Sanlitun), nýjasta mynd Róberts Douglas, verður frumsýnd 26. september sem opnunarmynd RIFF í ár en almennar sýningar hefjast síðan á henni þann 7. október eða strax að RIFF hátíðinni lokinni. Sena dreifir myndinni. Myndin segir af Ameríkananum Gary sem staddur er í Beijing til að láta stóra drauma rætast, en eftir að hafa mistekist að sjarmera Kínverja í viðskiptum snýr hann sér að enskukennslu og kynnist Ástralanum Frank sem býðst til að leggja honum lífreglurnar um kínverska siði og háttu. Smám saman kemur þó í ljós að raunverulega ástæðan fyrir komu Garys til Kína er að ná aftur sambandi við kínverska konu sína og barn þeirra. Myndin var alheimsfrumsýnd á kvikm
Posted On 22 Sep 2013

Myndir tilnefndar til Kvikmyndaverðlauna Norðurlandaráðs sýndar í Háskólabíói

Kvikmyndaverðlaun Norðurlandaráðs 2013 verða afhent þann 30. október. Græna ljósið stendur fyrir sérstökum kvikmyndaviðburði í Háskólabíói dagana 20. – 25. september þar sem allar fimm myndirnar verða sýndar. Kvikmyndirnar fimm eru: JAGTEN (THE HUNT) – Danmörk KERRON SINULLE KAIKEN (OPEN TO ME) – Finnland DJÚPIÐ (THE DEEP) – Ísland SOM DU SER MEG (I BELONG) – Noregur ÄTA SOVA DÖ (EAT SLEEP DIE) – Svíþjóð Sjá nánar hér: Nýtt frá Senu | Sena.
Posted On 22 Sep 2013

Á Jóhann séns í Óskarinn?

Kvikmyndin Prisoners með Hugh Jackman og Jake Gyllenhaal var frumsýnd í gær og er henni jafnvel spáð toppsætinu eftir helgina. Jóhann Jóhannsson tónskáld semur tónlistina fyrir myndina og IndieWire, sem er byrjað að spá í mögulegar Óskarstilnefningar, flokkar hann undir “fjarlægur möguleiki – en hver veit?” Sjá hér: 2014 Oscar Predictions: Best Original Score | Filmmakers, Film Industry, Film Festivals, Awards & Movie Reviews | Indiewire.
Posted On 21 Sep 2013

Barði Jóhannsson semur tónlist við frönsku myndina “The Finishers”

  Barði Jóhannsson tónskáld er höfundur tónlistar við frönsku bíómyndina The Finishers (L’epreuve d’une vie) eftir Nils Tavernier (son hins kunna leikstjóra Bertrand Tavernier). Myndin var frumsýnd á Toronto hátíðinni nýverið og fær glimrandi fína umsögn í Variety og einnig hér. Almennar sýningar á myndinni hefjast í Frakklandi eftir áramót.  
Posted On 20 Sep 2013

Troðfullt á opnun Evrópskrar kvikmyndahátíðar

Evrópska kvikmyndahátíðin á Íslandi (EFFI) hófst í gærkvöldi í Bíó Paradís. Öllum landsmönnum var boðið í bíó og sýndar voru þrjár myndir, auk þess sem boðið var uppá músik og veitingar. Fullt var út úr dyrum og mikil stemmning fram eftir kvöldi. Hátíðin stendur til 29. september. Myndasyrpu af Facebook síðu hátíðarinnar má sjá hér. Í kvöld verða eftirfarandi myndir sýndar: 18:00 Hunang (Miele) 20:00 Gyllta búrið (The Gilded Cage) 22:00 Oh Boy  Á laugardag eru fjölskyldur boðnar sérstaklega velkomnar (frítt inn) en kl. 18 verður sýnd fjölskyldumyndin Mamma, ég elska þig. Dagskrá helgarinnar lítur svona út: Laugardagur 21. september Móttaka – öll fjölskyldan velkomin kl 17:30 18:00 Mamma, ég
Posted On 20 Sep 2013

“Hross í oss” til San Sebastian og Tokyo

Hross í oss eftir Benedikt Erlingsson tekur þátt í tveimur mikilvægum hátíðum á næstu vikum; annarsvegar San Sebastian hátíðinni á Spáni dagana 20.-28. september og síðan fer hún til Tokyo í Japan en sú hátíð stendur frá 17.-25. október. Í báðum tilfellum tekur hún þátt í aðalkeppni viðkomandi hátíðar. Myndin hefur einnig fengið boð á ýmsar aðrar hátíðir sem við munum segja frá síðar.
Posted On 20 Sep 2013

RIFF, hátíð hugmyndanna

Ragnar Trausti Ragnarsson hjá Skástrik fjallar um RIFF frá ýmum hliðum og spjallar meðal annars við Björn Ægi Norðfjörð kvikmyndafræðing í áhugaverðri yfirferð. Sjá nánar hér: Lítil hátíð með stórar hugmyndir | Skástrik.
Posted On 20 Sep 2013

Örvarpið: örmyndahátíð RÚV á netinu

RÚV stendur fyrir örmyndahátíð á vef sínum og kallast hátíðin Örvarpið. Þetta er hugsað sem vettvangur fyrir upprennandi, skapandi og framsækið fólk í kvikmyndalist. Hátíðin er ætluð öllum með áhuga á kvikmyndalist, reyndum sem óreyndum, ungum sem öldnum. Myndir mega vera allt að fimm mínútum. Sérstök valnefnd velur vikulega eitt verk til sýningar á vefnum. Valin verk verða í kjölfarið til sýningar á örmyndahátíðinni Örvarpið í Bíó Paradís, sem haldin verður eftir áramót. Bestu verkunum verða einnig gerð skil í sjónvarpi. Sjá nánar hér: Örvarpið | RÚV.
Posted On 19 Sep 2013

Elísabet Ronaldsdóttir ráðin klippari við bandaríska bíómynd

Elísabet Ronaldsdóttir klippari, mun klippa nýjustu kvikmynd leikstjóranna David Leitch og Chad Stahelski. Myndin á að heita John Wick og undirbúningur er þegar hafinn. Elísabet hefur áður klippt tvær Hollywood myndir Baltasars Kormáks, Inhale og Contraband. Hún er á mála hjá umboðsskrifstofunni William Morris Endeavor. Sjá nánar hér: Vísir – Elísabet snýr aftur til Hollywood.
Posted On 19 Sep 2013

Björn Bragi Arnarsson ráðinn stjórnandi “Gettu betur”

Björn Bragi Arnarsson hefur verið ráðinn stjórnandi spurningaþáttarins Gettu betur sem verður á dagskrá RÚV eftir áramót.Björn Bragi stýrði áður sjónvarpsþáttunum Týnda kynslóðin og Bara grín á Stöð 2. Gettu betur var fyrst haldin árið 1986 og hefur farið fram árlega síðan þá. Keppnin hefur verið einn vinsælasti dagskrárliður Ríkisútvarpsins frá upphafi. Sjá nánar hér: Vísir – Renndi hýru auga til starfs Loga Bergmanns.
Posted On 19 Sep 2013