Vettvangurinn veitir einkafjárfestum tækifæri til að kynna sér metnaðarfull kvikmyndaverk á fyrstu stigum fjármögnunar. Þetta er í þriðja sinn sem viðburðurinn er haldinn.
Hlynur er á meðal tíu leikstjóra frá átta löndum sem kynna verkefnin sín. Meðal annarra leikstjóra má nefna Sebastián Lelio (A Fantastic Woman), Lukas Dhont (Girl, Close), Eliza Hittman (Never Rarely Sometimes Always), og Jasmila Žbanić (Quo Vadis, Aida?).
Nýjasta kvikmynd Hlyns, Ástin sem eftir er, verður sýnd í aðaldagskrá kvikmyndahátíðarinnar í Cannes í ár. Verðlaunamynd Hlyns, Volaða land, var einnig heimsfrumsýnd í aðaldagskrá hátíðarinnar 2022.
Í kynningu Investors Circle segir að framleiðslukostnaður verkefnanna spanni frá 3 milljónum til yfir 9 milljónir evra, sem endurspegli bæði listrænan metnað þeirra og möguleika á alþjóðlegum markaði.
