Stikla kvikmyndarinnar The Piper eftir Erling Óttar Thoroddsen er komin út.
Verkið vísar til þjóðsögunnar um Rottufangarann frá Hamelin (The Pied Piper of Hamelin) en gerist í nútímanum. Ungt tónskáld fær tækifæri lífs síns þegar henni er falið að klára tónverk hins látna lærimeistara síns. En fljótlega tekur hana að gruna að tónlistin laði fram ill öfl. Smám saman rennur upp fyrir henni hinn ógnvekjandi uppruni laglínunnar og að hún hefur vakið upp skelfilega krafta.
Erlingur skrifar og leikstýrir fyrir Millenium Media.
