Ólafur Darri í “Zoolander 2”

Ólafur Darri Ólafsson kemur fram í Zoolander 2 þar sem Ben Stiller fer með aðalhlutverk og leikstýrir. Myndin er væntanleg innan tíðar. Hann leikur einnig í þáttaröðum sem birtast á Cinemax og Netflix, Quarry annarsvegar og Lady Dynamite hinsvegar.
Posted On 11 Nov 2015

“Hrútar” fáanleg á VOD

Hrútar Gríms Hákonarsonar er nú fáanleg í VOD-þjónustum SkjáBíós og Vodafone og einnig á Vimeo. Enn er hægt að sjá hana í Bíó Paradís.
Posted On 09 Nov 2015

Stikla og plakat kvikmyndarinnar “Reykjavík” opinberuð

Stikla og plakat kvikmyndarinnar Reykjavík eftir Ásgrím Sverrisson eru kynnt í dag. Myndin kemur í kvikmyndahús í byrjun næsta árs.
Posted On 09 Nov 2015

Minning | Gunnar Hansen 1947-2015

Gunnar Hansen, leikari í kunnum bandarískum hrollvekjum, lést í gær 68 ára að aldri. Gunnar var fæddur í Reykjavík en fluttist til Bandaríkjanna 5 ára gamall. Hann er kunnastur fyrir hlutverk sitt sem þroskahefta mannætan Leatherface í The Texas Chainsaw Massacre eftir Tobe Hooper frá 1974. Hann lék einnig lítið hlutverk í mynd Júlíusar Kemp, The Reykjavik Whale Watching Massacre frá 2009.
Posted On 08 Nov 2015

“Fúsi” fær þrennu í Lübeck, “Hrútar” með ein verðlaun

Fúsi eftir Dag Kára hlaut þrenn verðlaun á Norrænum kvikmyndadögum í Lübeck í Þýskalandi sem lýkur á morgun. Hrútar Gríms Hákonarsonar, sem verið var að tilnefna til Evrópsku kvikmyndaverðlaunanna, vann ein verðlaun.
Posted On 07 Nov 2015

“Hrútar” tilnefnd til Evrópsku kvikmyndaverðlaunanna

Hrútar Gríms Hákonarsonar er tilnefnd til Evrópsku kvikmyndaverðlaunanna sem kvikmynd ársins. Þetta er í fyrsta sinn í áratugi sem íslensk kvikmynd kemst í þann hóp.
Posted On 07 Nov 2015

365 miðlar dregur sig útúr Eddunni, stjórn ÍKSA leiðréttir rangfærslur Jóns Gnarr

365 miðlar hafa hætt þátttöku í Edduverðlaununum. Jón Gnarr, framkvæmdastjóri dagskrársviðs 365, segir í samtali við Kjarnann að ástæðan sé að RÚV hafi haft 70 prósent vægi í dómnefnd Edduverðlaunanna meðan 365 beri helming kostnaðar vegna veitingu þeirra og að 365 hefði lagt fram ýmsar tillögur um að auka vægi almennings í kjöri á verðlaunahöfum en þær tillögur hafi ekki hlotið brautargengi. Stjórn ÍKSA hefur sent frá sér tilkynningu þar sem bent er á að allt sem Jón nefnir sé rangt.
Posted On 06 Nov 2015

Bergsteinn Björgúlfsson tilnefndur til verðlauna fyrir “Ófærð” á Camerimage hátíðinni í Póllandi

Einn reyndasti tökumaður íslenskrar kvikmyndagerðar, Bergsteinn Björgúlfsson, er tilnefndur til verðlauna fyrir fyrsta þáttinn af Ófærð á pólsku hátíðinni Camerimage sem tileinkuð er kvikmyndatöku.
Posted On 05 Nov 2015

“Hrútar” verðlaunuð í Riga

Hrútar Gríms Hákonarsonar hlaut fyrir skemmstu verðlaun dómnefndar á Alþjóðlegu kvikmyndahátíðinni í Riga í Lettlandi. Alls hefur því myndin hlotið 13 alþjóðleg verðlaun. Hátíðin fór fram dagana 15.-25. október.
Posted On 05 Nov 2015

“Þrestir” fær tvennu í Sao Paulo

Þrestir Rúnars Rúnarssonar var valin besta leikna myndin í flokki nýrra leikstjóra á alþjóðlegu kvikmyndahátíðinni í Sao Paulo í Brasilíu. Einnig hlaut hún verðlaun fyrir besta handrit. Alls voru 13 íslenskar kvikmyndir í fullri lengd sýndar á hátíðinni.
Posted On 05 Nov 2015

Bandarísk stikla og plakat “Hrúta”

Cohen Media Group hefur sent frá sér heimasmíðaða útgáfu af stiklu og plakati Hrúta en myndin fer í almennar sýningar í Bandaríkjunum þann 3. febrúar næstkomandi.
Posted On 04 Nov 2015

Eyþór Arnalds: Viðbótarframlög skýri skuldalækkun

Það er ekki vegna rekstrarafgangs sem skuldir Ríkisútvarpsins hafa lækkað, segir formaður starfshóps menntamálaráðherra sem fór yfir rekstur og fjárhag RÚV.
Posted On 04 Nov 2015

Kvennablaðið um RÚV-skýrslu: Markmiðið að veikja RÚV

Fjöldann allan af rangfærslum er að finna í RÚV-skýrslunni, rekjanleiki heimilda er bágborinn, samanburður milli landa ófullnægjandi og án upplýsandi fyrirvara. Þá er framsetning tölulegra upplýsinga villandi, mælikvarðar og forsendur sem nefndin gefur sér eru fálmkennd og gildishlaðið orðalag þar sem hallar á RÚV einkennir skýrsluna. Þetta er meðal þess sem fram kemur í ítarlegri fréttaskýringu Atla Þórs Fanndal blaðamanns hjá Kvennablaðinu.
Posted On 03 Nov 2015

Kjarninn segir maðk í mysu RÚV-skýrslu

Þórður Snær Júlíusson ritstjóri Kjarnans leggur útaf RÚV-skýrslunni og segir svo virðast sem tilgangur hennar sé að setja af stað neikvæða umræðu um framtíð RÚV- enn eitt árið. Hann kallar jafnframt eftir vitrænni stefnumótun um framtíð RÚV.
Posted On 03 Nov 2015

“Hvalfjörður” hefur fengið 26 alþjóðleg verðlaun það sem af er 2015 – íslenskar kvikmyndir tvöfalda fjölda verðlauna milli ára

Klapptré voru að berast nýjar upplýsingar frá framleiðanda stuttmyndar Guðmunar Arnars Guðmundssonar, Hvalfjörður. Í ljós kemur að myndin hefur unnið til 26 verðlauna á árinu en ekki aðeins þeirra sex sem áður hafði verið sagt frá. Heildarfjöldi alþjóðlegra verðlauna sem íslenskar kvikmyndir hafa hlotið það sem af er árinu er því alls 64 en til samanburðar hlutu þær alls 34 alþjóðleg verðlaun á síðasta ári.
Posted On 03 Nov 2015

Páll Magnússon gagnrýnir RÚV-skýrsluna fyrir ósambærilegar tölur og fáfræði um dreifingarmál

Páll Magnússon, fyrrverandi útvarpsstjóri, gagnrýnir höfunda RÚV-skýrslunnar fyrir að bera saman ósambærilegar tölur sem valdi því að svo virðist sem skuldir RÚV hafi aukist eftir að stofnuninni var breytt í opinbert hlutafélag meðan skuldir hafi lækkað um 16%. Hann gagnrýnir einnig þann kafla skýrslunnar sem fjallar um dreifikerfið.
Posted On 03 Nov 2015

Starfsfólk RÚV gagnrýnir RÚV-skýrslu og biður um vinnufrið

Starfsmannasamtök Ríkisútvarpsins sendu frá sér yfirlýsingu í dag þar sem lagt er út af RÚV-skýrslunni og viðbrögðum við henni. Þar kemur meðal annars fram að starfsfólk RÚV sé langþreytt á ófaglegri umræðu og óskar eftir því að stjórnmálamenn og aðrir sýni þá sjálfsögðu kurteisi að byggja mál sitt á staðreyndum.
Posted On 03 Nov 2015

Greining | Litlar breytingar á aðsókn

Litlar breytingar eru á aðsóknarlistanum þessa vikuna. Þrestir Rúnars Rúnarssonar er áfram í tíunda sæti eftir þriðju sýningarhelgi og Everest Baltasars áfram í því þriðja.
Posted On 03 Nov 2015

“Tvíliðaleikur” Nönnu Kristínar Magnúsdóttur á iTunes

Hægt er að verða sér útí um stuttmynd Nönnu Kristínar Magnúsdóttur, Tvíliðaleik, á iTunes. Myndin kallast Playing With Balls á ensku og er í úrvali stuttmynda frá síðustu Toronto hátíð.
Posted On 03 Nov 2015

Spurt og svarað sýning á “Everest” 5. nóvember

Sérstök spurt og svarað sýning verður haldin á kvikmynd Baltasars Kormáks, Everest, fimmtudaginn 5. nóvember í Sambíóunum í Egilshöll. Sýningin er haldin í samstarfi við 66°Norður, Félag íslenskra fjallalækna (FÍFL), Sambíóin og RVK Studios.
Posted On 02 Nov 2015

Karl Óskarsson kvikmyndatökumaður tilnefndur til British Arrows Craft Awards fyrir auglýsingu um Arla skyr

Karl Óskarsson er tilnefndur til British Arrows Craft Awards fyrir bestu kvikmyndatöku vegna auglýsingar um Arla skyr. Um er að ræða fagverðlaunin í breskum auglýsingum fyrir sjónvarp, kvikmyndahús og vefmiðla.
Posted On 02 Nov 2015

“Hrútar” og “Fúsi” sigursælar á Valladolid hátíðinni

Hrútar Gríms Hákonarsonar hlaut þrenn verðlaun á nýafstaðinni Valladolid hátíðinni á Spáni. Gunnar Jónsson var einnig valinn besti leikarinn fyrir hlutverk sitt í Fúsa Dags Kára á sömu hátíð.
Posted On 02 Nov 2015
12