The Hollywood Reporter

"Með aðeins þrjár stuttmyndir að baki hefur Helena Stefánsdóttir gert glæsilega fyrstu bíómynd, með frábærum leikhópi og sterku teymi bakvið myndavélina", skrifar Sheri Linden í Hollywood Reporter um Natatorium sem sýnd er á Kvikmyndahátíðinni í Rotterdam.

"Hvunndagslegt handrit og leiksjórn ná ekki að byggja upp spennu í þessari annars áhugaverðu sögu," skrifar David Rooney í Hollywood Reporter um Against the Ice eftir Peter Flinth, sem nú er á Berlínarhátíðinni og væntanleg á Netflix.

David Rooney skrifar umsögn um Dýrið eftir Valdimar Jóhannsson í The Hollywood Reporter og kallar hana meðal annars sláandi sterka frumraun sem muni koma leikstjóranum á kortið.

End of Sentence eftir Elfar Aðalsteins fær góða dóma í The Hollywood Reporter, en myndin verður frumsýnd á Íslandi á næstu RIFF hátíð sem hefst í lok september.

Gagnrýnandi Hollywood Reporter er hrifinn af Hvítum, hvítum degi Hlyns Pálmasonar sem nú er sýnd á kvikmyndahátíðinni í Cannes. Í dóminum segir að Hlynur sé áræðinn leikstjóri sem rétt sé að veita athygli.

Stephen Dalton hjá The Hollywwod Reporter skrifar um Lof mér að falla Baldvins Z frá Toronto hátíðinni sem er nýlokið. Hann segir myndina grípandi og hjartnæma frásögn um kunnuglegt efni, sem geri bæði angist og alsælu vímuefnamisnotkunar góð skil, þökk sé góðum leikarahópi, flottri myndatöku og handriti.

Cannes hátíðinni er lokið og uppgjör helstu fagmiðla liggja fyrir. Hollywood Reporter segir mynd Benedikts Erlingssonar, Kona fer í stríð, vera meðal áhugaverðustu mynda hátíðarinnar og bæði Variety og Indiewire setja Arctic á lista sína yfir helstu myndirnar á Cannes þetta árið.

Jordan Mintzer hjá Hollywood Reporter segir Kona fer í stríð Benedikts Erlingssonar vera öðruvísi, hjartnæma og myndræna veislu.

Deborah Young skrifar í The Hollywood Reporter um Undir trénu Hafsteins Gunnars Sigurðssonar og segir hana innihalda svartan hvunndagshúmor sem vegi salt við alvarleikann.

Stephen Farber skrifar í The Hollywood Reporter um Rökkur eftir Erling Thoroddsen, sem nú er sýnd á Outfest hátíðinni í Los Angeles. Hann segir Íslendinga hafa sent frá sér nokkrar sterkar spennumyndir á undanförnum árum og að þessi verði að teljast með þeim forvitnilegustu.

The Hollywood Reporter birtir afar ítarlega og áhugaverða fréttaskýringu um Netflix og ótrúlega hraðan vöxt fyrirtækisins á allra síðustu árum. Vöxturinn hefur valdið miklum hræringum í bandarískum kvikmyndaiðnaði og margir óttast að Netflix nái yfirburðastöðu á sínu sviði líkt og gerst hefur með Google, Apple og Amazon.

Baltasar Kormákur ræðir við Hollywood Reporter um hversvegna hann hafnaði stórmyndum og kom þess í stað heim til að gera mynd, hvernig uppeldi unglingsdætra hefur gert hann gráhærðan, mögulega endurgerð Ófærðar í Bandaríkjunum, fyrirhugaða víkingamynd sína og ýmislegt fleira.

David Rooney hjá The Hollywood Reporter skrifar frá Feneyjahátíðinni um Hjartastein Guðmundar Arnars Guðmundssonar. Rooney segir myndina of langa en hrífandi, en þrátt fyrir gallana sé þetta vel leikin og afar sjónræn frumraun sem lofi góðu.

Hollywood Reporter fjallar um mynd Sólveigar Anspach, Sundáhrifin (L'Effet aquatique/The Together Project), sem nú er sýnd á Director's Fortnight í Cannes og segir hana afar sjarmerandi litla mynd.

Jordan Mintzer hjá The Hollywood Reporter fjallar um Þresti Rúnars Rúnarssonar sem sýnd er á Toronto hátíðinni. Mintzer segir myndina frekar hefðbundna sögu sem lyft sé upp af fallegu myndefni og óvenjulegu sögusviði.

Fjölmargir miðlar hafa birt umsagnir um Everest Baltasars Kormáks sem er opnunarmynd Feneyjahátíðarinnar nú í kvöld. Myndin er sem stendur með 75% skor á Rotten Tomatoes, sem þýðir að jákvæðar umsagnir eru í miklum meirihluta.

Todd McCarthy, hinn gamalreyndi gagnrýnandi The Hollywood Reporter, segir margar góðar ástæður til að sjá Everest Baltasars Kormáks. Myndin sé kraftmikil og vel gerð, myndrænar brellur séu afar vel leystar og fái mann til að finnast sem maður sé kominn á fjallið, auk þess sem hinu fjölmenna persónugalleríi séu gerð sannfærandi skil þannig að maður láti sig örlög þeirra varða. Hann telur að Universal geti bætt þessari mynd á lista sinn yfir metsölumyndir, en fyrirtækið hefur átt óvenju gott ár hvað varðar árangur í miðasölunni.

Helstu erlendu kvikmyndamiðlarnir hafa fjallað um valið á Everest Baltasars sem opnunarmynd Feneyjahátíðarinnar og benda á að þetta þyki mikið hnoss fyrir myndina og auki möguleika hennar við væntanlegar Óskarstilnefningar.

Hinn gamareyndi krítíker Todd McCarthy hjá The Hollywood Reporter kallar Hrúta Gríms Hákonarsonar "góðan fánabera fyrir Ísland"; einfalda en vel sagða sögu um erfiðleika í einangraðri sveit.

Stephen Dalton hjá The Hollywood Reporter skrifar frá Berlín um Fúsa Dags Kára og segir hana hlýlega og fyndna svipmynd af risastórum utanveltumanni með jafnvel enn stærra hjarta, létta nálgun á þungt viðfangsefni sem sneiði hjá myrkrinu, dýptinni og flókinni sálfræðistúdíu.

Vonarstræti er talin eiga einhverja möguleika á að hljóta tilnefningu til Óskarsverðlauna ef marka má Scott Feinberg sem sérhæfir sig í verðlaunaspekúleringum hjá Hollywood Reporter.

John DeFore hjá The Hollywood Reporter gerir upp RIFF hátíðina og kemur inná ástandið í íslenskri kvikmyndagerð í ítarlegum pistli.

Baltasar Kormákur er í viðtali við The Hollywood Reporter um hinn mikla niðurskurð til kvikmyndagerðar. "Þetta er gríðarlegt áfall fyrir alla sem vinna við íslenskar...