HeimEfnisorðÓlafur Darri Ólafsson

Ólafur Darri Ólafsson

Eldgos gerir Ísland óbyggilegt í fyrstu þáttaröð Act 4

Fyrsta verkefni hins nýstofnaða framleiðslufyrirtækis Act 4 verður alþjóðleg þáttaröð um afleiðingar eldgoss sem gerir Ísland óbyggilegt. Verkefnið er unnið í samvinnu við bandaríska og króatíska aðila.

Kanónur stofna félag um þáttaraðir fyrir alþjóðamarkað

Ólafur Darri Ólafsson, Hörður Rúnarsson, Birkir Blær Ingólfsson og Jónas Margeir Ingólfsson hafa stofnað framleiðslufyrirtækið Act 4 með þátttöku alþjóðlegs hóps fjárfesta. Act 4 er ætlað að framleiða norrænt sjónvarpsefni fyrir alþjóðamarkað.

Tökur standa yfir á spennumyndinni NAPÓLEONSSKJÖLIN

Þessa dagana standa tökur yfir á spennumyndinni Napóleonsskjölin, sem byggir á skáldsögu Arnaldar Indriðasonar. Óskar Þór Axelsson leikstýrir eftir handriti Marteins Þórissonar.

Þáttaröðin VEGFERÐ: Uppgjör við karlmennskuna á hringferð um Vestfirði

Gamanþættirnir Vegferð hófu göngu sína á Stöð 2 um páskana. Þar leika þeir Ólafur Darri Ólafsson og Víkingur Kristjánsson vini sem neyðast til að horfast í augu við eigin tilfinningar, karlmennsku og stolt á ferðalagi um Vestfirði. Glassriver framleiðir þættina fyrir Stöð 2 og Baldvin Z leikstýrir. Menningin á RÚV fjallaði um þættina.

Teymið á bakvið RÁÐHERRANN ræðir um þáttaröðina

Fagmiðillinn C21 Media ræðir við teymið á bakvið þáttaröðina Ráðherrann sem sýnd verður á RÚV í haust. Ólafur Darri Ólafsson sem fer með aðalhlutverkið, Nanna Kristín Magnusdóttir annar leikstjóranna og Jónas Margeir Ingólfsson einn handritshöfunda ræða hugmyndirnar bakvið verkið, en auk þess eru sýnd brot úr þáttunum.

Rætt um RÁÐHERRANN

Drama Quarterly ræðir við Ólaf Darra Ólafsson leikara, Jónas Margeir Ingólfsson handritshöfund og Nönnu Kristínu Magnúsdóttur leikstjóra um þáttaröðina Ráðherrann sem sýnd verður á RÚV í haust.

Þáttaröðin RÁÐHERRANN heimsfrumsýnd á Series Mania sjónvarpshátíðinni

Þáttaröðin Ráðherrann, sem Sagafilm framleiðir, verður heimsfrumsýnd á Series Mania hátíðinni sem fram fer í Lille í Frakklandi 20.-28. mars. Hátíðin er tileinkuð sjónvarpsþáttaröðum og er sú stærsta sinnar tegundar í heiminum í dag.

Margir íslenskir leikarar í erlendum seríum og kvikmyndum um þessar mundir

Um þessar mundir má sjá nokkurn hóp íslenskra leikara bregða fyrir í alþjóðlegum kvikmynda- og sjónvarpsverkum. Í sjálfu sér ekkert nýtt nema hvað þeir eru óvenju margir þessa dagana. Þarna eru Tómas Lemarquis, Ólafur Darri Ólafsson, Ingvar E. Sigurðsson, Ragnheiður Ragnarsdóttir, Ágústa Eva Erlendsdóttir, Salóme Gunnarsdóttir, Ívar Örn Sverrisson, María Birta Bjarnadóttir og Jóhannes Haukur Jóhannesson.

Ólafur Darri verður forsætisráðherra

Ólafur Darri Ólafsson fer með aðalhlutverkið í þáttaröðinni Ráðherranum, sem verður tekin upp á næsta ári. Þar leikur Ólafur Darri óhefðbundinn stjórnmálamann sem verður forsætisráðherra Íslands, hvers ákvarðanir verða verða sífellt óvenjulegri eftir að hann tekur við embætti. Sagafilm framleiðir þættina sem hafa verið í þróun í nokkur ár.

Þrír Íslendingar í nýju „Fantastic Beasts“ myndinni

Þrír íslenskir leikarar, Ingvar E. Sigurðsson, Ólafur Darri Ólafsson og Álfrún Gísladóttir koma fram í kvikmyndinni Fantastic Beasts: The Crimes of Grindelwald úr smiðju J.K. Rowling. Myndinnni er leikstýrt af David Yates sem stýrði einnig mörgum Harry Potter myndanna og er væntanleg í haust. Hér má sjá Ingvar E. reffilegan á kynningarplakati við hlið Johnny Depp.

„Ófærð“ með tvær tilnefningar til Golden Nymph verðlaunanna í Monte-Carlo

Sjónvarpsþáttaröðin Ófærð hlýtur tvær tilnefningar til Golden Nymph verðlaunanna sem Monte-Carlo Television Festival stendur fyrir. Ófærð er tilnefnd í flokki bestu dramaþáttaraðar og Ólafur Darri Ólafsson er tilnefndur sem besti leikarinn. Meðal annarra þáttaraða sem fá tilefningu eru hin breska Poldark, Deutschland 83 frá Þýskalandi og Man in the High Castle frá Bandaríkjunum.

Ólafur Darri við BBC: Vinsældir „Ófærðar“ koma skemmtilega á óvart

Ólafur Darri Ólafsson segir í viðtali við útvarpsþáttinn Today á BBC að vinsældir Ófærðar í Bretlandi hafi komið skemmtilega á óvart. "Maður gerir eitthvað og vonar að það takist vel til og að áhorfendum líki það. Það kemur manni svo alltaf skemmtilega á óvart þegar fólk virðist bara hafa mjög gaman af," segir Ólafur Darri.

„Allar leiðir lokaðar“, heimildamynd um gerð „Ófærðar“

RÚV frumsýnir þáttaröðina Ófærð þann 27. desember næstkomandi. Í heimildamynd um gerð þáttaraðarinnar er skyggnst á bakvið tjöldin við gerð hennar. Meðal þeirra sem er rætt er við eru Sigurjón Kjartansson, Baldvin Z, Baltasar Kormákur, Ólafur Darri Ólafsson, Ilmur Kristjánsdóttir og fleiri.

Ólafur Darri í „Zoolander 2“

Ólafur Darri Ólafsson kemur fram í Zoolander 2 þar sem Ben Stiller fer með aðalhlutverk og leikstýrir. Myndin er væntanleg innan tíðar. Hann leikur einnig í þáttaröðum sem birtast á Cinemax og Netflix, Quarry annarsvegar og Lady Dynamite hinsvegar.

Ólafur Darri í dómnefnd á Karlovy Vary

Ólafur Darri Ólafsson verður í aðaldómnefnd Karlovy Vary hátíðarinnar sem stendur dagana 3.-11. júlí. Íslensku bíómyndirnar Hrútar og Fúsi taka þátt í hátíðinni ásamt stuttmyndinni Hjónabandssælu.

Ólafur Darri með Liam Neeson í „A Walk Among the Tombstones“

Föstudaginn 19. september hefjast sýningar hér á landi á kvikmyndinni A Walk Among the Tombstones þar sem Ólafur Darri Ólafsson leikur á móti Liam Neeson. Myndin hefur hlotið fín viðbrögð gagnrýnenda.

Stefnt að tökum á „Ófærð“ undir lok árs

Sjónvarpsserían Ófærð var kynnt fyrir kaupendum á MIP TV markaðsstefnunni sem lýkur í Cannes í dag. Stefnt er að tökum á Austfjörðum undir lok árs.

Viðhorf | Hver fær Edduna fyrir bíómynd ársins?

Kosningin er spennandi í ár fyrir þá sök að handhafi Eddu fyrir bíómynd ársins blasir ekki afgerandi við. Ásgrímur Sverrisson veltir vöngum yfir mögulegum úrslitum. Hér er líka smá könnun þar sem þú getur spáð.

Ný stikla með „Harry og Heimi“

Ný stikla úr bíómyndinni Harry og Heimir hefur litið dagsins ljós og gengur þar á ýmsu. Sigurður Sigurjónsson og Karl Ágúst Úlfsson fara með helstu hlutverk en auk þeirra koma Svandís Dóra Einarsdóttir, Laddi, Ólafur Darri, Örn Árnason og margir fleiri við sögu. Leikstjóri er Bragi Þór Hinriksson, Zik Zak framleiðir og Sena dreifir. Myndin verður frumsýnd um páskana.

„XL“ dreift á Hulu

XL eftir Martein Þórsson hefur verið tekin til sýninga á kvikmyndavefnum Hulu. Hulu er því miður ekki aðgengilegt hér á landi. Lesa má frekar...
spot_imgspot_img

NÝJUSTU FÆRSLUR