Morgunblaðið: Tíu bestu íslensku myndirnar 2016

Morgunblaðið birti lista Hjördísar Stefánsdóttur gagnrýnanda blaðsins yfir bestu íslensku myndir ársins á gamlársdag.
Posted On 01 Jan 2017

Morgunblaðið um “Baskavígin”: Öll kurl koma til grafar

Hjördís Stefánsdóttir skrifar um spænsk/íslensku heimildamyndina Baskavígin í Morgunblaðið og segir með ólíkindum að hægt sé að gera svona viðamiklu og flóknu efni góð skil í rúmlega klukkutíma frásögn en það takist með miklum ágætum. Myndin fær fjóra og hálfa stjörnu.
Posted On 27 Nov 2016

Morgunblaðið um “Svarta gengið”: Bóndi má muna fífil sinn fegri

"Frásögnin er einlæg og nær kærkominni nánd við persónu sína í hennar náttúrulega umhverfi. Kári varðveitir með myndinni dýrmæta arfleifð þjóðarinnar og dregur líkt og í fyrri verkum sínum upp lifandi lýsingu af einstakri persónu sem svo sannarlega á erindi við komandi kynslóðir," segir Hjördís Stefánsdóttir hjá Morgunblaðinu um heimildarmynd Kára Schram, Svarta gengið. Hún gefur myndinni fjóra og hálfa stjörnu.
Posted On 27 Nov 2016

Morgunblaðið um “Aumingja Ísland”: Ómarkviss hrunsaga

Hjördís Stefánsdóttir skrifar í Morgunblaðið um heimildarmynd Ara Alexanders, Aumingja Ísland. Hún gefur myndinni tvær og hálfa stjörnu og segir tengingar og úrvinnslu efnisatriða ekki nægilega skarpar og að heildin hefði verið sterkari ef moðað væri úr minna efni.
Posted On 27 Nov 2016

Morgunblaðið um “Grimmd”: Harmur, heift og hatur

Hjördís Stefánsdóttir skrifar um Grimmd Antons Sigurðssonar í Morgunblaðið og gefur henni þrjár stjörnur. Hún segir leikstjóra og leikara nálgist efniviðinn af nærgætni sem einkennist af djúpu, óhvikulu og áræðnu innsæi, en frásögnina rislitla og næstum langdregna.
Posted On 10 Nov 2016

Morgunblaðið um “Child Eater”: Hryllingur með ferskum augum

"Erlingur er augljóslega vel skólaður í eðli hrollvekja – sögu þeirra, baklandi og menningarlegu vægi. Í handritinu vinnur hann markvisst með væntingar áhorfenda og hefðina en afbyggir hana sömuleiðis og endurvinnur," segir Hjördís Stefánsdóttir gagnrýnandi Morgunblaðsins um Child Eater Erlings Thoroddsen. Hún gefur myndinni fjórar stjörnur.
Posted On 10 Nov 2016

Morgunblaðið um “InnSæi”: Linar kreppu streituþræla

Hjördís Stefánsdóttir skrifar í Morgunblaðið um heimildamyndina InnSæi eftir Hrund Gunnsteinsdóttur og Kristínu Ólafsdóttur. Hún gefur myndinni fjóra og hálfa stjörnu og segir hana minna  áhorfendur á að heimurinn sé undraverður og verði seint kortlagður til hlítar.
Posted On 13 Oct 2016

Morgunblaðið um “Sundáhrifin”: Straumhvörf og hrífandi slembilukka

Hjördís Stefánsdóttir skrifar um Sundáhrifin Sólveigar Anspach í Morgunblaðið í dag, en myndin er frumsýnd á RIFF en verður svo tekin til sýninga í Bíó Paradís. Hjördís gefur myndinni fjóra og hálfa stjörnu og segir að í henni bjóðist "áhorfendum að flandra um með persónum í töfrandi söguheimi þar sem einlægar tilfinningar ráða för og duttlungafullt háttalag leiðir tíðum til spaugilegra árekstra."
Posted On 05 Oct 2016

Morgunblaðið um “Eiðinn”: Römm er sú taug

Hjördís Stefánsdóttir skrifar um Eiðinn Baltasars Kormáks í Morgunblaðið og gefur myndinni fimm stjörnur. "Sjónræn umgjörð og allur frágangur myndarinnar eru frámunalega hrífandi. Kvikmyndataka, klipping, tónlist, listræn útfærsla á leikmynd, búningum og gervum og allir aðrir formlegir þættir giftast í nostursamlega gæðaheild," segir Hjördís meðal annars í umsögn sinni.
Posted On 10 Sep 2016

Morgunblaðið um “The Show of Shows”: Framúrstefnulegt meistaraverk

The Show of Shows er eins og söguleg og blæbrigðarík kviksjá sem hringsnýst sífellt hraðar og virðist alltaf við það að verða hamslausir órar. Stórbrotnar myndfléttur myndarinnar eru framúrstefnulegt meistaraverk," segir Hjördís Stefánsdóttir hjá Morgunblaðinu meðal annars í umsögn sinni um þessa heimildamynd Benedikts Erlingssonar.
Posted On 01 May 2016

Morgunblaðið um “Reykjavík”: Í draumi sérhvers manns er fall hans falið

Hjördís Stefansdóttir skrifar um Reykjavík Ásgríms Sverrissonar í Morgunblaðið. Hún segir meðal annars að allt frá upphafskynningu sé "sleginn tónn að brotakenndum mikilfengleika," og að óvenju raunsæjar og mannlegar persónur fái að spinna sinn þráð út frá sínum vonum og þrám og rata í mannlegar flækjur. Hjördís gefur myndinni fjórar stjörnur.
Posted On 17 Mar 2016

Morgunblaðið um “Fyrir framan annað fólk”: Klassískar aðstæður

Hjördís Stefánsdóttir skrifar um Fyrir framan annað fólk Óskars Jónassonar í Morgunblaðið og segir hana hugljúfa mynd um hugnæmt ástarævintýri. "Handritið slær engar feilnótur en er líka í engan stað sértækt," segir Hjördís og gefur myndinni þrjár stjörnur.
Posted On 16 Mar 2016

Morgunblaðið um “Njósnir, lygar og fjölskyldubönd”: Gott flæði og hrífandi samfella

Hjördís Stefánsdóttir skrifar í Morgunblaðið um heimildamynd Helga Felixsonar, Njósnir lygar og fjölskyldubönd, en myndin er nú í sýningum í Bíó Paradís. "Myndin er í senn mjög áhugaverð og stórmerkileg söguleg heimild sem sýnir hvernig átök styrjalda stórvelda geta af sér meinvörp sem eitra út frá sér yfir á afskekkt annes óháðra smáríkja og öfugt, hvernig illvígar fjölskylduerjur geta óvænt ratað inná fjarlægari vígstöðvar."
Posted On 15 Feb 2016

Morgunblaðið um “Þresti”: Spegill, spegill, herm þú hver

Hjördís Stefánsdóttir skrifar um Þresti Rúnars Rúnarssonar í Morgunblaðið og gefur henni fjóra og hálfa stjörnu af fimm. Hún segir áhorfendur finna tilfinningaspennu magnast innra með sér og skynja illþyrmilega að slæmar aðstæður Ara komi til með að versna til muna áður en yfir lýkur.
Posted On 09 Oct 2015

Morgunblaðið um “Webcam”: Fjötrar, ást og örbirgð

Hjördís Stefánsdóttir hjá Morgunblaðinu skrifar um Webcam Sigurðar Antons Friðþjófssonar og gefur henni þrjár stjörnur og segir meðal annars: "Þegar á heildina er litið er myndin allt í senn frumleg, ögrandi og krefjandi án þess að vera meiðandi eða groddaraleg. Hún tekur á viðkvæmum málefnum og vekur áhorfendur til umhugsunar um firringu nútímans þar sem hlutverkaleikir og sýndartengsl avatara í netheimum eru farin að þjarma að og skáka nærandi og ástríkum tengslanetum ættingja og vina í raunheimum."
Posted On 21 Jul 2015

Morgunblaðið um “Albatross”: Með eldmóðsins vilja að vopni

Hjördís Stefánsdóttir gagnrýnandi Morgunblaðsins skrifar vinsamlega um Albatross Snævars S. Sölvasonar, segir einlæga framsetningu og eftirtektarvert fumleysi frásagnarinnar hrífandi.
Posted On 25 Jun 2015

Morgunblaðið um “Hrúta”: Að duga eða drepast

Hjördís Stefánsdóttir fjallar um Hrúta í Morgunblaðinu og gefur myndinni fjóra og hálfa stjörnu af fimm. Hún segir Grím Hákonarson vinna markvisst með þemu og stef úr fyrri verkum sínum, en í þeim sé nútímavæðingu og efnishyggju teflt gegn þögguðum kynngikrafti náttúrunnar, hverfandi lifnaðarháttum og fornum menningararfi sem fyrnist hratt.
Posted On 30 May 2015

Morgunblaðið um “Bakk”: Að bíta í skott sér og velta hringinn

Hjördís Stefánsdóttir skrifar um Bakk Gunnars Hanssonar og Davíðs Óskars Ólafssonar í Morgunblaðið og gefur henni fjórar stjörnur af fimm mögulegum.
Posted On 13 May 2015

Morgunblaðið um “Austur”: Kolsvart náttmyrkur og heitasta helvíti

Hjördís Stefánsdóttir skrifar um Austur Jóns Atla Jónassonar í Morgunblaðið og segir myndina vægast sagt ógeðslega og óhugnaðinn með öllu tilgangslausan en engu að síður rífi hann áhorfendur á hol.
Posted On 18 Apr 2015

Morgunblaðið um “Blóðberg”: Líf í sjálfsblekkingu

Hjördís Stefánsdóttir skrifar um Blóðberg Björns Hlyns Haraldssonar í Morgunblaðið og gefur myndinni þrjár og hálfa stjörnu af fimm mögulegum.
Posted On 14 Apr 2015

Mbl. um “Fúsa”: Tilvistarspekileg þroskasaga

Hjör­dís Stef­ans­dótt­ir, gagn­rýn­andi Morg­un­blaðsins, gef­ur Fúsa fjór­ar stjörn­ur af fimm í um­sögn sinni.
Posted On 29 Mar 2015

Morgunblaðið um “Borgríki 2”: Maðkar í blóðugri refskák

Hjördís Stefánsdóttir hjá Morgunblaðinu segir Borgríki 2 þétta og nokkuð raunsæja löggumynd með framúrskarandi leik og tæknivinnslu.
Posted On 19 Oct 2014

Morgunblaðið um “Afann”: Hlaðin skondnum stefjum

Hjördís Stefánsdóttir hjá Morgunblaðinu fjallar um Afann í leikstjórn Bjarna Hauks Þórssonar og segir myndina eiga erindi við alla og að hún ætti að geta skemmt flestum kostulega.
Posted On 02 Oct 2014

Morgunblaðið: Vonarstræti vísar bjartan veg til framtíðar

Hjördís Stefánsdóttir gagnrýnandi Morgunblaðsins gefur Vonarstræti fjóra og hálfa stjörnu í umsögn sinni og segir myndina hörkuspennandi og átakanlega samtímasögu um óvægna fortíðardrauga, sársaukafull leyndarmál og mögulega syndaaflausn.
Posted On 16 May 2014
12