HeimEfnisorðErlingur Óttar Thoroddsen

Erlingur Óttar Thoroddsen

Morgunblaðið um THE PIPER: Fjandsamlegur flautuleikur

"Skemmtilegt bíóáhorf með nokkrum hryllilegum atriðum fyrir hlé og nokkrum kjánalegum en fyndnum atriðum eftir hlé," skrifar Jóna Gréta Hilmarsdóttir meðal annars í Morgunblaðið um The Piper eftir Erling Óttar Thoroddsen.

THE PIPER eftir Erling Óttar Thoroddsen heimsfrumsýnd á Screamfest

Bíómyndin The Piper eftir Erling Óttar Thoroddsen verður frumsýnd á Screamfest hátíðinni í Los Angeles þann 18. október. Screamfest er elsta og helsta hrollvekjuhátíðin vestra.

Lestin um KULDA: Synd hvað sagan er mikil formúla

"Tekst, upp að vissu marki, að vekja hræðslu áhorfenda og sum atriði láta hárin rísa," segir Kolbeinn Rastrick gagnrýnandi Lestarinnar meðal annars um Kulda eftir Erling Óttar Thoroddsen.

Morgunblaðið um KULDA: Hver hefur sinn djöful að draga

Jóna Gréta Hilmarsdóttir fjallar um Kulda Erlings Óttars Thoroddsen í Morgunblaðinu og skrifar meðal annars: "Kuldi er ágæt mynd og skemmtileg áhorfs. Það getur hins vegar verið vandi að aðlaga bók kvikmyndaforminu og sumt er vel gert en annað ekki."

[Stikla, plakat] KULDI kemur 1. september

Kuldi eftir Erling Óttar Thoroddsen verður frumsýnd 1. september næstkomandi. Myndin er byggð á samnefndri metsölubók Yrsu Sigurðardóttur.

KULDI kynnt á Cannes

Kvikmyndin Kuldi í leikstjórn Erlings Óttars Thoroddsen verður kynnt kaupendum á yfirstandandi Cannes hátíð. Danska sölufyrirtækið LevelK annast sölu á heimsvísu. Myndin verður frumsýnd í haust.

LevelK selur KULDA á heimsvísu

Danska sölufyritækið LevelK mun selja Kulda Erlings Óttars Thoroddsen á heimsvísu. Gengið var frá samningum þess efnis á yfirstandandi Feneyjahátíð.

Erlingur Óttar Thoroddsen endurgerir RÖKKUR í Bandaríkjunum

Erlingur Óttar Thoroddsen mun skrifa og leikstýra bandarískri endurgerð myndar sinnar Rökkur sem kom út 2017. Erlingur lauk tökum nýverið á kvikmyndinni The Piper fyrir Millennium Media með Charlotte Hope og Julian Sands í aðalhlutverkum.

Erlingur Óttar Thoroddsen skrifar handritið að bandarísku hýrslægjumyndinni „Midnight Kiss“

Hýrslægjumyndin ("gay slasher") Midnight Kiss er væntanleg á Hulu efnisveituna um áramótin, en handrit hennar er skrifað af Erlingi Óttari Thoroddsen (Rökkur).  Leikstjóri er Carter Smith.

„Rökkur“ endurgerð í Bandaríkjunum

Hollywood Reporter skýrir frá því í dag að Rökkur Erlings Óttars Thoroddsen verði endurgerð í Bandaríkjunum og að Erlingur muni skrifa handrit.

Hugrás um „Rökkur“: Margt býr í rökkrinu

„Óhætt er jafnframt að segja að Erlingur sé nákunnugur hefðinni og byggingaþáttum hryllingsmynda, Rökkur ber þess einkar skýr merki, og úr þessum efnivið er unnið á framúrskarandi máta,“ segir Björn Þór Vilhjálmsson um Rökkur eftir Erling Óttar Thoroddsen á Hugrás.

DV um „Rökkur“: Hrollur og hómóerótík

Kristinn H. Guðnason skrifar um Rökkur Erlings Óttars Thoroddsen í DV og segir myndina bera augljós merki þess að vera frumraun, en að framtakið sé vel meinandi, metnaðarfullt og að mörgu leyti áhugavert og gott. Hann gefur myndinni þrjár og hálfa stjörnu.

Fréttablaðið um „Rökkur“: Fortíðardraugar fastir í meðalmennsku

Tómas Valgeirsson skrifar í Fréttablaðið um Rökkur Erlings Óttars Thoroddsen. Hann segir frammistöðu beggja leikara í burðarhlutverkum tilþrifaríka en stirð og óeðlileg samtöl dragi myndina niður. Tómas gefur Rökkri tvær stjörnur.

Morgunblaðið um „Rökkur“: Úti bíður andlit á glugga

Brynja Hjálmsdóttir skrifar um Rökkur Erlings Óttars Thoroddsen í Morgunblaðið og segir hana hlaðna afar ólíkum hrollvekjuþáttum sem framkalli undantekningarlaust spennu en fléttan og niðurstaða hennar sé heldur laus í sér. Hún gefur myndinni tvær og hálfa stjörnu.

„Rökkur“ verðlaunuð í Fíladelfíu

Rökkur Erlings Óttars Thoroddsen var rétt í þessu valin besta myndin á Philadelphia Unnamed Film Festival. Þetta eru þriðju alþjóðlegu verðlaun myndarinnar, sem verður frumsýnd hér á landi 27. október.

Bloody Disgusting um „Rökkur“: Dáleiðandi frásögn

Ari Drew skrifar á Bloody Disgusting.com um Rökkur Erlings Thoroddsen sem sýnd var á Fantastic Fest í Austin Texas. Hann segir myndina algjört skylduáhorf.

„Rökkur“ sögð kaldur þriller með heitt hjarta

"Rökkur er kaldur íslenskur þriller með heitt hjarta og greindarlegur að því leyti að leggja áherslu á djöflana sem við drögnumst með gegnum lífið í stað þeirra sem eru uppskáldaðir," segir Matt Donato hjá vefsíðunni We Got This Covered um myndina sem var sýnd á Fantastic Fest í Bandaríkjunum.

„Rökkur“ verðlaunuð fyrir kvikmyndatöku

Rökkur Erlings Thoroddsen hlaut verðlaun fyrir kvikmyndatöku John Wakayama Carey á Californina Independent Film Festival sem nú er að ljúka. Myndin tekur þessar vikurnar þátt í ýmsum hátíðum víða um heim en verður sýnd hér heima frá 27. október. Þetta eru önnur alþjóðlegu verðlaun myndarinnar.

[Stikla] Rökkur (ný)

Ný stikla Rökkurs eftir Erling Óttar Thoroddsen hefur verið gefin út. Myndin verður frumsýnd á Íslandi 27. október næstkomandi, en framundan eru sýningar á BFI London Film Festival og fleiri hátíðum.

Hollywood Reporter um „Rökkur“: Blæbrigðarík og dularfull

Stephen Farber skrifar í The Hollywood Reporter um Rökkur eftir Erling Thoroddsen, sem nú er sýnd á Outfest hátíðinni í Los Angeles. Hann segir Íslendinga hafa sent frá sér nokkrar sterkar spennumyndir á undanförnum árum og að þessi verði að teljast með þeim forvitnilegustu.

„Rökkri“ dreift í Ameríku

Kvikmyndadreifingarfyrirtækið Breaking Glass Pictures hefur fengið dreifingarréttinn í Bandaríkjunum á íslensku hrollvekjunni Rökkur (Rift). Handritshöfundur og leikstjóri myndarinnar er Erlingur Óttar Thoroddsen.

[Stikla] „Rökkur“

Stikla hrollvekjunnar Rökkur eftir Erling Óttar Thoroddsen hefur verið opinberuð og má sjá hér. Myndin verður frumsýnd á Íslandi í haust, en hún var heimsfrumsýnd á kvikmyndahátíðinni í Gautaborg í febrúar síðastliðnum.

Erlingur Óttar í viðtali um „Rökkur“

Erlingur Óttar Thoroddsen ræðir um mynd sína Rökkur (Rift) við vefinn Gay Iceland, en myndin var frumsýnd á Gautaborgarhátíðinni í byrjun febrúar.

Erlingur Óttar Thoroddsen um „Rökkur“: Vildi sleppa sterkum persónum lausum

Vefurinn Kvikmyndir.is ræðir við Erling Óttar Thoroddsen um nýja mynd hans, Rökkur, sem verður heimsfrumsýnd þann 4. febrúar næstkomandi á Alþjóðlegu kvikmyndahátíðinni í Gautaborg.

Morgunblaðið um „Child Eater“: Hryllingur með ferskum augum

"Erlingur er augljóslega vel skólaður í eðli hrollvekja – sögu þeirra, baklandi og menningarlegu vægi. Í handritinu vinnur hann markvisst með væntingar áhorfenda og hefðina en afbyggir hana sömuleiðis og endurvinnur," segir Hjördís Stefánsdóttir gagnrýnandi Morgunblaðsins um Child Eater Erlings Thoroddsen. Hún gefur myndinni fjórar stjörnur.

Erlingur Óttar Thoroddsen: Hrollvekjur eru hinsegin inn að beini

Erlingur Óttar Thoroddsen leikstjóri og handritshöfundur Child Eater, sem frumsýnd verður á Íslandi á föstudag, ræðir um myndina við vefinn Gay Iceland. Hann segir hrollvekjuna svarta sauðinn í listum og kvikmyndagreininni sérstaklega, utangarðsfyrirbrigði sem geri fólki órótt og snerti það öðruvísi en aðrar tegundir kvikmynda.

„Child Eater“ fær góða dóma eftir Brooklyn Horror Film Festival

Child Eater eftir Erling Óttar Thoroddsen var frumsýnd á Brooklyn Horror Film Festival sem fram fór 14.-16 október. Myndin fær fína umsögn á vefnum Bloody Disgusting.com, en hún verður frumsýnd hér á landi um næstu helgi.

Erlingur Óttar Thoroddsen: Faglega heillar frelsið

Erlingur Óttar Thoroddsen leikstjóri Child Eater, er í viðtali við Fréttablaðið þar sem hann ræðir myndina. Hann segir hrollvekjur veita mikið frelsi til að gera alls konar skrýtna hluti og leika sér með myndmálið og myndavélina.

Stiklan úr „Child Eater“ opinberuð

Stikla íslensk-amerísku hrollvekjunnar Child Eater eftir Erling Óttar Thoroddsen er komin út og má sjá hér. Myndin verður Evrópufrumsýnd í Bíó Paradís þann 28. október næstkomandi, eða helgina fyrir hrekkjavöku.

Hrollvekjan „Child Eater“ eftir Erling Thoroddsen frumsýnd 28. október

Erlingur Óttar Thoroddsen frumsýnir hrollvekjuna Child Eater, fyrstu kvikmynd sína í fullri lengd, þann 28. október næstkomandi í Bíó Paradís. Myndin er byggð á samnefndri stuttmynd hans og var tekin upp í Bandaríkjunum þar sem leikstjórinn stundaði nám í kvikmyndagerð.
spot_imgspot_img

NÝJUSTU FÆRSLUR