Pálmi Guðmundsson um innlendar þáttaraðir í Sjónvarpi Símans

Morgunblaðið ræðir við Pálma Guðmundsson hjá Sjónvarpi Símans um fyrirtækið og framtíðarplön þess á sviði innlendrar dagskrárgerðar.
Posted On 31 Jan 2017

Baldvin Z ræðir um “Case”

Baldvin Z ræðir við breska vefinn Crimetime um þáttaröðina Case (Réttur 3), nálgunina og hugmyndirnar bakvið verkið. Einnig kemur hann inná framtíðarverkefni og stöðuna í íslenskri kvikmyndagerð.
Posted On 30 Jan 2017

Erlingur Óttar Thoroddsen um “Rökkur”: Vildi sleppa sterkum persónum lausum

Vefurinn Kvikmyndir.is ræðir við Erling Óttar Thoroddsen um nýja mynd hans, Rökkur, sem verður heimsfrumsýnd þann 4. febrúar næstkomandi á Alþjóðlegu kvikmyndahátíðinni í Gautaborg.
Posted On 20 Jan 2017

Að fanga rétta útlitið

Kristján Guðjónsson hjá DV ræðir við Áslaugu Dröfn Sigurðardóttur gervahönnuð um verk hennar í sjónvarpsþáttunum Föngum.
Posted On 19 Jan 2017

Guðmundur Arnar um “Hjartastein”: Veröld sem minnkar og þrengist með aldrinum

Fréttablaðið ræðir við Guðmund Arnar Guðmundsson leikstjóra og handritshöfund Hjartasteins um myndina og hugmyndirnar bakvið hana.
Posted On 16 Jan 2017

Guðný Guðjónsdóttir: Reyna mun meira á skapandi hugsun, tækni og aðlögunarhæfni á komandi árum

Guðný Guðjónsdóttir, fráfarandi forstjóri Sagafilm, segir í samtali við Viðskiptablaðið að íslenski kvikmynda- og sjónvarpsiðnaðurinn hafi upplifað gríðarlegan vöxt undanfarinn áratug. Hún segir árangurinn helgast af ýmsum þáttum, einkum endurgreiðslukerfi stjórnvalda, og að á komandi árum muni reyna meira á skapandi hugsun, tækni og aðlögunarhæfni í iðnaðinum.
Posted On 09 Jan 2017

Margrét Örnólfsdóttir í viðtali: Framtíðin er í sjónvarpinu

Margrét Örnólfsdóttir er einn handritshöfunda þáttaraðarinnar Fanga sem frumsýnd verður á RÚV 1. janúar. Fréttatíminn ræðir við hana um vinsældir og möguleika leikins íslensks sjónvarpsefnis á heimsvísu, hvernig það er að vera kona í karllægum kvikmyndageiranum og um staðalmyndir kvenna í íslenskum kvikmyndum sem hún, ásamt fleirum, vinnur að því að breyta.
Posted On 30 Dec 2016

Guðmundur Arnar ræðir við Variety um “Hjartastein”

Variety ræðir við Guðmund Arnar Guðmundsson leikstjóra og handritshöfund Hjartasteins, sem blaðið kallar ferska sýn á þroskasögubálkinn (coming-of-age). Variety lýsir því jafnframt yfir að með Guðmundi hafi nýr fulltrúi bæst í hóp næstu kynslóðar íslenskra kvikmyndagerðarmanna.
Posted On 10 Dec 2016

Pétur Jónsson ræðir tónlistina í “Rétti 3”

Pétur Jónsson tónskáld ræðir um vinnuaðferðir sínar og tónlistina í þáttaröðinni Réttur 3, við vefinn Eurodrama.
Posted On 30 Nov 2016

Magnús Jónsson ræðir um “Rétt 3”

Vefurinn Eurodrama ræðir við Magnús Jónsson leikara um hlutverk hans í þáttaröðinni Rétti, hvers þriðja syrpa kallast Case á ensku. Magnús fer yfir hvernig það er að leika þessa hrelldu sál, leikstíl sinn og framtíð íslenskra sjónvarpsþátta.
Posted On 27 Nov 2016

Jón Gnarr um “Borgarstjórann”: Með hnút í maganum yfir svona körlum

Jón Gnarr ræðir um þáttaröð sína Borgarstjórann við Mbl.is. Hann segir karla komast upp með ótrú­leg­ustu hluti og að sam­fé­lagið sé fullt af ósnert­an­leg­um körl­um sem geta ekki neitt.
Posted On 08 Nov 2016

Þórhallur Gunnarsson: Flöskuháls að myndast vegna ónógrar fjárfestingar

Þór­hall­ur Gunn­ars­son, fram­kvæmda­stjóri sjón­varps- og kvik­mynda­fram­leiðslu Sagafilm segir mikinn áhuga fyrir inn­lendu leiknu efni hjá öll­um inn­lendu sjón­varps­stöðvun­um og að er­lend­ir aðilar sýni ís­lenskri fram­leiðslu stöðugt meiri áhuga. Þrátt fyr­ir það sit­ur Kvik­mynda­sjóður eft­ir og flösku­háls mynd­ast í ís­lensk­um kvik­myndaiðnaði. Stjórn­völd geta hjálpað til með því að auka fram­lög í ís­lenska kvik­mynda­gerð.
Posted On 29 Oct 2016

Viðtal við Reyni Oddsson um “Morðsögu”

Í tilefni sýningar á endurbættri Morðsögu Reynis Oddssonar birti ég nú viðtal sem ég tók við leikstjórann fyrir tímaritið Land & syni haustið 1997. Umrætt viðtal var tekið vegna endursýningar myndarinnar í Háskólabíó í tilefni tuttugu ára afmælis hennar.

Erlingur Óttar Thoroddsen: Hrollvekjur eru hinsegin inn að beini

Erlingur Óttar Thoroddsen leikstjóri og handritshöfundur Child Eater, sem frumsýnd verður á Íslandi á föstudag, ræðir um myndina við vefinn Gay Iceland. Hann segir hrollvekjuna svarta sauðinn í listum og kvikmyndagreininni sérstaklega, utangarðsfyrirbrigði sem geri fólki órótt og snerti það öðruvísi en aðrar tegundir kvikmynda.
Posted On 26 Oct 2016

Anton Sigurðsson: Tvöfaldur faðir á árinu

Anton Sigurðsson ræðir við Morgunblaðið um mynd sína Grimmd, sem var frumsýnd á dögunum. Hann segist hafa unnið að myndinni síðastliðin fimm ár og að handritið sé innblásið af þrem­ur mjög ólík­um sög­um sem tengj­ast.
Posted On 23 Oct 2016

Erlingur Óttar Thoroddsen: Faglega heillar frelsið

Erlingur Óttar Thoroddsen leikstjóri Child Eater, er í viðtali við Fréttablaðið þar sem hann ræðir myndina. Hann segir hrollvekjur veita mikið frelsi til að gera alls konar skrýtna hluti og leika sér með myndmálið og myndavélina.
Posted On 11 Oct 2016

Bandaríki tilfinninganna: spjall við pólska leikstjórann Tomasz Wasilewski

Í tilefni þess að pólska kvikmyndin United States of Love verður sýnd á RIFF, endurbirtum við viðtal Ásgeirs H. Ingólfssonar við leikstjórann Tomasz Wasilewski sem tekið var á Berlínarhátíðinni síðustu þar sem myndin hlaut verðlaun fyrir besta handritið (viðtalið birtist upphaflega þann 10. mars s.l.).

Deepa Mehta heiðursgestur RIFF ræðir nýjustu mynd sína

Einn heiðursgesta RIFF 2016 er indverska leikstýran Deepa Mehta. Morgunblaðið ræddi við hana um nýjustu mynd hennar, Anatomy of Violence, sem sýnd verður á hátíðinni.
Posted On 27 Sep 2016

Viðtal við Al­ej­andro Jodorow­sky

Morgunblaðið ræðir við Al­ej­andro Jodorow­sky leikstjóra, en mynd hans Endless Poetry verður sýnd á RIFF. Jodorowsky átti að vera heiðursgestur hátíðarinnar að þessu sinni en kemst ekki af heilsufarsástæðum.
Posted On 20 Sep 2016

Hjálmtýr Heiðdal ræðir um “Baskavígin”

Hjálmtýr Heiðdal, einn framleiðenda heimildamyndarinnar Baskavígin, er í viðtal við Morgunblaðið þar sem hann ræðir myndina og gerð hennar. Myndin er nú á San Sebastian hátíðinni og verður sýnd á RIFF.
Posted On 19 Sep 2016

Önnur syrpa af “Ligeglad” í undirbúningi

Anna Svava Knútsdóttir, Arnór Pálmi Arnarson og Vignir Rafn Valþórsson vinna nú að handriti annarrar syrpu af þáttaröðinni Ligeglad. Áætlað er að tökur fari fram á næsta ári og er stefnan tekin á suður Evrópu. Fréttatíminn ræddi við Önnu Svövu.
Posted On 16 Sep 2016

Baltasar í viðtali við Hollywood Reporter um “Eiðinn” og verkefnin framundan

Baltasar Kormákur ræðir við Hollywood Reporter um hversvegna hann hafnaði stórmyndum og kom þess í stað heim til að gera mynd, hvernig uppeldi unglingsdætra hefur gert hann gráhærðan, mögulega endurgerð Ófærðar í Bandaríkjunum, fyrirhugaða víkingamynd sína og ýmislegt fleira.
Posted On 09 Sep 2016

Segir “Hjartastein” gullfallegt verk

Ahd Tamimi skrifar afar lofsamlega um Hjartastein Guðmundar Arnars Guðmundssonar á vefinn DanteMag, auk þess að ræða við leikstjórann um verkið.
Posted On 08 Sep 2016

Baltasar um “Eiðinn”: Stjórnsemin er skepna

Baltasar Kormákur er í viðtali við Birgi Örn Steinarsson hjá Fréttablaðinu um Eiðinn sem hann leikstýrir og leikur aðalhlutverkið í.
Posted On 08 Sep 2016