Viðhorf | Verðlauna-Hrútar

Un Certain Regard verðlaunin til kvikmyndar Gríms Hákonarsonar, Hrútar, eru mikill merkisviðburður. Cannes er drottning kvikmyndahátíða heimsins, hátíð hátíðanna og þetta er í fyrsta sinn sem íslensk bíómynd vinnur þar til verðlauna.  Grími Hákonarsyni leikstjóra og handritshöfundi myndarinnar, Grímari Jónssyni framleiðanda og þeirra fólki er hér með óskað hjartanlega til hamingju.

Jæja Isabella, erum við að tala um verðlaunahrúta?

Nú veit ég ekkert hvað Isabella Rossellini, formaður dómnefndar Un Certain Regard og hennar fólk er að hugsa. En getur verið að Hrútar Gríms Hákonarsonar hljóti verðlaun í Cannes á morgun?

Eru fjölmargar íslenskar kvikmyndir glataðar að eilífu?

Erlendur Sveinsson forstöðumaður Kvikmyndasafns Íslands bregst við ummælum forseta Félags kvikmyndatökustjóra um ófremdarástand í varðveislumálum kvikmynda. Hann bendir á að Kvikmyndasafnið vinni markvisst að því verkefni þrátt fyrir takmörkuð fjárráð og að mikilvægt sé að horfa á heildarmyndina - sem er ekki eins svört og dregin hefur verið upp þó vissulega þurfi meira til.

Þorsteinn Jónsson: Hvers vegna gerum við kvikmyndir?

Þorsteinn Jónsson leikstjóri heldur áfram að tjá sig um kvikmyndir, íslenskar sem erlendar, á vef sínum en Klapptré sagði frá skrifum hans fyrir um einu og hálfu ári. Nú hafa tíu kvikmyndir bæst við, þar á meðal íslensku myndirnar XL og Vonarstræti.
Posted On 06 May 2015

Skiptar skoðanir um “Drekasvæðið”

Mikið hefur verið tístað um sketsaþáttinn Drekasvæðið sem fór í loftið í gær á RÚV. Hér má sjá sýnishorn.
Posted On 02 May 2015

Hvernig koma skal kvikmyndaarfinum hratt og örugglega inn í nútímann

Erlendur Sveinsson forstöðumaður Kvikmyndasafns Íslands svarar bréfi Bergsteins Björgúlfssonar forseta Félags íslenskra kvikmyndatökustjóra: það er verið að vinna mjög markvisst í varðveislumálunum innan þess ramma sem fjárhagur leyfir, segir hann og bendir jafnframt á frekari lausnir sem bjóðast.

Varðveisla kvikmynda í ólestri

Í opnu bréfi vekur Bergsteinn Björgúlfsson, forseti Félags íslenskra kvikmyndatökustjóra, athygli á því ófremdarástandi sem ríkir í varðveislu kvikmyndaarfsins.
Posted On 30 Apr 2015

Minning | Þorbjörn Ágúst Erlingsson 1955-2015

Þorbjörn Ágúst Erlingsson hljóðmaður er fallinn frá, 59 ára að aldri. Hann var einn af reyndustu hljóðupptökumönnum íslenskrar kvikmyndagerðar og kom sem slíkur að vel á fjórða tug kvikmynda allt frá 1987.
Posted On 31 Mar 2015

Hrafn Jónsson: Íslenski kvikmyndaveturinn

Hrafn Jónsson kvikmyndagerðarmaður skrifar pistil í Kjarnann þar sem hann leggur útaf erindi íslenskra sjónvarpsstöðva við Íslendinga. Hann segir sjónvarpsstöðvarnar þurfa að vanda sig betur við val á efni og sérstaklega þurfi að huga að hlut kvenna.
Posted On 12 Mar 2015

Minning | Albert Maysles 1926-2015

Albert Maysles, hinn heimskunni höfundur (ásamt bróður sínum David) heimildamynda á borð við Gimme Shelter, Grey Gardens og Salesman, er látinn 88 ára að aldri. Maysles kom til Íslands 2008 sem heiðursgestur Skjaldborgarhátíðarinnar.

Helena Harsita: Ég vil kynjakvóta í styrkveitingar til kvikmynda og þetta er ástæðan

Helena Harsita Þingholt leikstýra leggur orð í belg um kynjakvóta i kvikmyndagerð og er ómyrk í máli. Hún gagnrýnir harðlega ríkjandi fyrirkomulag þar sem að hennar sögn konum er meinaður aðgangur að hlaðborðinu og bætir við: "Ég vil að 12 ára dóttir mín og vinkonur hennar og vinir geti farið í bíó og séð eitthvað annað en myndir eftir karla, um karla, leikstýrðar af körlum."
Posted On 02 Mar 2015

Leitin að hinni hreinu bíómynd

"Leitin að hinni hreinu bíómynd heldur áfram og er Stockfish-hátíðin kærkominn vettvangur til slíkra starfa á þessum eilífðarvetri," segir Valur Gunnarsson hjá DV í yfirlitsgrein um hátíðina.
Posted On 01 Mar 2015

Hinir fengu rödd, hann fékk auga. Eftirmæli um Þorfinn Guðnason

Andri Snær Magnason rithöfundur skrifar eftirmæli um Þorfinn Guðnason kvikmyndagerðarmann í Herðubreið. Útför Þorfinns fór fram frá Hallgrímskirkju s.l. föstudag.
Posted On 01 Mar 2015

Guðný Halldórsdóttir: Atlaga að íslenskri kvikmyndamenningu

Guðný Halldórsdóttir leikstýra heldur því fram að í kvikmyndamiðstöð hafi konur ekki sömu tækifæri og karlar sem leikstjórar og handritshöfundar. Þannig hafi það verið undanfarin ár og þetta sé vegna þess að ekki megi opna munninn í þeirri stofnun og gagnrýna vinnubrögðin, því þá sé alveg gefið að þér verði ýtt úr biðröðinni og steinn lagður í götu þína.
Posted On 27 Feb 2015

Guðmundur Andri um “Vonarstræti” og “París norðursins”

Guðmundur Andri Thorsson skrifar pistil í Fréttablaðið um Vonarstræti og París norðursins. Hann segir þá fyrrnefndu dregna stórum dráttum, allt að því melódramatíska og 19. aldarlega í rómantískri sýn sinni á ógæfu og synd en hina innhverfa og ísmeygilega.
Posted On 23 Feb 2015

Viðhorf | Hverjir fá Eddu?

Vonarstræti og París norðursins fá báðar 12 tilnefningar til Edduverðlauna en líklegt má telja að sú fyrrnefnda verði sigurvegari kvöldsins. París á þó góða möguleika í að minnsta kosti fjórum flokkum. Ásgrímur Sverrisson spáir í mögulega niðurstöðu.

Hver er besta íslenska bíómyndin?

Aðstandendur Stockfish hátíðarinnar spurðu tólf valinkunna kvikmyndaspekúlanta hvaða mynd þeim þætti sú besta í íslenskri kvikmyndasögu. Svörin eru hér.
Posted On 19 Feb 2015

CCA fjallar um Þorfinn Guðnason

California College of the Arts (CCA) birti á dögunum grein um Þorfinn Guðnason á vef sínum, en Þorfinnur útskrifaðist frá skólanum 1987. Í greininni er farið yfir feril Þorfinns og rætt við kennara hans, Lynn Kirby, en Þorfinnur fékk hana hingað til lands 2011 og sýndi hún nokkur verka sinna í Bíó Paradís.
Posted On 16 Feb 2015

Samferðamenn minnast Þorfinns Guðnasonar

Ýmsir samstarfsmenn og félagar Þorfinns Guðnasonar hafa minnst hans í dag.
Posted On 16 Feb 2015

Minning | Þorfinnur Guðnason 1959-2015

Þorfinnur Guðnason kvikmyndagerðarmaður er látinn, 55 ára að aldri. Þorfinnur var einn helsti heimildamyndasmiður Íslendinga og á að baki fjölda slíkra verka.
Posted On 15 Feb 2015

Arnar Sigurðsson: “Ætli eina leiðin fram á við fyrir íslenska kvikmyndagerð sé ekki að hætta að vera íslensk kvikmyndagerð?”

Arnar Sigurðsson kvikmyndagerðarmaður hjá Klapp kvikmyndagerð og einn stofnenda Karolina Fund ræðir íslenska kvikmyndagerð við vefsíðuna moi.is og fer um víðan völl á gagnrýnan máta.
Posted On 10 Feb 2015

Roberto Olla: Eurimages verður að styðja betur við framsækna kvikmyndagerð

Roberto Olla framkvæmdastjóri Eurimages hvetur til þess að Eurimages endurskoði styrkjastefnu sína og leggi meiri áherslu á tilraunir og frumleika.
Posted On 10 Feb 2015

Petri Kemppinen: Aukin áhersla á sjónvarpsefni og bálkamyndir

Petri Kemppinen framkvæmdastjóri Norræna kvikmynda- og sjónvarpssjóðsins segir listrænar kvikmyndir, sem lengi hafa verið framlínan í norrænni kvikmyndagerð, séu á undanhaldi. Áherslur séu að færast yfir á sjónvarpsefni og myndir sem höfða til yngra fólks.
Posted On 05 Feb 2015

“Jules et Jim” á frönsku hátíðinni

Ástæða er til að vekja athygli á því að meistaraverk Francois Truffaut, Jules et Jim frá 1962, er meðal þeirra mynda sem sýndar eru á Frönsku kvikmyndahátíðinni sem stendur nú yfir í Háskólabíó til 2. febrúar n.k.
Posted On 27 Jan 2015