RIFF gusa Hafsteins Gunnars

DV birtir hátíðargusu Hafsteins Gunnars Sigurðssonar leikstjóra sem hann flutti á opnun RIFF í gærkvöldi. Hafsteinn vinnur nú að eftirvinnslu myndar sinnar París norðursins. Bandarísk endurgerð myndar hans Á annan veg, sem kallast Prince Avalanche, er væntanleg hingað til lands innan skamms en myndin hefur fengið mjög góða dóma. Sjá hér: Að vera kvikmyndagerðarmaður er svolítið eins og að vera sáðfruma – DV.
Posted On 27 Sep 2013

Svipmynd | Hin hápólitíska Agniezska Holland

Leikstýran Agniezska Holland (f. 1948) er einn kunnasti kvikmyndagerðarmaður Póllands og á að baki rúmlega 40 ára feril. Hún er heiðursgestur Evrópsku kvikmyndahátíðarinnar sem fram fer í Bíó Paradís 19.-29. september. Holland stundaði nám við hinn kunna FAMU skóla í Prag og meðal samnema hennar voru Milos Forman og Ivan Passer; tveir af höfuðpaurum tékknesku nýbylgjunnar á sjöunda áratug síðustu aldar. Hún vann síðan undir handleiðslu Andrzej Wajda um skeið og einnig sem aðstoðarleikstjóri hjá Krzysztof Zanussi, þar til hún hóf að stýra eigin myndum á áttunda áratugnum. Fyrstu myndir hennar vöktu athygli fyrir hápólitísk viðfangsefni og unnu til verðlauna á kvikmyndahátíðum í Chicago, Berlí

Hápunktar helgarinnar á RIFF

Eftirfarandi myndir og viðburðir helgarinnar á RIFF eru áhugaverðastir að mati Klapptrés (dagskrána má sjá í heild hér): FÖSTUDAGUR: 12:00 | MASTERKLASSI MEÐ LUKAS MOODYSSON | Tjarnarbíó 21:00 | GRÍN-BÍÓ! (Nýtt líf) | Tjarnarbíó | Q&A með leikstjóranum Þráni Bertelssyni og Karli Ágústi Úlfssyni leikara. 22:00 | STUND GAUPUNNAR | Háskólabíó 1 | Q&A með leikstjóranum Sören Kragh-Jacobsen LAUGARDAGUR: 14:00 | MASTERKLASSI MEÐ SÖREN KRAGH-JACOBSEN | Hótel Borg 18:00 | BÚÐIN Háskólabíó 2 | Q&A með stjórnandanum Árna Gunnarssyni. 18:15 | VIÐ ERUM BESTAR Háskólabíó 1 | Q&A með leikstjóranum Lukas Moodyson. SUNNUDAGUR: 15:00 | VÉLIN SEM LÆTUR ALLT HVERFA | Tjarnarbíó 16:00 | AÐ KICKS
Posted On 27 Sep 2013

The Guardian: “Hross í oss” sýnir eitthvað alveg nýtt

Peter Bradshaw gagnrýnandi The Guardian lofar Hross í oss í hástert í umsögn sinni: “Film festivals are places where little movies can wind up punching above their weight. This year at San Sebastián, such a film is the glorious Of Horses And Men, an Icelandic film by the first-time director Benedikt Erlingsson, a former actor who has appeared in Lars Von Trier’s comedy The Boss of It All. […] Some of the scenes are staggeringly explicit and entirely extraordinary: it is not every film that really does show you things that you have never seen before. And yet the film manages also to be tender, delicate and funny.” Sjá nánar hér: Spanish Beatlemania and Icelandic horses
Posted On 24 Sep 2013

Gagnrýni | La grande bellezza

Ítalski leikstjórinn Paolo Sorrentino er kominn aftur til heimalands síns eftir stutta viðdvöl í Bandaríkjunum með mynd sinni This Must Be the Place. Að þessu sinni er það myndin La Grande Belleza eða Fegurðin mikla sem má í senn lýsa sem nokkurs konar óðs til Rómarborgar sem og skoðun á lífi listamanns sem endurskoðar ævi sína í ellinni. Sorrentino er hérna að vissu leyti að vitna til Federico Fellini þar sem efniviði myndarinnar mætti lýsa sem blöndu af 8 ½ (aðalpersónan, rithöfundurinn Jep Gambardella (frábærlega leikinn af Toni Servillo), er að rifja upp og eiga við konurnar í lífi sínu alveg eins og aðalpersóna myndar Fellini) og La Dolce Vita (báðar myndir lýsa að einhverju leyti partí

“XL” fær afbragðs viðtökur í Calgary

Mario Trono hjá CBC News í Kanada skrifar um XL Marteins Þórssonar, sem nútekur þátt í kvikmyndahátíðinni í Calgary. “Fyrir áhættusækna bíóáhugamenn sem vilja myndirnar og viðfangsefni þeirra hrá og áleitin, mæli ég með XL.” Sjá nánar hér: CIFF 2013: XL – Calgary – CBC News.
Posted On 24 Sep 2013

Greining | Markaðshlutdeild íslenskra mynda hefur þrefaldast á tíu árum – hlutur bandarískra mynda minnkað um 17%

Verulegar breytingar eru að eiga sér stað í hegðun íslenskra bíógesta. Markaðshlutdeild íslenskra kvikmynda hefur þrefaldast á tíu árum, hlutur bandarískra mynda dregst verulega saman síðustu ár og hlutur mynda utan Bandaríkjanna eykst mikið. Þetta má sjá í gögnum Hagstofunnar. Þreföld aukning markaðshlutdeildar íslenskra mynda Íslenskar myndir hafa farið frá 3% markaðshlutdeild 2003 til 9% hlutdeildar 2012. Klapptré lagði fram tölur hér sem sýna hversu aðsókn á íslenskar myndir hefur stóraukist á síðasta áratug og birtir nú tölur yfir breytingar á markaðshlutdeild. Hafa ber í huga að aðsókn á íslenskar myndir getur rokkað mjög upp og niður en frá 2006, þegar mikil aukning varð í aðsókn, hef

Greining | Mælingar sýna mikla hylli íslenskra mynda

Heildaraðsókn á íslenskar kvikmyndir 2012 var 131.345 manns og hefur aðsóknin ekki verið meiri s.l. 12 ár. Flestir komu að sjá Svartan á leik og Djúpið eða alls um 110.000 manns. Góðu fréttirnar eru þær að þetta er enn eitt árið þar sem íslenskar kvikmyndir ná gríðarmikilli aðsókn, en sú hefur verið raunin samfleytt síðan 2006 þegar afar rysjóttu tímabili lauk með sýningu Mýrinnar eftir Baltasar Kormák. Þetta má sjá skýrt í grafinu hér til hliðar; á flestum þessara ára er aðsókn yfir 110. 000 manns og sum árin langt yfir því. Lakari fréttirnar eru þær að ekki blæs byrlega fyrir yfirstandandi ári, en aðeins 20.623 hafa séð þær fimm myndir sem sýndar hafa verið það sem af er. Enn eru ósýndar M

RIFF, hátíð hugmyndanna

Ragnar Trausti Ragnarsson hjá Skástrik fjallar um RIFF frá ýmum hliðum og spjallar meðal annars við Björn Ægi Norðfjörð kvikmyndafræðing í áhugaverðri yfirferð. Sjá nánar hér: Lítil hátíð með stórar hugmyndir | Skástrik.
Posted On 20 Sep 2013

Viðhorf | Útúrdúr byrjar vel

Útúrdúr, tónlistarfræðsluþáttur sem hófst á RÚV síðastliðinn sunnudag, byrjar vel og kemur skemmtilega á óvart. Í meðförum Víkings Heiðars Ólafssonar píanóleikara og Höllu Oddnýjar Magnúsdóttur mannfræðings (sem einnig virðist kunna sitthvað fyrir sér á flygilinn) verður til þáttur sem fer með áhorfandann í skemmtilegt og fróðlegt ferðalag. Á bakvið myndavélina heldur Viðar Víkingsson leikstjóri um þræði ásamt Helga Jóhannessyni sem stjórnar upptökum. Á öllum póstum er fínu verki skilað. Fæstum kemur á óvart að flygillinn leiki í höndum Víkings Heiðars en hann er einnig fínn sögumaður, fljótur að hugsa, tengja og sýna. Halla Oddný er svo frábær uppgötvun, með einstaka og áreynslulausa nærver

Klapptré: nýr vefur um kvikmyndir og sjónvarp

Velkomin á Klapptré, nýjan vef um kvikmyndir og sjónvarp. Ritstjóri er Ásgrímur Sverrisson, sem einnig stýrir Iceland Cinema Now – vef á ensku um íslenskar kvikmyndir. Vefurinn er hugsaður sem frétta-, skoðana- og upplýsingagátt um íslenska kvikmynda- og sjónvarpsheiminn. Klapptré mun einnig birta efni um alþjóðlegar kvikmyndir og sjónvarpsefni, enda er íslenski bransinn hluti af hinum alþjóðlega. Þá verður reglulega boðið uppá hverskyns viðhorf og vangaveltur um kvikmyndir og sjónvarp, þar með talið gagnrýni. Ýmsir pennar koma þar við sögu. Vefurinn mun einnig leggja áherslu á aðgengi að tölulegum upplýsingum um íslenska kvikmynda- og sjónvarpsbransann. Klapptré er sjálfstæður miðill.

Bókarumsögn | Hagræn áhrif kvikmyndalistar

Flott bók og mjög gott að hafa þetta samantekið. Áhugaverðustu upplýsingarnar í henni fyrir bransann er úttektin á efnahag hans á bls 167-172. Ástandið er ekki ýkja gott – en þrátt fyrir það eru möguleikarnir til vaxtar miklir ef rétt er á haldið. Einstök fyrirtæki geta staðið þokkalega eða ágætlega en meðaltalið er óviðunandi. Mynd 4.29 á bls 170 sýnir þróunina ágætlega. Á síðasta áratug jókst umfang bransans mjög mikið en eigið fé var yfirleitt neikvætt (2007 undanskilið). Eftir hrun hefur hallað enn meir undan fæti hvað eigið fé varðar. Nú væri gott ef mér fróðari menn leiðréttu mig, en fyrir mér lítur þetta þannig út að þrátt fyrir miklar tekjur er kostnaður enn meiri og framlegð a

Þorsteinn Jónsson lætur gamminn geysa um íslenskar og erlendar myndir

Í iðrum internetsins er að finna þessa síðu Þorsteins Jónssonar leikstjóra þar sem hann fjallar um fjölmargar kvikmyndir, þar á meðal fjölda íslenskra kvikmynda. Þetta eru bráðskemmtilegar pælingar og vel þess virði að kíkja á. Síðan í heild er hér: Um kvikmyndir. Einstaka pistla má sjá hér: 1 Act Normal 2 Á annan veg 3 Bakka-Baldur 4 Battle Royale 5 Bonnie and Clyde 6 Brim 7 Desember 8 Easy Rider 9 Eldfjall 10 Enn eitt ár 11 Festen 12 Fuglarnir 13 (The) Good Heart 14 Grikkinn Zorba 15 Gríptu mig ef þú getur 16 Heimsmethafinn í vitanum 17 Ikiru 18 Innherjinn 19 Jóhannes 20 Jón og séra Jón 21 Korriró 22 Leyndarmál og lygar 23 Listi Schindlers 24 Mamma Gógó 25 Múrmeldýradagurinn 26 Nói Albinói
Posted On 14 Sep 2013

Morgunblaðið um “Hross í oss”: Gráglettinn sagnasveigur

"Leikstjórinn og handritshöfundurinn virðist fara létt með að færa sig af fjölum leikhússins og upp á tjald kvikmyndahússins því Hross í oss er afar frumleg og áhugaverð mynd sem nýtir mátt og megin kvikmyndamiðilsins vel," segir Hjördís Stefánsdóttir í gagnrýni sinni.
Posted On 14 Sep 2013

Ragnar Bragason í HuffPost: Það sem Málmhaus segir þér um mikilvægi lista

Ragnar Bragason leikstjóri skrifar pistil í Huffington Post þar sem hann leggur út af íslenskri kvikmyndagerð og fjallar um mynd sína Málmhaus, sem nú er sýnd á Toronto hátíðinni. Greinina má lesa hér: What Metalhead Will Teach You About the Power of Art | Ragnar Bragason.
Posted On 11 Sep 2013

Útvarpsgjald vs. afnotagjald

Egill Helgason bendir á að afnotagjald danska og norska ríkisútvarpsins er miklu hærra en útvarpsgjald RÚV. En málið er ekki alveg svona einfalt.

Bíófíkill fjallar um Hross í oss

Kvikmyndavefurinn Bíófíkill fjallar um Hross í oss: “Þetta er ein sú alvarlegasta mynd sem nokkurn tímann getur hugsast sem inniheldur reiðmann sem verður óvart “samlokaður” á milli merar og graðhests í miðjum hasar. Skondið atriði, glæsilega útfært en hefur lítil áhrif á heildarsöguna því það er fyrst og fremst engin almennileg heild. Ég get því ekki fyrir mitt litla líf kallað þetta kvikmynd, heldur tilraun. Ágæta en áttavillta og almennt grútleiðinlega tilraun.” Sjá fulla umsögn hér: Hross í oss | Bíófíkill.
Posted On 09 Sep 2013

Vb um Hross í oss – fyndinn en brokkgengur söguþráður

Jón Aðalsteinn Bergsveinsson hjá Viðskiptablaðinu fjallar um Hross í oss: “Miðað við þrusuflotta fortíð Benedikts Erlingssonar þá bjóst ég við við meiru af Hross í oss. Myndin varð vart meira en skemmtileg kvöldskemmtun. Hún missti of fljótt fókusinn á aðalatriðinu og reyndi að segja of margar sögur á 85 mínútum.” Umsögn má lesa í heild hér: Viðskiptablaðið – Dómur: Hross í oss – fyndinn en brokkgengur söguþráður.
Posted On 09 Sep 2013

Iceland Review: Hross í oss er villt og viðkvæm

Fimm stjörnu dómur um Hross í oss frá Dagmar Trodler hjá Iceland Review: “Hross í oss is an ode to the Icelandic horse. It celebrates in a captivating way the horse as the only reliable truth besides human banter and trifle, it straightforwardly makes plain: without the horse you people are nothing in this country.” Umsögn í heild má lesa hér.
Posted On 09 Sep 2013

DV: Hross í oss er prýðileg skemmtun

Valur Gunnarsson hjá DV fjallar um Hross í oss: “Það er langt síðan ­maður hefur séð góða íslenska hestamynd. Ef til vill ekki síðan maður sá Land og syni í árdaga íslenska kvikmyndavorsins. Hross í oss er óumdeilanlega hestamynd. Og hún er bara nokkuð góð. Sjá nánar hér (því miður aðeins hluti umsagnar): Ríðingasögur – DV.is.
Posted On 09 Sep 2013

RÚV: Hross í oss mikið fyrir augað og góð skemmtun

Hulda G. Geirsdóttir hjá Rás 2 fjallar um Hross í oss: “Hross í oss er sérstök að því leyti að lítið er talað í henni. Gerðar eru þær kröfur til áhorfandans að hann túlki sjálfur það sem er í gangi, sem Hulda segir lítið mál. Myndin er mikið þrekvirki að mörgu leyti; hún er mikið fyrir augað og spilar frábær kvikmyndataka þar inn í. Hún er virkilega vel gerð tæknilega séð og standa leikararnir allir sig mjög vel. Hross í oss er sérstök mynd en einnig falleg og virkilega góð skemmtun.” Hlusta má á umsögn Huldu hér: Mikið fyrir augað og góð skemmtun | RÚV.
Posted On 09 Sep 2013