“Baskavígin” til San Sebastian 

Baskavígin, spænsk/íslensk heimildamynd í stjórn Aitor Aspe, hefur verið valin til þátttöku í Zinemira keppni San Sebastian hátíðarinnar. San Sebastian hátíðin er ein af fáum svokölluðum „A“ kvikmyndahátíðum í heiminum og fer fram í Donostia-San Sebastián á Spáni 16. – 24. september.
Posted On 12 Aug 2016

Stikla úr “Eiðinum” komin út

Ný stikla úr spennumyndinni Eiðurinn í leikstjórn Baltasars Kormáks er komin út. Plakat myndarinnar hefur einnig verið opinberað. Myndin verður frumsýnd á Íslandi 9. september og á kvikmyndahátíðinni í Toronto sömu helgi.
Posted On 08 Aug 2016

Heimildamyndin “Innsæi” frumsýnd í Berlín í dag

Heimildamyndin Innsæi eftir Hrund Gunnsteinsdóttur og Kristínu Ólafsdóttur verður frumsýnd í Berlín í dag og verður síðan sýnd í 30 kvikmyndahúsum víða um Þýskaland. Myndin leitar svara við mikilvægi þess fyrir hvern og einn að tengja inn á við og við heim náttúrunnar í því samfélagi sem við lifum í í dag.
Posted On 29 Jun 2016

“Garn” Unu Lorenzen frumsýnd í New York í dag

Heimildamyndin Garn (Yarn) eftir Unu Lorenzen er frumsýnd í New York í dag. Myndin verður svo frumsýnd í Los Angeles um miðjan júlí og mun þaðan fara í almennar sýningar víða um Bandaríkin. Vefurinn GirlTalkHQ ræðir við Unu um myndina.
Posted On 24 Jun 2016

“Jökullinn logar”, heimildamynd um ferðalag landsliðsins á EM, frumsýnd 3. júní

Sölvi Tryggvason og Sævar Guðmundsson hafa gert heimildamynd í fullri lengd um aðdraganda og undirbúning að þátttöku íslenska karlalandsliðsins í fótbolta á EM. Myndin, sem kallast Jökullinn logar, verður frumsýnd í bíóum Senu 3. júní.
Posted On 25 May 2016

Hjartnæm stund á Cannes

Börkur Gunnarsson skrifar fyrir Morgunblaðið um móttökur síðustu myndar Sólveigar Anspach, Sundáhrifanna á Cannes hátíðinni, þar sem hún hlaut SACD verðlaunin fyrir bestu frönskumælandi myndina í Director's Fortnight dagskránni.
Posted On 24 May 2016

Heimildamyndin “Úti að aka” frumsýnd 28. maí

Úti að aka er heimildamynd um ferð rithöfundanna Einars Kárasonar og Ólafs Gunnarssonar, sem létu draum sinn rætast um að fara þvert yfir Ameríku eftir Route 66 á 1960 árgerð af kadilakk og skrifa um það bók. Með í för voru útgefandinn Jóhann Páll Valdimarsson og kadilakksérfræðingurinn Steini í Svissinum ásamt Sveini M. Sveinssyni kvikmyndagerðarmanni í Plús film sem festi ævintýrið á filmu. Myndin verður frumsýnd í Bíó Paradís á fimmtudag.
Posted On 24 May 2016

“Pale Star” og “A Reykjavík Porno” í framleiðslu Vintage Pictures valdar inn á Edinborgarhátíðina

Pale Star og A Reykjavik Porno, tvær íslensk/skoskar kvikmyndir eftir sama leikstjóra hafa verið valdar inn á kvikmyndahátíðina í Edinborg sem fram fer dagana 15.-26. júní.
Posted On 20 May 2016

Þessar bíómyndir og leiknu þáttaraðir eru væntanlegar á næstu misserum

Á þriðja tug íslenskra kvikmynda og þáttaraða er nú á mismunandi stigum vinnslu, allt frá því að vera í fjármögnunar- og/eða undirbúningsferli til þess að vera nýkomnar út og í sýningum. Hér er yfirlit yfir nýjar og væntanlegar bíómyndir og sjónvarpsþáttaraðir á þessu og næsta ári, en nokkuð víst er að fleiri verkefni eigi eftir að bætast við.
Posted On 18 Apr 2016

“The Show of Shows” sýnd í bíó

Sýningar á heimildamynd Benedikts Erlingssonar The Show of Shows, hófust í Sambíóunum s.l. fimmtudag. Myndin hefur áður farið á fjölda hátíða og er nú sýnd á Tribeca hátíðinni í New York.
Posted On 18 Apr 2016

“Keep Frozen” heimsfrumsýnd á Visions du reel hátíðinni í Sviss

Keep Frozen, heimildamynd Huldu Rósar Guðnadóttur, verður heimsfrumsýnd á Visions du reel hátíðinni í Sviss sem fram fer dagana 15.-23. apríl næstkomandi. Helga Rakel Rafnsdóttir framleiðir myndina fyrir Skarkala.
Posted On 31 Mar 2016

Gamanþáttaröðin “Ligeglad” frumsýnd á RÚV annan í páskum

Gamanþættirnir Ligeglad í leikstjórn Arnórs Pálma Arnarsonar, verða frumsýndir á RÚV á annan í páskum, þann 28. mars. Þættirnir, sem eru sex talsins segja frá ævintýrum leikkonunnar og uppistandarans Önnu Svövu Knútsdóttur í Danmörku ásamt söngvaranum Helga Björnssyni og leikaranum Vigni Rafni Valþórssyni.
Posted On 21 Mar 2016

“Reykjavík” frumsýnd í dag

Kvikmyndin Reykjavík eftir Ásgrím Sverrisson er frumsýnd í kvikmyndahúsum í dag. Þetta er sætbeiskt gamandrama um reykvískt par sem stefnir í sitt hvora áttina. Júlíus Kemp og Ingvar Þórðarson framleiða fyrir Kvikmyndafélag Íslands.
Posted On 11 Mar 2016

Ásgrímur Sverrisson í viðtali: Draumarnir og lífið

Ásgrímur Sverrisson er í viðtali við Fréttablaðið vegna væntanlegrar frumsýningar á fyrstu mynd hans í fullri lengd, Reykjavík, þar sem hann ræðir myndina og hugmyndirnar bakvið hana. Myndin er frumsýnd þann 11. mars.
Posted On 10 Mar 2016

Bond/360 dreifir “Garni” Unu Lorenzen í Bandaríkjunum, myndin sýnd á SXSW

Dreifingarfyrirtækið Bond/360 í New York hefur tryggt sér Ameríkurétt á heimildamynd Unu Lorenzen, Garni, sem sýnd verður á SXSW hátíðinni í Texas þann 12. mars.
Posted On 08 Mar 2016

Þegar Ameríska nóttin opnaði á Óðinstorgi

Kvikmyndin Reykjavík eftir Ásgrím Sverrisson kemur í kvikmyndahús þann 11. mars. Aðalpersóna myndarinnar, Hringur (Atli Rafn Sigurðarson), er bíóhneigður og rekur búð með mynddiska. Búðin heitir „Ameríska nóttin“ eftir mynd Francois Truffaut La Nuit américaine, sem fjallar um kvikmyndaleikstjóra og teymi hans að taka upp kvikmynd. Búðinni var plantað á jarðhæð húss við Óðinstorg í miðborg Reykjavíkur.
Posted On 07 Mar 2016

“Fyrir framan annað fólk” frumsýnd í dag

Rómantíska gamanmyndin Fyrir framan annað fólk er frumsýnd í dag í kvikmyndahúsum. Óskar Jónasson leikstýrir eftir eigin handriti og Kristjáns Þórðar Hrafnssonar, en verkið er byggt á leikriti þess síðarnefnda. Kristinn Þórðarson framleiðir fyrir True North.
Posted On 26 Feb 2016

Cinema Scandinavia um “Fyrir framan annað fólk”: Létt og skemmtileg

Vefurinn Cinema Scandinavia skrifar um Fyrir framan annað fólk Óskars Jónassonar sem sýnd var á nýliðinni Gautaborgarhátíð og segir myndina létta, auðmelta og afar skemmtilega. Myndin kemur í íslensk kvikmyndahús 26. febrúar.
Posted On 18 Feb 2016

Óskar Jónasson í viðtali: “Það kemur að því að þú verður að vera þú sjálfur”

Óskar Jónasson leikstjóri er í viðtali við Ske í tilefni væntanlegrar frumsýningar á nýjustu mynd hans, Fyrir framan annað fólk, þar sem hann ræðir myndina og hugmyndirnar bakvið hana. Myndin er frumsýnd 26. febrúar.
Posted On 17 Feb 2016

“Njósnir, lygar og fjölskyldubönd”, ný heimildamynd Helga Felixsonar

Heimstyrjöldin síðari, fjölskyldustríð og handtökur, leyndarmál, þöggun, sögusagnir og rógburður eru viðfangsefni nýrrar heimildamyndar Helga Felixsonar sem nefnist Njósnir, lygar og fjölskyldubönd.
Posted On 21 Jan 2016

Fyrsta þætti af “Ófærð” vel tekið

RÚV frumsýndi fyrsta þáttinn af Ófærð í kvöld og fjölmörg ummæli hafa þegar birst á samfélagsmiðlum, sér í lagi Twitter. Almennt virðist fólk ánægt með upphafið.
Posted On 27 Dec 2015

“Allar leiðir lokaðar”, heimildamynd um gerð “Ófærðar”

RÚV frumsýnir þáttaröðina Ófærð þann 27. desember næstkomandi. Í heimildamynd um gerð þáttaraðarinnar er skyggnst á bakvið tjöldin við gerð hennar. Meðal þeirra sem er rætt er við eru Sigurjón Kjartansson, Baldvin Z, Baltasar Kormákur, Ólafur Darri Ólafsson, Ilmur Kristjánsdóttir og fleiri.
Posted On 21 Dec 2015

Stikla bíómyndarinnar “Fyrir framan annað fólk” komin út

Kvikmyndin Fyrir framan annað fólk í leikstjórn Óskars Jónassonar kemur út þann 19. febrúar næstkomandi. Stikla myndarinnar er komin út.
Posted On 14 Dec 2015

Heimildamyndin “Veðrabrigði” frumsýnd, stikla hér

Heimildamyndin Veðrabrigði eftir Ásdísi Thoroddsen verður frumsýnd í Bíó Paradís þann 26. nóvember og verður sýnd í viku. Myndin segir af sjávarþorpinu Flateyri þar sem íbúar berjast fyrir tilveru sinni og framtíð þorpsins. Með tilkomu kvótakerfisins færðust örlög íbúanna í hendur þeirra sem réðu kvótanum.
Posted On 20 Nov 2015