“A Reykjavik Porno” í almennar sýningar í dag

Skosk/íslenska kvikmyndin A Reykjavik Porno fer í almennar sýningar í dag. Myndin er frumraun skoska leikstjórans Graeme Maley, en hann hefur getið sér gott orð í leikhúsi á Bretlandseyjum. Hún var frumsýnd á Edinborgarhátíðinni 2016 og vann verðlaun fyrir bestu kvikmyndatöku á norrænu kvikmyndahátíðinni í New York síðastliðið haust.
Posted On 13 Jan 2017

Sýningar hefjast á “Hjartasteini” í dag

Almennar sýningar hefjast í dag á Hjartasteini eftir Guðmund Arnar Guðmundsson. Sagan gerist yfir sumar í litlu sjávarþorpi og fjallar um sterka vináttu tveggja drengja sem eru að taka sín fyrstu skref inn í unglingsárin og uppgötva ástina.
Posted On 13 Jan 2017

“Rökkur” Erlings Óttars Thoroddsen lokamynd Gautaborgarhátíðarinnar

Rökkur (Rift) eftir Erling Óttar Thoroddsen verður lokamynd Gautaborgarhátíðarinnar í ár.
Posted On 11 Jan 2017

Rætt við aðstandendur “Fanga”

Menningin á RÚV ræddi við Ragnar Bragason, Unni Ösp Stefánsdóttur og Nínu Dögg Filippusdóttir, helstu aðstandendur þáttaraðarinnar Fanga, sem hefst á nýársdag á RÚV.
Posted On 18 Dec 2016

Einars Heimissonar minnst með nýrri heimildamynd, “Undur einnar stundar”

Einar Heimisson sagnfræðingur, rithöfundur og kvikmyndahöfundur hefði orðið fimmtugur í dag, en hann lést aðeins 31 árs að aldri 1998. Hans verður minnst í kvöld í Seltjarnarneskirkju kl. 20, þar sem meðal annars verður frumsýnd ný heimildamynd um hann og verk hans, Undur einnar stundar, sem Kristrún Heimisdóttir systir Einars og Karl Lilliendahl kvikmyndagerðarmaður hafa gert. Allir eru velkomnir og aðgangur ókeypis.
Posted On 02 Dec 2016

Heimildamyndirnar “Rúnturinn I” og “Baskavígin” í sýningum í Bíó Paradís

Heimildamyndirnar Rúnturinn I eftir Steingrím Dúa Másson og Baskavígin eftir Aitor Aspe eru nú í sýningum í Bíó Paradís. Sýningar á fyrrnefndu myndinni hófust 24. nóvember en þeirri fyrrnefndu þann 17. nóvember.
Posted On 27 Nov 2016

[Stikla] “Svarta gengið” er saga af ást, dauða, bónda og fé

Stikla heimildamyndarinnar Svarta gengið eftir Kára Schram er komin út. Myndin verður frumsýnd í Bíó Paradís þann 12. nóvember.
Posted On 08 Nov 2016

[Plakat] Heimildamyndin “Svarta gengið” frumsýnd 12. nóvember

Heimildamyndin Svarta gengið eftir Kára Schram - saga um ást, dauða, bónda og fé - verður frumsýnd í Bíó Paradís þann 12. nóvember.
Posted On 07 Nov 2016

Heimildamyndin “Aumingja Ísland” frumsýnd 10. nóvember

Heimildamynd Ara Alexanders Aumingja Ísland, Sturlungaöld um aldir alda verður frumsýnd í Bíó Paradís þann 10. nóvember. Myndin tekur á því sem gerðist hér í útrás og hruni og fjallar frá víðara sjónarhorni um örlög og sjálfsskilning þjóðarinnar, um vandann við að greina söguna á líðandi stund og um angist kvikmyndagerðarmannsins sem reynir að skilja samfélagið sem hann býr í.
Posted On 07 Nov 2016

Erlingur Óttar Thoroddsen: Hrollvekjur eru hinsegin inn að beini

Erlingur Óttar Thoroddsen leikstjóri og handritshöfundur Child Eater, sem frumsýnd verður á Íslandi á föstudag, ræðir um myndina við vefinn Gay Iceland. Hann segir hrollvekjuna svarta sauðinn í listum og kvikmyndagreininni sérstaklega, utangarðsfyrirbrigði sem geri fólki órótt og snerti það öðruvísi en aðrar tegundir kvikmynda.
Posted On 26 Oct 2016

“Child Eater” fær góða dóma eftir Brooklyn Horror Film Festival

Child Eater eftir Erling Óttar Thoroddsen var frumsýnd á Brooklyn Horror Film Festival sem fram fór 14.-16 október. Myndin fær fína umsögn á vefnum Bloody Disgusting.com, en hún verður frumsýnd hér á landi um næstu helgi.
Posted On 24 Oct 2016

Anton Sigurðsson: Tvöfaldur faðir á árinu

Anton Sigurðsson ræðir við Morgunblaðið um mynd sína Grimmd, sem var frumsýnd á dögunum. Hann segist hafa unnið að myndinni síðastliðin fimm ár og að handritið sé innblásið af þrem­ur mjög ólík­um sög­um sem tengj­ast.
Posted On 23 Oct 2016

[Stikla] Heimildamyndin “Can’t Walk Away” í sýningum

Heimildamyndin Can't Walk Away, um Herbert Guðmundsson tónlistarmann, er nú í sýningum í Sambíóunum Egilshöll. Höfundar myndarinnar eru Friðrik Grétarsson og Ómar Sverrisson.
Posted On 23 Oct 2016

[Stikla] “Hjartasteinn” kemur um áramótin

Hjartasteinn Guðmundar Arnars Guðmundssonar kemur í kvikmyndahús um áramótin. Nýlega var stikla myndarinnar opinberuð og má sjá hana hér.
Posted On 14 Oct 2016

[Stikla] Heimildamyndin “Brotið” frumsýnd 13. október

Heimildamyndin Brotið eftir Hauk Sigvaldason, Stefán Loftsson og Maríu Jónsdóttur var frumsýnd í Bíó Paradís í gær. Myndin er um mannskaðaveðrið í apríl 1963 á Norðurlandi sem tók 16 mannslíf og áhrif þess á samfélagið á Dalvík.
Posted On 14 Oct 2016

“Ungar” Nönnu Kristínar Magnúsdóttur valin besta stuttmyndin á RIFF

Ungar eftir Nönnu Kristínu Magnúsdóttur var valin besta íslenska stuttmyndin á nýafstaðinni RIFF hátíð. Myndin hlaut verðlaun Minningarsjóðs Thors Vilhjálmssonar.
Posted On 12 Oct 2016

“Sundáhrifin”, “Ransacked”, “Pale Star” og “InnSæi” sýndar áfram í Bíó Paradís

Fjórar íslenskar kvikmyndir sem frumsýndar voru á RIFF halda áfram í sýningum í Bíó Paradís. Þetta eru heimildamyndirnar Ransacked og InnSæi ásamt bíómyndunum Sundáhrifin og Pale Star.
Posted On 10 Oct 2016

[Stikla] “Grimmd”, ný útgáfa

Ný stikla kvikmyndarinnar Grimmd eftir Anton Sigurðsson er komin út og má sjá hér. Myndin verður frumsýnd 21. október.
Posted On 10 Oct 2016

Heimildamyndin “Dagur í lífi þjóðar” frumsýnd á RÚV í kvöld

Heimildamyndin Dagur í lífi þjóðar eftir Ásgrím Sverrisson er sýnd í kvöld kl. 20:45 í RÚV í tengslum við hálfrar aldar afmæli Sjónvarpsins. Í myndinni fjallar fjöldi Íslendinga um atvik úr lífi sínu þann 30. september 2015, fyrir sléttu ári síðan.
Posted On 02 Oct 2016

[Plakat] Spennumyndin “Grimmd” væntanleg í október

Plakat spennumyndarinnar Grimmd eftir Anton Sigurðsson hefur verið afhjúpað. Myndin verður frumsýnd í kvikmyndahúsum 21. október. Ný stikla myndarinnar er væntanleg.
Posted On 27 Sep 2016

[Stikla] “Borgarstjórinn” hefst 16. október á Stöð 2

Stikla úr sjónvarpsþáttunum Borgarstjórinn hefur verið opinberuð. Sýningar á þáttunum hefjast á Stöð 2 þann 16. október næstkomandi en alls eru 10 þættir í syrpunni.
Posted On 26 Sep 2016

“InnSæi” sýnd í New York, frumsýnd á Íslandi 6. október

Heimildamyndin InnSæi - the Sea within var sýnd í Rubin Museum á Manhattan í New York um helgina við góðar undirtektir. Íslandsfrumsýning myndarinnar verður á RIFF þann 6. október og mun hún síðan fara í almennar sýningar.
Posted On 26 Sep 2016

Hjálmtýr Heiðdal ræðir um “Baskavígin”

Hjálmtýr Heiðdal, einn framleiðenda heimildamyndarinnar Baskavígin, er í viðtal við Morgunblaðið þar sem hann ræðir myndina og gerð hennar. Myndin er nú á San Sebastian hátíðinni og verður sýnd á RIFF.
Posted On 19 Sep 2016

[Plakat] “Snjór og Salóme” kemur í bíó 11. nóvember

Plakat kvikmyndarinnar Snjór og Salóme eftir Sigurð Anton Friðþjófsson hefur verið opinberað. Myndin er væntanleg í bíó þann 11. nóvember næstkomandi á vegum Senu.
Posted On 16 Sep 2016