Herðubreið um “Jóhönnu”: Frábær mynd um einstaka tíma og einstaka konu

"Mynd Björns Brynjúlfs er miklu meira en fóður fyrir pólitíska nörda," segir Karl Th Birgisson í umsögn sinni á Herðubreið. "Hún lýsir aðstæðum, einstaklingum, sögu, fáránlegum smáatriðum sem segja þó mikla sögu (Jóhanna við Steingrím þegar allt er búið: „Jæja, pabbi.“), og afhjúpar með einstökum hætti það sem fréttirnar segja okkur ekki."
Posted On 18 Oct 2015

DV um “Þresti”: Kyrrlátt kvöld við fjörðinn

Valur Gunnarsson fjallar um Þresti Rúnars Rúnarssonar í DV, en almennar sýningar á myndinni hefjast í kvöld. Hann gefur myndinni fjórar stjörnur og segir hana skipa sér fremsta í flokk þeirra bíómynda sem fjalla um hrylling íslenskrar æsku í dag.
Posted On 16 Oct 2015

“Fúsi” sögð ljóð til fótumtroðinna sálna

Fúsi Dags Kára er nú til sýnis á BFI London Film Festival. Klapptré rakst á eftirfarandi umsögn þar sem myndin og leikararnir fá mikið lof.
Posted On 16 Oct 2015

Knúz um “Stúlkurnar á Kleppjárnsreykjum”: Druslur hernámsáranna. Hvað hefur breyst?

Heimildamyndin Stúlkurnar á Kleppjárnsreykjum eftir Ölmu Ómarsdóttur hefur vakið mikla athygli og hefur þurft að bæta við sýningum á myndinni í Bíó Paradís þar sem hún er sýnd við góða aðsókn. Ingunn Sigmarsdótir skrifar umsögn um myndina á Knúz.is og er mikið niðri fyrir.
Posted On 16 Oct 2015

Morgunblaðið um “Þresti”: Spegill, spegill, herm þú hver

Hjördís Stefánsdóttir skrifar um Þresti Rúnars Rúnarssonar í Morgunblaðið og gefur henni fjóra og hálfa stjörnu af fimm. Hún segir áhorfendur finna tilfinningaspennu magnast innra með sér og skynja illþyrmilega að slæmar aðstæður Ara komi til með að versna til muna áður en yfir lýkur.
Posted On 09 Oct 2015

Iceland Review um “Þresti”: Listrænt afrek

Vala Hafstað hjá Iceland Review gefur Þröstum Rúnars Rúnarssonar fimm stjörnur af fimm og segir hana undurfallega mynd með djúpan skilning á mannssálinni.
Posted On 05 Oct 2015

Twitchfilm um “Þresti”: Frábær þroskasaga

Jason Gorber hjá Twitchfilm sparar ekki lýsingarorðin í umsögn sinni um Þresti Rúnars Rúnarssonar. Hann segir myndina vera eina af sárafáum uppgötvunum ársins og undirstriki áhrifamátt kvikmyndanna. "Hún hefur ríkulega merkingu og vekur sterkar tilfinningar, listrænn andi svífur yfir en einnig ögrun hrollvekjunnar."
Posted On 05 Oct 2015

Fréttablaðið um “Þresti”: Falleg en full kunnugleg þroskasaga

Atli Sigurjónsson sem skrifað hefur gagnrýni um kvikmyndir á Klapptré hefur nú verið ráðinn gagnrýnandi Fréttablaðsins. Honum er óskað velfarnaðar í nýju starfi en fyrsta umsögn hans fyrir blaðið er um Þresti Rúnars Rúnarssonar og gefur hann myndinni þrjár stjörnur af fimm.
Posted On 05 Oct 2015

Gagnrýni | Tale of Tales*** (RIFF 2015)

Tale of Tales virkar ekki alveg nógu vel í heildina, það tekur hana nokkurn tíma að grípa mann og tónninn í henni er aðeins á skjön á köflum, segir Atli Sigurjónsson um opnunarmynd RIFF í ár, en hún sé þó bæði grótesk, fjörug og glæsileg.

Gagnrýni | Slow West ***1/2 (RIFF 2015)

"Hversu mikið getur ein grein endurskapað sjálfa sig? Hefur vestrinn gert og sagt allt sem hann getur?," spyr Atli Sigurjónsson í umsögn sinni um vestrann Slow West sem sýnd er á RIFF.

Gagnrýni | Cartel Land *** (RIFF 2015)

Klapptré mun birta umsagnir um RIFF myndir á næstu dögum. Atli Sigurjónsson ríður á vaðið með dómi um kvikmyndina Cartel Land eða Glæpaland.

Cineuropa um “Þresti”: Sakleysið skyndilega kvatt

"Rúnar Rúnarsson hefur gert yfirvegaða frásögn um breytinguna frá unglingsárum til fullorðinsára sem er miklu harkalegri og grimmdarlegri en virðist við fyrstu sýn," segir Alfonso Rivera hjá Cineuropa meðal annars um Þresti sem nú er sýnd á San Sebastian hátíðinni.
Posted On 23 Sep 2015

“Sjóndeildarhringur” fær fjórar stjörnur í Toronto

Kvikmyndaspekúlantinn og framleiðandinn Greg Klymkiw skrifar lofsamlega um heimildamynd Bergs Bernburg og Friðriks Þórs, Sjóndeildarhring, sem nú er til sýnis á Toronto hátíðinni. Myndin er einnig í sýningum í Bíó Paradís.
Posted On 13 Sep 2015

Screen um “Þresti”: Traust leikstjórn og stórkostlegt umhverfi lyftir myndinni hátt

David D'Arcy hjá Screen International fjallar um Þresti Rúnars Rúnarssonar sem nú er sýnd á Toronto hátíðinni. D'Arcy segir trausta leikstjórn og stórkostlegt umhverfi lyfta myndinni hátt yfir hefðbundnar unglingamyndir, en ólíklegt sé að myndin nái út fyrir markað listrænna mynda þrátt fyrir aukinn áhuga á íslenskum kvikmyndum.
Posted On 13 Sep 2015

Hollywood Reporter um “Þresti”: Hefðbundin saga sem lyft er upp af fallegu myndefni

Jordan Mintzer hjá The Hollywood Reporter fjallar um Þresti Rúnars Rúnarssonar sem sýnd er á Toronto hátíðinni. Mintzer segir myndina frekar hefðbundna sögu sem lyft sé upp af fallegu myndefni og óvenjulegu sögusviði.
Posted On 12 Sep 2015

Guardian líkir “Hrútum” við Íslendingasögurnar

Caspar Llewellyn Smith hjá The Guardian skrifar um Hrúta Gríms Hákonarsonar frá Telluride hátíðinni. Smith gefur henni þrjár stjörnur af fimm, segir hana skemmtilega og minna á Íslendingasögurnar.
Posted On 08 Sep 2015

Fleiri umsagnir um “Everest”

Nokkuð hefur bæst í hóp umsagna um Everest Baltasars Kormáks, bæði í gær og í dag. Meirihlutinn er í jákvæðari kantinum.
Posted On 03 Sep 2015

Lof og last um “Everest”

Fjölmargir miðlar hafa birt umsagnir um Everest Baltasars Kormáks sem er opnunarmynd Feneyjahátíðarinnar nú í kvöld. Myndin er sem stendur með 75% skor á Rotten Tomatoes, sem þýðir að jákvæðar umsagnir eru í miklum meirihluta.
Posted On 02 Sep 2015

Hollywood Reporter um “Everest”: Grípandi og sannfærandi frásögn

Todd McCarthy, hinn gamalreyndi gagnrýnandi The Hollywood Reporter, segir margar góðar ástæður til að sjá Everest Baltasars Kormáks. Myndin sé kraftmikil og vel gerð, myndrænar brellur séu afar vel leystar og fái mann til að finnast sem maður sé kominn á fjallið, auk þess sem hinu fjölmenna persónugalleríi séu gerð sannfærandi skil þannig að maður láti sig örlög þeirra varða. Hann telur að Universal geti bætt þessari mynd á lista sinn yfir metsölumyndir, en fyrirtækið hefur átt óvenju gott ár hvað varðar árangur í miðasölunni.
Posted On 02 Sep 2015

“Z for Zachariah” frumsýnd vestanhafs, fær fín viðbrögð

Almennar sýningar á Z for Zachariah, sem framleidd er af Sigurjóni Sighvatssyni, Þóri Snæ Sigurjónssyni og Skúla Malmquist og leikstýrt af Craig Zobel, hefjast í dag fimmtudag í Bandaríkjunum. Fjölmargir miðlar hafa fjallað um myndina og fær hún gegnumsneytt jákvæð viðbrögð. Með helstu hlutverk fara Margot Robbie, Chiwetel Eijiofor og Chris Pine.
Posted On 28 Aug 2015

DV um “Webcam”: Klámkynslóðin, taka 2

Kvikmynd sem öskrar á núið segir Valur Gunnarsson í DV um Webcam. "Jú, þetta er Ísland og hér gerum við hlutina í öfugri röð. Sagan fjallar því ekki um að glata sakleysi sínu heldur frekar um að endurheimta það."
Posted On 28 Jul 2015

Morgunblaðið um “Webcam”: Fjötrar, ást og örbirgð

Hjördís Stefánsdóttir hjá Morgunblaðinu skrifar um Webcam Sigurðar Antons Friðþjófssonar og gefur henni þrjár stjörnur og segir meðal annars: "Þegar á heildina er litið er myndin allt í senn frumleg, ögrandi og krefjandi án þess að vera meiðandi eða groddaraleg. Hún tekur á viðkvæmum málefnum og vekur áhorfendur til umhugsunar um firringu nútímans þar sem hlutverkaleikir og sýndartengsl avatara í netheimum eru farin að þjarma að og skáka nærandi og ástríkum tengslanetum ættingja og vina í raunheimum."
Posted On 21 Jul 2015

DV um “Albatross”: Náttúrukommúnistar og klósettbrandarar

Valur Gunnarsson gefur Albatross þrjár stjörnur í umsögn sinni í DV og segir meðal annars: "Allt er búið í haginn fyrir vel heppnaða sumargrínmynd og ná sumir þræðirnir að lifna við en aðrir ekki."
Posted On 13 Jul 2015

Gagnrýnandi sænska sjónvarpsins hrósar “Vonarstræti”

Einn kunnasti gagnrýnandi Svía Fredrik Sahlin, sem um árabil hefur fjallað um kvikmyndir hjá SVT (sænska ríkissjónvarpinu), segir Vonarstræti "perluna í stórmyndamyrkri sumarsins." Sýningar á myndinni hófust í dag í sænskum bíóum.
Posted On 26 Jun 2015