RÚV kynnir nýja stefnu, dramadeild á leiðinni?

Magnús Geir Þórðarson útvarpsstjóri kynnir nýja stefnu RÚV til 2021 á opnum fundi fimmtudaginn 18. maí. Fundurinn verður haldinn í aðalmyndveri RÚV í Útvarpshúsinu við Efstaleiti og stendur frá kl. 13-16. Vangaveltur eru uppi um hvort meðal annars verði tilkynnt um stofnun sérstakrar "dramadeildar", en fyrir skömmu auglýsti RÚV eftir handritaráðgjafa fyrir leikið efni.
Posted On 13 May 2017

Guðmundar Bjartmarssonar minnst

Minningarsýning um Guðmund Bjartmarsson kvikmyndatökumann, sem lést fyrir skömmu, fer fram í Bíó Paradís fimmtudaginn 11. maí kl. 20. Sýnd verður kvikmynd Jóhanns Sigmarssonar, Óskabörn þjóðarinnar, en Guðmundur var tökumaður hennar. Á eftir sýningu verður Guðmundar minnst. Jóhann, Björn B. Björnsson og Hjálmtýr Heiðdal ásamt Þorsteini Helgasyni hafa einnig skrifað minningarorð um Guðmund og má lesa þau hér.
Posted On 09 May 2017

Aðsókn | Tæplega átta þúsund á “Ég man þig” frumsýningarhelgina

Spennutryllirinn Ég man þig eftir Óskar Þór Axelsson fékk rífandi aðsókn um opnunarhelgina, en alls sáu myndina 7,728 manns að forsýningum meðtöldum.
Posted On 08 May 2017

Ársskýrsla RÚV 2016 komin út

Ársskýrsla RÚV 2016 er komin út. Í skýrslunni er farið yfir reksturinn, fjallað um breyttar dagskráráherslur, farið í gegnum meginliði dagskrárinnar, viðhorfsmælingar, viðurkenningar tíndar til og sagt frá áherslum framundan.
Posted On 08 May 2017

Útskriftarmynd Elsu Maríu Jakobsdóttur, “Atelier”, valin á Karlovy Vary

Útskriftarmynd Elsu Maríu Jakobsdóttur frá Danska kvikmyndaskólanum, stuttmyndin Atelier, hefur verið valin til þátttöku á Future Frames: Ten New Filmmakers to Follow á Karlovy Vary hátíðinni sem fram fram í 52. skipti í Tékklandi dagana 30. júní til 8. júlí.
Posted On 08 May 2017

[Stikla] “Rökkur”

Stikla hrollvekjunnar Rökkur eftir Erling Óttar Thoroddsen hefur verið opinberuð og má sjá hér. Myndin verður frumsýnd á Íslandi í haust, en hún var heimsfrumsýnd á kvikmyndahátíðinni í Gautaborg í febrúar síðastliðnum.
Posted On 05 May 2017

“Ég man þig” líkleg til að fá góða aðsókn en spurning með blíðviðrið um opnunarhelgina

Sýningar á spennumyndinni Ég man þig eftir Óskar Þór Axelsson hefjast í dag. Myndin er byggð á samnefndri metsölubók Yrsu Sigurðardóttur og merkja má allmikla eftirvæntingu hjá almenningi gagnvart verkinu. Það er því líklegt að hún fái góða aðsókn en spurningin er hvaða áhrif fyrsta blíðviðrishelgi ársins muni hafa á opnunartölurnar.
Posted On 05 May 2017

“Innsæi” dreift á alþjóðlegum efnisveitum

Gengið hefur verið frá samningum um sýningar heimildamyndarinnar Innsæi-the Sea within í nokkrum af stærstu efnisveitum heims; Netflix, Vimeo on demand og Amazon Video.
Posted On 04 May 2017

Kvikmyndaskólinn greiðir úr rekstrarvanda

Kvikmyndaskóli Íslands hefur átt í nokkrum rekstrarvanda undanfarna mánuði en aðstandendur hans sjá fram á úrlausn þeirra mála um þessar mundir. RÚV fór yfir málefni skólans á dögunum og ræddi meðal annars við Böðvar Bjarka Pétursson, eiganda skólans og nokkra stundakennara.
Posted On 04 May 2017

Anton Máni Svansson valinn til þátttöku á Producers on the Move á Cannes

Anton Máni Svansson hjá Join Motion Pictures, framleiðandi Hjartasteins og meðframleiðandi Vetrarbræðra, hefur verið valinn í Producers on the Move verkefnið sem fram fer í Cannes síðar í maí.
Posted On 03 May 2017

“Hjartasteinn” komin með 30 alþjóðleg verðlaun

Hjartasteinn Guðmundar Arnars Guðmundssonar var  valin besta leikna myndin á Crossing Europe kvikmyndahátíðinni í Linz í Austurríki sem lauk um síðustu helgi. Í fyrrihluta apríl hlaut myndin samskonar verðlaun á Wicked Queer: The Boston LGBT Film Festival í Bandaríkjunum. Alls eru alþjóðleg verðlaun myndarinnar nú 30 talsins.
Posted On 03 May 2017

“Out of Thin Air” snýst um takmarkanir minnisins

Vefurinn Real Screen sem snýst um heimildamyndir, fjallar um Out of Thin Air, heimildamyndina um Guðmundar- og Geirfinnsmálið sem frumsýnd er á Hot Docs hátíðinni og ræðir við framleiðandann og sálfræðinginn Andy Glynne.
Posted On 02 May 2017

Endurgreiðslur námu einum og hálfum milljarði 2016, aldrei hærri

Endurgreiðslur vegna kvikmyndagerðar námu rúmum einum og hálfum milljarði 2016 og hafa aldrei verið hærri. 70% af endurgreiðslunni fóru til erlendra verkefna, 29% til innlendra og 1% til samframleiðslu.
Posted On 01 May 2017

“Out of Thin Air”, heimildamynd um Guðmundar- og Geirfinnsmálið, heimsfrumsýnd á Hot Docs hátíðinni

Myndin hefst á hinni dramatísku sögu af hvarfi Guðmundar Einarssonar og svo Geirfinns Einarssonar árið 1974. Síðan víkur sögu til þeirra sex ungmenna sem handtekin voru fyrir að hafa ráðið þeim bana. Byggt er á fyrstu handar frásögn þeirra sem upplifðu þessi mál.
Posted On 30 Apr 2017

Stuttmyndin “Ólgusjór” í tökur í sumar

Hópur útskrifaðra nemenda Kvikmyndaskóla Íslands, ásamt fleirum, hefur tekið höndum saman um framleiðslu stuttmyndarinnar Ólgusjór. Leikstjóri og handritshöfundur er Andri Freyr Ríkharðsson en nýtt framleiðslufyrirtæki, Behind the Scenes, annast framleiðslu. Tökur eru fyrirhugaðar í sumar, en verkefnið hefur hlotið styrk frá Kvikmyndamiðstöð og Uppbyggingarsjóði Vesturlands.
Posted On 30 Apr 2017

Bresk/íslensk þáttaröð um Guðmundar- og Geirfinnsmálið í uppsiglingu

RVK Studios, framleiðslufyrirtæki Baltasars Kormáks og breska framleiðslufyrirtækið Buccaneer Media hafa tekið höndum saman um framleiðslu sjónvarpsþáttaraðar sem byggð verður á Guðmundar- og Geirfinnsmálinu. Þáttaröðin mun kallast Reykjavik Confessions.
Posted On 28 Apr 2017

[Kitla] “Ljósmál”

Kitla heimildamyndarinnar Ljósmál hefur verið opinberuð og má sjá hér. Myndin fjallar um sögu vita á Íslandi og er stjórnað af Einari Þór Gunnlaugssyni. Dúi J. Landmark er framleiðandi og Kristján Sveinsson skrifar handrit. Von er á myndinni í haust.
Posted On 26 Apr 2017

“Ártún” fær fern verðlaun í Hong Kong

Stuttmynd Guðmundar Arnars Guðmundssonar, Ártún, hlaut fern verðlaun á Third Culture Film Festival í Hong Kong sem fram fór á dögunum. Verðlaunin voru veitt fyrir bestu myndina, besta leikstjóra, bestu myndatöku (Sturla Brandth Grøvlen) og besta leikara (Flóki Haraldsson).
Posted On 26 Apr 2017

“Ungar” valin besta myndin á European Independent Film Festival

Stuttmyndin Ungar eftir Nönnu Kristínu Magnúsdóttur var valin besta myndin (Best European Film 2017) á European Independent Film Festival sem lauk í París í kvöld. Athygli vekur að myndin er valin besta mynd hátíðarinnar úr hópi kvikmynda af margskonar tagi, þar á meðal bíómynda. Þetta eru fjórðu alþjóðlegu verðlaun myndarinnar sem einnig var valin stuttmynd ársins á Eddunni.
Posted On 24 Apr 2017

Viaplay fjárfestir í “Stellu Blómkvist”

Norræna streymisveitan Viaplay hefur fjárfest í þáttaröðinni Stellu Blómkvist sem Sagafilm framleiðir fyrir Sjónvarp Símans. Þetta er í fyrsta sinn sem Viaplay tekur þátt í íslensku sjónvarpsverkefni.
Posted On 21 Apr 2017

Snorri Sturluson gerir “Love in Kilnerry” í Bandaríkjunum

Snorri Sturluson leikstjóri, annar helmingur tvíeykisins Snorri Bros, vinnur nú að kvikmyndinni Love in Kilnerry. Tökur fara fram í Portsmouth í New Hampshire.
Posted On 21 Apr 2017

Tökum lokið á spennutryllinum “Arctic” með Mads Mikkelsen

Tökum á hrakningamyndinni Arctic er nýlokið hér á landi. Mads Mikkelsen fer með aðalhlutverkið. Pegasus og Einar Þorsteinsson kvikmyndagerðarmaður í Los Angeles eru meðal framleiðenda. Tökur stóðu í 22 daga og fóru fram við Nesjavelli og Fellsendavatn skammt frá Þórisvatni.
Posted On 19 Apr 2017

Aðsókn | “Snjór og Salóme” og “Hjartasteinn” á hægri siglingu

Snjór og Salóme eftir Sigurð Anton Friðþjófsson er á rólegri siglingu eftir aðra sýningarhelgi. Hjartasteinn Guðmundar Arnars Guðmundssonar hefur nú fengið 21.322 gesti eftir fjórtándu sýningarhelgi.
Posted On 18 Apr 2017

[Stikla] Heimildamyndin “Spólað yfir hafið” frumsýnd 20. apríl

Sýningar á heimildamynd Andra Freys Viðarssonar, Spólað yfir hafið, hefjast í Bíó Paradís fimmtudaginn 20. apríl. Myndin er um hóp Íslendinga sem kynnir íslenska torfærukeppni fyrir Bandaríkjamönnum.
Posted On 18 Apr 2017