“2 Guns” Baltasars rýfur 100 milljón dollara múrinn

Mynd Baltasars Kormáks 2 Guns hefur nú alls tekið inn rúmar 104 milljónir dollara á veraldarvísu frá því hún var frumsýnd þann 2. ágúst s.l. Myndin hefur því rofið hinn góðkunna “100 milljón dollara múr” sem hafður hefur verið í hávegum vestanhafs allt síðan Jaws náði þeim tekjum í miðasölunni fyrst mynda árið 1975. Alls eru tekjur myndarinnar svona þann 6. október 2013: 2 Guns (2013) – Box Office Mojo.
Posted On 06 Oct 2013

Nýtt form á “Stundinni okkar”

Elsti sjónvarpsþáttur landsins tekur stakkaskiptum á morgun og verður í þeim búningi í vetur. Skipt hefur verið um leikstjóra og umsjónarmann. Þeir verða Guðjón Davíð Karlsson, leikari og Bragi Þór Hinriksson, leikstjóri. Stundin okkar hefur fylgt þjóðinni frá upphafsdögum Sjónvarpsins. Fyrst þátturinn var sendur út á aðfangadag 1966 og hefur lengst af síðan verið sendur út klukkan sex á sunnudögum. Sjá nánar hér: Stundin okkar tekur stakkaskiptum | RÚV.
Posted On 05 Oct 2013

“Still Life” hlaut Gullna lundann

Verðlaunaafhending RIFF fór fram í kvöld í Gamla bíói. Helstu verðlaun eru sem hér segir: Still Life (Kyrralífsmynd) eftir Ítalann Uberto Pasolini var sigursæl, fékk aðalverðlaun hátíðarinnar Gullna lundann og FIPRESCI verðlaunin að auki. Ekspeditionen til verdens ende (Leiðangur á enda veraldar) eftir danska leikstjórann Daniel Dencik fékk Umhverfisverðlaun RIFF. Kvikmyndaverðlaun kirkjunnar runnu til The Lunchbox (Nestisboxins) eftir Indverska leikstjórann Ritesh Batra. Hvalfjörður eftir Guðmund Arnar Guðmundsson þótti besta íslenska stuttmyndin. Vi är bäst! (Við erum bestar!) fékk áhorfendaverðlaun RIFF, en um þau verðlaun var kosið á netinu. Dómnefnd Vitranaflokksins, aðalverðlauna hátíð
Posted On 05 Oct 2013

“Ekki verður lengra gengið í bili”

Jón Gunnarsson, þingmaður Sjálfstæðisflokks, segir á Facebook síðu sinni að fólk í kvikmyndaiðnaðinum verði að gera sér grein fyrir því að ekki verði gengið lengra í styrkjum og ívilnunum til kvikmyndaiðnaðarins. Þar svarar hann gagnrýni Baltasars Kormáks sem sagði í Hollywood Reporter á dögunum að það væri nánast ógerlegt að byggja upp framtíð fyrir íslenska kvikmyndagerð ef haldið verði áfram að skera niður. Þetta kemur fram í DV. Sjá nánar hér: Segir önnur mikilvægari samfélagsverkefni en að styrkja kvikmyndaiðnað – DV.
Posted On 05 Oct 2013

“Frost” keppir á Screamfest

Mynd Reynis Lyngdal, Frost, keppir um “óskarsverðlaun hryllingsins”, gullnu hauskúpuna, á Screamfest, einni kunnustu hryllingsmyndahátíð heims. Hátíðin stendur yfir frá 8. til 17. okt. í Los Angeles. Oft er talað um Screamfest sem Sundance-hátíð hryllingsmyndanna og margar víðfrægar hrollvekjur fyrst náð hylli á hátíðinni. Nægir þar að nefna Paranormal Activity sem getið hefur af sér fjórar framhaldsmyndir og hefur myndaröðin halað inn milljarði Bandaríkjadala. Í ráðgjafarnefnd Screamfest eiga sæti sannkallað landslið hrollvekjumeistara; Wes Craven (Nightmare On Elm Street, Scream), Clive Barker (Hellraiser, Candyman) John Landis (American Werewolf in London, The Blues Brothers),
Posted On 04 Oct 2013

Sólveig Anspach á RIFF

Kvikmynd Sólveigar Anspach, Nakin Lulu (Lulu in the Nude), er hluti af dagskrá  RIFF sem lýkur nú um helgina. Sólveig átti einnig mynd á síðustu RIFF hátíðinni sem nefnist Drottningin af Montreuil og hlaut hún meðal annars áhorfendaverðlaun ásamt því að vera opnunarmynd hátíðarinnar. Nakin Lulu verður sýnd á tveimur kvikmyndahátíðum í Þýskalandi á næstunni áður en hún verður tekin til almennra sýninga í Frakklandi í janúar. Á kvikmyndahátíðinni í Stuttgart verður myndin sýnd ásamt eldri myndum Sólveigar, þar sem litið verður yfir feril hennar. Nakin Lulu segir frá starfsviðtali sem fer á versta veg. Í kjölfarið ákveður Lulu að yfirgefa eiginmann sinn og þrjú börn. Að vera slík ævintýrakona e
Posted On 04 Oct 2013

Spjall við Laurence Cantet og James Gray á Bessastöðum

RIFF TV spjallar við leikstjórana Laurence Cantet og James Gray sem hlutu RIFF-verðlaun úr hendi forseta Íslands fyrir framúrskarandi listrænt framlag.
Posted On 04 Oct 2013

Baltasar í Hollywood Reporter: Gríðarlegt áfall fyrir kvikmyndagerð

Baltasar Kormákur er í viðtali við The Hollywood Reporter um hinn mikla niðurskurð til kvikmyndagerðar. “Þetta er gríðarlegt áfall fyrir alla sem vinna við íslenskar kvikmyndir. Ég held að allir hafi vitað að það yrði eitthvað skorið niður en ekkert í líkingu við þetta.” Baltasar bætir við: “Það er nær ómögulegt að byggja upp kvikmyndaiðnaðinn til framtíðar þegar stjórnvöld eru stöðugt að klippa okkur niður.” Sjá nánar hér: ‘2 Guns’ Director, Icelandic Industry Shocked by Cuts to Local Film Fund – The Hollywood Reporter.
Posted On 04 Oct 2013

Heimsókn í heimabíó Hrafns Gunnlaugssonar

Á Bíóvefnum er að finna skemmtilega frásögn af heimsókn til Hrafns Gunnlaugssonar í Laugarnesið en hann stóð fyrir sýningu á heimili sínu á mynd sinni Óðal feðranna á yfirstandandi RIFF hátíð. “Gæinn sjálfur er alls ekki ólíklegur til að taka í höndina á þér við innkomu til að bjóða þig velkominn/velkomna, enda hafði hann komið sér fyrir aðgengilegum í stofunni þar sem myndin var sýnd. Í eigin persónu er maðurinn sannkallaður ljúflingur og virtist meira en glaður að fá mannskapinn í heimsókn. Stólum hafði verið komið fyrir allsstaðar í stofunni og var varla pláss eftir (og hvað þá stólar í húsinu). Þegar gestir stigu inn voru þeir enn að meðtaka þetta sérkennilega umhverfi og ímyndunar
Posted On 03 Oct 2013

Kennsla í kvikmyndalæsi hefst í Bíó Paradís

Bíó Paradís hefur undanfarin tvö ár staðið fyrir kvikmyndasýningum fyrir grunn- og framhaldsskólanema þar sem markmiðið er fræðsla og efling kvikmyndalæsis. Sýningarnar hafa verið vinsælar og vel sóttar en þetta haustið hefst formleg kennsla í kvikmyndalæsi fyrir grunnskólanema í bíóinu undir stjórn Oddnýjar Sen kvikmyndafræðings. Af þessu tilefni ræðir Oddný við Fréttablaðið í dag: „Ég verð með námskeið fyrir alla grunnskóla landsins, fyrir börn og unglinga en þetta er í fyrsta skipti sem fræðsla samkvæmt aðalnámskrá grunnskólanna fer fram í kvikmyndahúsi,“ segir Oddný Sen, kvikmyndafræðingur og verkefnastjóri í Bíói Paradís. “Tilgangur sýninganna er alhliða kvikmyndafræðsla og kvikmy
Posted On 03 Oct 2013

42% niðurskurður til kvikmyndagerðar – yfirlýsing stjórnar SKL vegna fjárlagafrumvarps

Stjórn Samtaka kvikmyndaleikstjóra (SKL) hefur sent frá sér yfirlýsingu vegna fjárlagafrumvarps 2014 þar sem niðurskurður á kvikmyndasjóði er fordæmdur.   Samtök kvikmyndaleikstjóra fordæma harkalega þann mikla niðurskurð sem lagður er til í fjárlagafrumvarpi ríkisstjórnarinnar fyrir árið 2014. Ef fram fer sem horfir er þetta stærsti einstaki niðurskurður sem greinin hefur orðið fyrir. Þetta yrði mikið áfall, en á sama tíma illskiljanlegt. Í framhaldi af stóra niðurskurðinum árið 2010 virtist þverpólitísk samstaða um að auka þyrfti verulega fjárfestingu í íslenskri kvikmyndagerð, m.a. vegna mikilla hagrænna áhrifa hennar. Íslensk kvikmyndagerð er atvinnugrein í örum vexti sem skapar mik
Posted On 02 Oct 2013

Variety hælir “Hross í oss” í hástert

Jay Weissberg hjá Variety skrifar um Hross í oss Benedikts Erlingssonar og er ekki að skafa utan af því: “Flabbergasting images and a delightfully dry sense of humor make “Of Horses and Men” a debut worthy of celebration. Stage and shorts helmer Benedikt Erlingsson reveals an astonishingly inventive eye and a sensitivity to the confluence of spirit between man and animal that’s impossible to capture in words, balancing desire and jealousy with the cycles of life and repping a boldly distinctive vision set in a quirky horse-riding community in the stunning Icelandic countryside. Iceland’s Oscar submission will be proudly trotted out at fests and deserves visionary distribs willing to ba
Posted On 02 Oct 2013

Laufey segir niðurskurðinn verða erfiðan fyrir greinina

„Þetta verður mjög erfitt fyrir kvikmyndagreinina, það er alveg ljóst,“ segir Laufey Guðjónsdóttir, forstöðumaður Kvikmyndamiðstöðvar Íslands í spjalli við Visi. „Fjármögnun verkefna hefur alltaf verið erfið og sjóðurinn hrundi með hruninu. Svo var gefið í á þessu ári með fjárfestingaráætluninni en nú hefur verið hætt við hana.“ Laufey segir að viðhalda þurfi fagmennskunni. „Hugmyndaríkir kvikmyndamenn þurfa tæki og tól. Það þarf peninga til.” Sjá nánar hér: Vísir – „Þetta verður mjög erfitt fyrir kvikmyndagreinina“.
Posted On 02 Oct 2013

Saga | “Leirburður” Viðars Víkingssonar

Á vefsíðunni Wheel of Work er að finna þessa skemmtilegu frásögn af kvikmynd sem aldrei varð, Leirburði Viðars Víkingssonar. Rætt er við Viðar og aðra sem að komu. Viðar segir m.a.: “Ég gekk lengi með það í maganum að gera kvikmynd sem byggð væri á Geirfinnsmálinu. Hún átti ekki að reyna að útlista hvað raunverulega gerðist, sem ég veit auðvitað ekkert um, heldur vera skáldskapur sem lýsti því ofsóknaræði sem greip þjóðina vegna þessa máls.” Stikla sem Viðar gerði fyrir myndina er hér fyrir neðan: Helvíti fínn leirburður (sem aldrei varð) | WHEEL OF WORK.
Posted On 02 Oct 2013

Djöflaeyjan: “Svona er Sanlitun” nær ekki flugi

Bergsteinn Sigurðsson kvikmyndagagnrýnandi og Jón Karl Helgason bókmenntafræðingur gagnrýna kvikmyndina Svona er Sanlitun eftir Róbert Douglas í Djöflaeyjunni á RÚV. Bergsteinn segir persónur viðkunnanlegar en myndin beri þess merki að vera gerð af svolitlum vanefnum og fari aldrei á það stig fáránleikans að verða fyndin eða ná neinu flugi. Hann gagnrýnir jafnframt val myndarinnar sem opnunarmyndar RIFF. Jón Karl talar um notalegan húmor en stærsti gallinn væri sá að maður trúði aldrei á aulagang persónanna. Sjá nánar hér: Pallborðið | RÚV.
Posted On 02 Oct 2013

Hlynur Sigurðsson til Stórveldisins

Hlynur Sigurðsson hefur verið ráðinn til kvikmynda- og framleiðslufyrirtækisins Stórveldisins þar sem hann mun starfa við framleiðslu. Hlynur er menntaður stjórnmálafræðingur og er með MBA gráðu frá Copenhagen Business School. Hann var meðal annars fréttamaður á RÚV og tók þátt í að stofna og reka mbl sjónvarp. Stórveldið hefur á undanförnum árum haslað sér völl á sviði sjónvarpsþáttaframleiðslu og má þar nefna þættina Andri á flandri og Andraland, Ameríska og Evrópska drauminn og grillþætti Hrefnu Sætran. Fyrirtækið framleiðir nú Áramótaskaupið fyrir RÚV og Borð fyrir fimm fyrir Skjá einn. Sjá nánar hér: Viðskiptablaðið – Hlynur til Stórveldisins.
Posted On 02 Oct 2013

Yfirlýsing frá stjórn FK vegna fjárlagafrumvarps

Félag kvikmyndagerðarmanna hefur sent frá sér yfirlýsingu vegna fjárlagafrumvarps 2014 þar sem niðurskurður á kvikmyndasjóði er harmaður.   Félag kvikmyndagerðamanna harmar fréttir um niðurskurð ríkisstjórnarinnar til Kvikmyndasjóðs sem kemur fram í fjárlagafrumvarpinu sem lagt hefur verið fyrir Alþingi. Sú uppbygging og fjárfesting sem hefur átt sér stað í kvikmyndageiranum frá árinu 2012 og varð að veruleika 2013 verður nú að engu og afleiðingar grafalvarlegar fyrir þennan viðkvæma iðnað. Þessi niðurskurður mun því miður fyrst og fremst kippa fótunum undan innlendri kvikmyndagerð sem stóð mjög völtum fótum eftir þá atlögu sem var gerð þegar sjóðirnir voru skornir niður um 35% 2009. Nú
Posted On 01 Oct 2013

Yfirlýsing frá stjórn SÍK vegna fjárlagafrumvarps

SÍK – Samband íslenskra kvikmyndaframleiðenda hefur sent frá sér yfirlýsingu þar sem tillaga um mikinn niðurskurð kvikmyndasjóðs er harmaður. Stjórnin bendir á að með niðurskurðinum sé vegið að uppbyggingu kvikmyndagerðar, ríkið verði af miklum tekjum og yfir 200 ársverk tapist í greininni.   Í fjárlagafrumvarpi fyrir árið 2014 sem lagt var fram á Alþingi í dag kemur fram að Kvikmyndasjóður verður skorinn niður um 42% á næsta ári frá því sem áætlað var. Í annað skiptið á fjórum árum verður kvikmyndagreinin fyrir risa höggi í niðurskurðartillögum stjórnvalda og enn og aftur er vegið að uppbyggingu á atvinnugrein sem kominn var á góðan skrið. Þessi niðurskurður er fordæmalaus í menn
Posted On 01 Oct 2013

RÚV: Páll segir hagræðingarkröfu 7%

Páll Magnússon útvarpsstjóri hefur sent frá sér skeyti þar sem fram kemur að fjárlagafrumvarpið rýri afkomu RÚV á næsta ári um rúmlega 260 milljónir króna og að raunveruleg hagræðingarkrafa sé því um 7%. Þessu verði að mæta og verða áætlanir út frá nýrri stöðu lagðar fram um næstu mánaðamót. Skeyti hans fer hér á eftir í heild: Sælt veri fólkið!Nú hefur fjárlagafrumvarpið fyrir næsta ár litið dagsins ljós og niðurstaðan fyrir Ríkisútvarpið er í stuttu máli þessi:Þær greinar nýrra laga um RÚV sem skerða auglýsingatekjur og auka rekstrarkostnað eru látnar halda sér, en tekjuauki sem átti að koma þar á móti er ekki látinn taka gildi nema að litlu leyti. Þannig ætlar ríkið áfram að taka um 400 m
Posted On 01 Oct 2013

Kvikmyndasjóður skorinn niður um 39%

Framlög til kvikmyndasjóðs Kvikmyndamiðstöðvar Íslands verða skorin niður um 39% skv. fjárlagafrumvarpi 2014 og gert ráð fyrir að þau nemi 624,7 milljónum króna. Nemur niðurskurðurinn alls 445 milljónum króna. Að auki er gert ráð fyrir 120,9 milljóna framlagi til reksturs. Alls verður heildarframlagið því 745,6 milljónir króna á næsta ári. Í kvikmyndasjóðnum eru þau framlög sem fara til fjárfestingar í einstökum kvikmyndaverkefnum. Af rekstrarframlaginu greiðist launa- og skrifstofukostnaður, þátttaka í ýmiskonar sjóðum og önnur starfsemi miðstöðvarinnar. Í skýringum með frumvarpinu kemur fram að fallið sé “frá áformum um 470 m.kr. hækkun á framlagi sem veitt var í fjárlögum ársins 201
Posted On 01 Oct 2013

Fjárlög: RÚV fær 319 milljóna aukningu

Í nýútkomu fjárlagafrumvarpi er gert ráð fyrir að RÚV fái viðbótar framlög úr ríkissjóði uppá 319 milljónir króna. Alls verður því heildarframlag ríkisins til RÚV rúmir 3,5 milljarðar króna á næsta ári. Hafa ber í huga að RÚV er uppálagt skv. lögum að verja 10% af þjónustutekjum sínum (sem hér um ræðir) til kaupa á dagskrárefni frá sjálfstæðum framleiðendum. Sjá nánar hér: Vísir – RÚV fær 319 milljónir aukalega – ekki farið fram á hagræðingu.
Posted On 01 Oct 2013

“Október” Eisensteins í Bæjarbíói

Kvikmyndasafn Íslands sýnir í Bæjarbíói í kvöld þriðjudag kl. 20 og á laugardag kl. 16 hina víðfrægu mynd Sergei Eistenstein, Október, frá 1928. Í kynningarefni safnsins segir: “Alþjóðleg velgengni Beitiskipsins Potemkin, varð þess valdandi að Sergei M. Eisenstein var fenginn til að stjórna gerð Októbers í tilefni af því að 10 ár voru liðin frá því að októberbyltingin var gerð. Gerðar skyldu tvær myndir og V. Púdovkin fengin til að stjórna hinni (sjá síðar). Árásin á Vetrarhöllina er hápunktur myndarinnar en endursköpun hennar árið 1920 varð fyrirmynd kvikmyndarinnar fremur en hinir raunverulegu ómyndrænu atburðir árið 1917. Sagnfræðingar og aðrir hafa stuðst við sviðsetningu myndarinn
Posted On 01 Oct 2013

DV: “Svona er Sanlitun” – Íslenski draumurinn í Peking

Símon Örn Birgisson hjá DV skrifar um Svona er Sanlitun: “Myndin er vel skrifuð, samtölin óborganleg og Róbert gerir vel með því að láta mann finna til samúðar með persónum sínum, hlæja að þeim, kenna í brjósti um þær og standa með þeim. Mann langar til að Gary finni sína fjöl en um leið veit maður að hann er klúðrari og glutrar öllu úr höndunum á sér. Gary gæti jafnvel táknað íslensku útrásina þegar hárlengingarkremið slær skyndilega í gegn en ómeðvitað gerir hann heilt kínverskt þorp gjaldþrota með braski sínu.” Sjá nánar hér: Íslenski draumurinn í Peking – DV.
Posted On 01 Oct 2013

Cantet og Gray troða upp á RIFF

Leikstjórarnir Laurence Cantet og James Gray eru nú komnir til landsins og mun RIFF veita þeim sömu verðlaun og Lukasi Moodysson, verðlaun RIFF fyrir framúrskarandi listfengi. Fer sú verðlaunaafhending fram á Bessastöðum kl. 16, miðvikudaginn 2. október. Frakkinn Laurent Cantet og Bandaríkjamaðurinn James Gray eiga ekki margt sameiginlegt þótt leiðir þeirra liggi saman hér. Laurent er fæddur 1961 og sló í gegn með fjórðu myndinni sinni, Bekkurinn (The Class á ensku), sem fékk Gullpálmann í Cannes 2008. Sigurinn opnaði honum allar dyr og hann mætir nú á RIFF með myndina Foxfire – Confessions of a Girl Gang. Þetta er mynd um stelpnagengi í New York fylki árið 1955, sem byggir á metsölubó
Posted On 30 Sep 2013