Aðsókn | “Ég man þig” komin að 40 þúsund gesta markinu

Ég man þig er í fimmta sæti sæti aðsóknarlistans eftir sjöttu sýningarhelgi en alls hafa nú tæplega 40 þúsund manns séð myndina.
Posted On 13 Jun 2017

Þráinn Bertelsson varar áhorfendur við

Þráinn Bertelsson hefur sent frá sér yfirlýsingu þar sem hann segir sýningar Stöðvar 2 á Líf-myndunum þann 17. júní næstkomandi í óþökk sinni. Hann varar áhorfendur við lélegum gæðum sýningareintaka og biður þá afsökunar.
Posted On 12 Jun 2017

“Hjartasteinn” og “Sundáhrifin” verðlaunaðar í Rúmeníu

Hjartasteinn Guðmundar Arnars Guðmundssonar og Sundáhrifin eftir Sólveigu Anspach voru báðar verðlaunaðar á Transilvania International Film Festival sem fór fram í Cluj-Napoca í Rúmeníu um helgina.
Posted On 12 Jun 2017

Skjaldborg II: Veröld sem er

Í öðrum pistli sínum af þremur um Skjaldborg 2017 fjallar Ásgeir H. Ingólfsson um myndirnar Í kjölfar feðranna, Vopnafjörður 690, A Portrait of Reykjavík, Siggi's Gallery, Bonjour mammon, Lesbos og Jóa.
Posted On 12 Jun 2017

“Rökkri” dreift í Ameríku

Kvikmyndadreifingarfyrirtækið Breaking Glass Pictures hefur fengið dreifingarréttinn í Bandaríkjunum á íslensku hrollvekjunni Rökkur (Rift). Handritshöfundur og leikstjóri myndarinnar er Erlingur Óttar Thoroddsen.
Posted On 09 Jun 2017

Kvikmyndir.is um “Ég man þig”: Glæpasaga með hryllingsívafi

Hildur Harðardóttir skrifar á Kvikmyndir.is um Ég man þig eftir Óskar Þór Axelsson og segir meðal annars: "Skipting á borð við þessa þar sem stokkið er á milli frásagna er ekki ný af nálinni í kvikmyndum, en hún er vandmeðfarin. Hvernig sögurnar tvær tengjast er vissulega óvenjulegt á skemmtilegan hátt, en þetta uppbrot heftir flæði frásagnarinnar."
Posted On 08 Jun 2017

Erlingur Óttar gerir “Kulda”

Erlingur Óttar Thoroddsen mun leikstýra bíómyndinni Kulda sem byggð er á bók Yrsu Sigurðardóttur. Sigurjón Sighvatsson framleiðir.
Posted On 08 Jun 2017

“Ég man þig” seld um allan heim

Sölufyrirtækið TrustNordisk hefur tilkynnt um sölur á Ég man þig Óskars Þórs Axelssonar víða um heim í kjölfar Cannes hátíðarinnar. Myndin fer meðal annars til Norður-Ameríku (IFC Films), Frakklands (Swift), Japans (Gaga), Rómönsku Ameríku (California Filmes) og Víetnam (Green Media).
Posted On 07 Jun 2017

Fjórar væntanlegar íslenskar þáttaraðir kynntar á Scandinavian Screening 6.-8. júní

Kaupstefnan Scandinavian Screening er haldin á Íslandi í fyrsta sinn dagana 6.-8. júní. Þar koma saman stærstu kaupendur sjónvarpsefnis og kvikmynda í heiminum til að kynna sér og festa kaup á norrænu sjónvarpsefni. Alls verða 30 verkefni kynnt á kaupstefnunni og þar af fjórar innlendar þáttaraðir sem nú eru í undirbúningi.
Posted On 06 Jun 2017

Tökum á “Mihkel” lokið

Tökum var að ljúka í Eistlandi á spennudrama Ara Alexanders Magnússonar, Mihkel. Myndin verður frumsýnd næsta vetur en hún byggir lauslega á einu umtalaðasta sakamáli síðari ára, líkfundarmálinu á Neskaupstað árið 2004.
Posted On 06 Jun 2017

“Sjálfsmorðsþjónustan” eftir Þorkel Ágúst Óttarsson verðlaunuð

Fyrsta kvikmynd Þorkels Ágústs Óttarssonar í fullri lengd, Suicide Service (Sjálfsmorðsþjónustan) hlaut á dögunum dómnefndarverðlaun The Monkey Bread Tree, sem er alþjóðleg kvikmyndasamkeppni þar sem dómnefndir meta innsendar myndir. Þorkell hefur á undanförnum árum gert fjölda stuttmynda í Noregi þar sem hann er búsettur. Eva Hauksdóttir ræddi við hann fyrir Kvennablaðið.
Posted On 06 Jun 2017

Aðsókn | Rúmlega 37 þúsund séð “Ég man þig” eftir fimmtu helgi

Ég man þig er í fjórða sæti sæti aðsóknarlistans eftir fimmtu sýningarhelgi en alls hafa nú rúmlega 37 þúsund manns séð myndina.
Posted On 06 Jun 2017

Elfar Aðalsteins og Karl Óskarsson gera mynd á Írlandi

Elfar Aðalsteins er nú við tökur á End of Sentence, fyrstu kvikmynd sinni í fullri lengd. Þær fara fram á Írlandi. Karl Óskarsson er tökumaður, en þeir Elfar gerðu saman stuttmyndina Sailcloth með John Hurt í aðalhlutverki, fyrir nokkrum árum og var hún valin stuttmynd ársins á Eddunni 2013. Guðrún Edda Þórhannesdóttir, Eva María Daníels og Sigurjón Sighvatsson framleiða ásamt Samson Films á Írlandi og Elfari.
Posted On 05 Jun 2017

“Blindrahundur” vinnur tvöfalt á Skjaldborg

Blindrahundur eftir Kristján Loðmfjörð hlaut bæði áhorfendaverðlaun og dómnefndarverðlaun Skjaldborgarhátíðarinnar, sem lauk í gærkvöldi. Myndin fjallar um myndlistarmanninn Birgi Andrésson.
Posted On 05 Jun 2017

“Hjartasteinn” valin besta evrópska frumraunin í Tékklandi

Hjartasteinn Guðmunar Arnars Guðmundssonar var í gærkvöldi valin besta evrópska frumraunin á kvikmyndahátíðinni í Zlin í Tékklandi. Baldur Einarsson, annar aðalleikara myndarinnar, veitti verðlaunum viðtöku, en þetta eru 31. alþjóðlegu verðlaun myndarinnar.
Posted On 04 Jun 2017

Skjaldborg 2017 hefst í dag

Heimildamyndahátíðin Skjaldborg hefst í dag á Patreksfirði og stendur til sunnudagskvölds. 20 nýjar heimildamyndir verða frumsýndar á hátíðinni auk fjölda verka í vinnslu. Heiðursgestir hátíðarinnar eru hjónin Steina og Woody Vasulka. Ásgeir H. Ingólfsson, sérlegur tíðindamaður Klapptrés, verður á staðnum og mun birta reglulega pistla frá hátíðinni.
Posted On 02 Jun 2017

[Stikla] “Atelier” eftir Elsu Maríu Jakobsdóttur

Stikla Atelier útskriftarmyndar Elsu Maríu Jakobsdóttur frá Danska kvikmyndaskólanum, hefur verið opinberuð og má skoða hér. Myndin var valin á Karlovy Vary hátíðina sem hefst í lok júní, en þar tekur hún þátt í flokknum Future Frames: Ten New Filmmakers to Follow.
Posted On 02 Jun 2017

Jóhannes Haukur í mynd Jacques Audiard

Jóhannes Haukur Jóhannesson mun leika í kvikmyndinni The Sisters Broth­ers sem franski leikstjórinn Jacques Audiard gerir, en hann hlaut Gullpálmann í Cannes 2015 fyrir kvikmyndina Dheepan. Jake Gyllenhaal, Joaquin Phoenix, John C. Reilly og Riz Ahmed (The Night of) fara með helstu hlutverk.
Posted On 02 Jun 2017

Engar stjörnur um “Ég man þig”: Gárað í yfirborð þjóðsagnahylsins

Katrín Vinther Reynisdóttir kvikmyndafræðinemi skrifar fyrir Engar stjörnur, gagnrýnendaverkefni Kvikmyndafræði Háskóla Íslands, um Ég man þig. Varað er við spilliefnum (spoilers) í umsögninni.
Posted On 02 Jun 2017

Ágúst Jakobsson filmar bresku myndina “Edie”, frumsýnd á Edinborgarhátíðinni

Ágúst Jakobsson er tökumaður bresku myndarinnar Edie í leikstjórn Simon Hunter. Hin kunna breska leikkona Sheila Hancock fer með aðalhlutverkið, en myndin verður frumsýnd á kvikmyndahátíðinni í Edinborg sem hefst 21. júní. 
Posted On 01 Jun 2017

Ingvar Þórðarson og Júlíus Kemp meðframleiðendur finnsku stríðsmyndarinnar “The Unknown Soldier”

Júlíus Kemp og Ingvar Þórðarson hjá Kisa eru meðframleiðendur finnsku stórmyndarinnar The Unknown Soldier (Tuntematon sotilas) sem einn kunnasti leikstjóri Finna, Aku Louhimies, gerir. Myndin, sem lýsir stríði Finnlands við Rússa í seinni heimsstyrjöldinni og er byggð á þekktri samnefndri skáldsögu, kemur út í haust. Stikla myndarinnar hefur verið opinberuð og má skoða hér.
Posted On 01 Jun 2017

Hvernig ferðast heimildamyndir?

Sölumessan Scandinavian Screening er haldin hér á landi í fyrsta skipti dagana 6.-8. júní en þangað mæta stærstu kaupendur sjónvarpsefnis í heiminum og skoða norrænt efni. Messan er haldin að undirlagi norrænu sjónvarpsstöðvanna. Í tilefni þessa hefur RÚV fengið Kim Christiansen, ritstjóra og umsjónarmann samframleiðslu heimildarmynda hjá DR Sales, til að halda fyrirlestur um sölu heimildamynda.
Posted On 31 May 2017

Árni Filippusson í ÍKS

Félag íslenskra kvikmyndatökustjóra (ÍKS) ákvað á síðasta aðalfundi að bjóða nýjum meðlimi, Árna Filippussyni, í félagið. Þetta kemur fram í fréttatilkynningu frá félaginu, en Árni verður ellefti meðlimur þess.
Posted On 31 May 2017

Anton Máni, framleiðandi á ferð og flugi 

Anton Máni Svansson framleiðandi, sem var einn þátttakenda í Producers on the Move verkefninu í Cannes, ræðir við Morgunblaðið um reynslu sína og verkefnin framundan. Fram kemur í viðtalinu að Hjartasteinn hafi nú selst til yfir 50 landa og að næsta verkefni hans verði íslenskur spennutryllir í leikstjórn Hlyns Pálmasonar.
Posted On 31 May 2017