“Out of Thin Air”, heimildamynd um Guðmundar- og Geirfinnsmálið, heimsfrumsýnd á Hot Docs hátíðinni

Myndin hefst á hinni dramatísku sögu af hvarfi Guðmundar Einarssonar og svo Geirfinns Einarssonar árið 1974. Síðan víkur sögu til þeirra sex ungmenna sem handtekin voru fyrir að hafa ráðið þeim bana. Byggt er á fyrstu handar frásögn þeirra sem upplifðu þessi mál.
Posted On 30 Apr 2017

Stuttmyndin “Ólgusjór” í tökur í sumar

Hópur útskrifaðra nemenda Kvikmyndaskóla Íslands, ásamt fleirum, hefur tekið höndum saman um framleiðslu stuttmyndarinnar Ólgusjór. Leikstjóri og handritshöfundur er Andri Freyr Ríkharðsson en nýtt framleiðslufyrirtæki, Behind the Scenes, annast framleiðslu. Tökur eru fyrirhugaðar í sumar, en verkefnið hefur hlotið styrk frá Kvikmyndamiðstöð og Uppbyggingarsjóði Vesturlands.
Posted On 30 Apr 2017

Bresk/íslensk þáttaröð um Guðmundar- og Geirfinnsmálið í uppsiglingu

RVK Studios, framleiðslufyrirtæki Baltasars Kormáks og breska framleiðslufyrirtækið Buccaneer Media hafa tekið höndum saman um framleiðslu sjónvarpsþáttaraðar sem byggð verður á Guðmundar- og Geirfinnsmálinu. Þáttaröðin mun kallast Reykjavik Confessions.
Posted On 28 Apr 2017

[Kitla] “Ljósmál”

Kitla heimildamyndarinnar Ljósmál hefur verið opinberuð og má sjá hér. Myndin fjallar um sögu vita á Íslandi og er stjórnað af Einari Þór Gunnlaugssyni. Dúi J. Landmark er framleiðandi og Kristján Sveinsson skrifar handrit. Von er á myndinni í haust.
Posted On 26 Apr 2017

“Ártún” fær fern verðlaun í Hong Kong

Stuttmynd Guðmundar Arnars Guðmundssonar, Ártún, hlaut fern verðlaun á Third Culture Film Festival í Hong Kong sem fram fór á dögunum. Verðlaunin voru veitt fyrir bestu myndina, besta leikstjóra, bestu myndatöku (Sturla Brandth Grøvlen) og besta leikara (Flóki Haraldsson).
Posted On 26 Apr 2017

“Ungar” valin besta myndin á European Independent Film Festival

Stuttmyndin Ungar eftir Nönnu Kristínu Magnúsdóttur var valin besta myndin (Best European Film 2017) á European Independent Film Festival sem lauk í París í kvöld. Athygli vekur að myndin er valin besta mynd hátíðarinnar úr hópi kvikmynda af margskonar tagi, þar á meðal bíómynda. Þetta eru fjórðu alþjóðlegu verðlaun myndarinnar sem einnig var valin stuttmynd ársins á Eddunni.
Posted On 24 Apr 2017

Engar stjörnur um “Snjó og Salóme”: Virkar en einungis rétt svo

Kvikmyndafræðideild Háskóla Íslands hefur nú um nokkurra vikna skeið haldið úti reglulegum skrifum um kvikmyndir á Fésbókarsíðu sinni. Þar á meðal er efnisliðurinn Engar stjörnur þar sem nemendur kvikmyndafræðinnar gagnrýna kvikmyndir. Einn þeirra, Snævar Freyr, skrifar umsögn um Snjó og Salóme Sigurðar Antons Friðþjófssonar og segir myndina kærkomna viðbót í íslenska kvikmyndaflóru, bendir á opnar dyr sem hefði mátt loka, grafinn hund og einstaka snilld.
Posted On 21 Apr 2017

Viaplay fjárfestir í “Stellu Blómkvist”

Norræna streymisveitan Viaplay hefur fjárfest í þáttaröðinni Stellu Blómkvist sem Sagafilm framleiðir fyrir Sjónvarp Símans. Þetta er í fyrsta sinn sem Viaplay tekur þátt í íslensku sjónvarpsverkefni.
Posted On 21 Apr 2017

Snorri Sturluson gerir “Love in Kilnerry” í Bandaríkjunum

Snorri Sturluson leikstjóri, annar helmingur tvíeykisins Snorri Bros, vinnur nú að kvikmyndinni Love in Kilnerry. Tökur fara fram í Portsmouth í New Hampshire.
Posted On 21 Apr 2017

Tökum lokið á spennutryllinum “Arctic” með Mads Mikkelsen

Tökum á hrakningamyndinni Arctic er nýlokið hér á landi. Mads Mikkelsen fer með aðalhlutverkið. Pegasus og Einar Þorsteinsson kvikmyndagerðarmaður í Los Angeles eru meðal framleiðenda. Tökur stóðu í 22 daga og fóru fram við Nesjavelli og Fellsendavatn skammt frá Þórisvatni.
Posted On 19 Apr 2017

Aðsókn | “Snjór og Salóme” og “Hjartasteinn” á hægri siglingu

Snjór og Salóme eftir Sigurð Anton Friðþjófsson er á rólegri siglingu eftir aðra sýningarhelgi. Hjartasteinn Guðmundar Arnars Guðmundssonar hefur nú fengið 21.322 gesti eftir fjórtándu sýningarhelgi.
Posted On 18 Apr 2017

[Stikla] Heimildamyndin “Spólað yfir hafið” frumsýnd 20. apríl

Sýningar á heimildamynd Andra Freys Viðarssonar, Spólað yfir hafið, hefjast í Bíó Paradís fimmtudaginn 20. apríl. Myndin er um hóp Íslendinga sem kynnir íslenska torfærukeppni fyrir Bandaríkjamönnum.
Posted On 18 Apr 2017

Atli Örvarsson gerir tónlistina við “The Hitman’s Bodyguard”

Atli Örvarsson gerir tónlistina við bandarísku grín-hasarmyndina The Hitman's Bodyguard sem væntanleg er í haust. Ryan Reynolds og Samuel Jackson fara með aðalhlutverkin en leikstjóri er Patrick Hughes (The Expendables 3).
Posted On 17 Apr 2017

Fréttablaðið um “Snjó og Salóme”: Ástarþríhyrningur, ýktar skopmyndir og gervidramatík

"Það hjakkar ekki mikið í klisjum og myndin hefur gott hjarta ásamt góðum samleik frá leikkonunum tveimur, en handritsgerð og tæknivinnsla er viðvaningsleg og tónninn í algeru tjóni," segir Tómas Valgeirsson í Fréttablaðinu um Snjó og Salóme Sigurðar Antons Friðþjófssonar.
Posted On 15 Apr 2017

Tökur standa yfir á þáttaröðinni “Stellu Blómkvist”

Tökur standa nú yfir á þáttaröðinni Stellu Blómkvist í leikstjórn Óskars Þórs Axelssonar. Þættirnir eru byggðir á samnefndum bókum eftir samnefndan hulduhöfund. Heiða Rún Sigurðardóttir (Poldark) fer með aðalhlutverkið, en Sagafilm framleiðir fyrir Sjónvarp Símans. Þættirnir eru væntanlegir í haust.
Posted On 12 Apr 2017

Morgunblaðið um “Snjó og Salóme”: Kona á krossgötum

Brynja Hjálmsdóttir skrifar um Snjó og Salóme Sigurðar Anton Friðþjófssonar í Morgunblaðið og segir styrk hennar liggja í hnyttnum samtölum en skerpa hefði mátt á dramatískari senum. Hún gefur myndinni þrjár og hálfa stjörnu.
Posted On 12 Apr 2017

“Hjartasteinn” verðlaunuð í Dallas, sögð “meiriháttar afrek” í umsögn

Hjartasteinn Guðmundar Arnars Guðmundssonar hlaut sérstök dómnefndarverðlaun á Alþjóðlegu kvikmyndahátíðinni í Dallas í Bandaríkjunum, sem lauk um helgina.
Posted On 12 Apr 2017

Aðsókn | “Snjór og Salóme” opnar í 15. sæti, “Hjartasteinn” að klárast

Snjór og Salóme eftir Sigurð Anton Friðþjófsson opnar í 15. sæti aðsóknarlistans. Hjartasteinn Guðmundar Arnars Guðmundssonar hefur nú fengið 21.243 gesti eftir þrettándu sýningarhelgi.
Posted On 12 Apr 2017

[Stikla] “Ég man þig”

Stikla kvikmyndarinnar Ég man þig í leikstjórn Óskars Axelssonar hefur verið opinberuð. Myndin verður frumsýnd 5. maí.
Posted On 12 Apr 2017

Sigurður Anton um “Snjó og Salóme”: Saga um ungt fólk fyrir ungt fólk

Snjór og Salóme eftir Sigurð Anton Friðþjófsson verður frumsýnd í kvöld. Morgunblaðið ræddi við hann um myndina.
Posted On 07 Apr 2017

Vera Sölvadóttir: Hvorki tími né pláss fyrir dauðann

Vera Sölvadóttir ræðir við Fréttablaðið um sjónvarpsmynd sína Líf eftir dauðann, sem sýnd verður í tveimur hlutum á RÚV um páskana.
Posted On 07 Apr 2017

Bondmyndapennar skrifa Nesbö handrit fyrir Baltasar

Deadline skýrir frá því að handritshöfundar Bond myndanna til margra ára, Neal Purvis og Robert Wade, vinni nú að handriti væntanlegrar skáldsögu norska spennuhöfundarins Jo Nesbö, I Am Victor, fyrir Baltasar Kormák.
Posted On 06 Apr 2017

Studiocanal vill “Kötlu” Baltasars

Evrópska framleiðslufyrirtækið Studiocanal er við það að tryggja sér sýningarréttinn á Kötlu, nýrri sjónvarpsþáttaröð úr smiðju Baltasars Kormáks. RÚV greinir frá og hefur eftir Variety.
Posted On 04 Apr 2017

Aðsókn | “Hjartasteinn” með yfir 21 þúsund gesti

Hjartasteinn Guðmundar Arnars Guðmundssonar hefur nú fengið 21.213 gesti eftir tólftu sýningarhelgi.
Posted On 04 Apr 2017
12