Guðrún Edda Þórhannesdóttir hjá Tvíeyki (Duo Productions) er meðframleiðandi ítölsk/íslensku kvikmyndarinnar Life Runs Over You í leikstjórn Paolo Sassanelli, sem tekin verður upp að hluta hér á landi í sumar. Verkefnið fékk á dögunum styrk frá Eurimages sem nemur um 19 milljónum króna. Auk Guðrúnar koma Helga Stefánsdóttir búningahönnuður og Hilmar Örn Hilmarsson tónskáld að verkinu í lykilpóstum.
Myndin segir frá tveimur vinum á fertugsaldri sem ákveða að kveðja heimabæ sinn á suður-Ítalíu og ferðast um Norður-Evrópu. Á ferðalagi sínu kynnast þeir konu og lenda með henni í allskonar ævintýrum þar sem þeir enduruppgötva lífsgleðina og fegurð manneskjunar. Með hlutverk vinnanna fara Pierfrancesco Favion (Rush, World War Z) og Guiseppe Battioston (Perfect Strangers).
