Pétur Jónsson ræðir tónlistina í “Rétti 3”

Pétur Jónsson tónskáld ræðir um vinnuaðferðir sínar og tónlistina í þáttaröðinni Réttur 3, við vefinn Eurodrama.
Posted On 30 Nov 2016

365 vaktar og kærir deilendur íslensks efnis

365 miðlar hefur sent frá sér fréttatilkynningu þar sem fram kemur að sérhæfð fyrirtæki muni héðan í frá fylgjast grannt með IP tölum þeirra sem hlaða íslensku sjónvarpsefni inn á ólöglegar síður og dreifiveitur. Jafnframt segir að 365 hafi lagt fram kærur á hendur aðilum sem gerst hafa sekir um að dreifa ólöglega höfundaréttarvörðu efni.
Posted On 29 Nov 2016

Aðsókn | “Grimmd” nálgast tuttugu þúsund gesti

Grimmd Antons Sigurðssonar nálgast tuttugu þúsund gesti eftir sjöttu sýningarhelgi og Eiðurinn Baltasars Kormáks hefur nú fengið yfir 41 þúsund gesti eftir 12 vikur.
Posted On 29 Nov 2016

Studiocanal kaupir Bretlandsréttinn á “Ég man þig”

Sölufyrirtækið TrustNordisk hefur gengið frá sölu á dreifingarrétti í Bretlandi á kvikmynd Óskars Þórs Axelssonar, Ég man þig, til Studiocanal. Einnig hefur myndin verið seld til þýskumælandi svæða, Ungverjalands og Tyrklands.
Posted On 29 Nov 2016

Morgunblaðið um “Baskavígin”: Öll kurl koma til grafar

Hjördís Stefánsdóttir skrifar um spænsk/íslensku heimildamyndina Baskavígin í Morgunblaðið og segir með ólíkindum að hægt sé að gera svona viðamiklu og flóknu efni góð skil í rúmlega klukkutíma frásögn en það takist með miklum ágætum. Myndin fær fjóra og hálfa stjörnu.
Posted On 27 Nov 2016

Morgunblaðið um “Svarta gengið”: Bóndi má muna fífil sinn fegri

"Frásögnin er einlæg og nær kærkominni nánd við persónu sína í hennar náttúrulega umhverfi. Kári varðveitir með myndinni dýrmæta arfleifð þjóðarinnar og dregur líkt og í fyrri verkum sínum upp lifandi lýsingu af einstakri persónu sem svo sannarlega á erindi við komandi kynslóðir," segir Hjördís Stefánsdóttir hjá Morgunblaðinu um heimildarmynd Kára Schram, Svarta gengið. Hún gefur myndinni fjóra og hálfa stjörnu.
Posted On 27 Nov 2016

Morgunblaðið um “Aumingja Ísland”: Ómarkviss hrunsaga

Hjördís Stefánsdóttir skrifar í Morgunblaðið um heimildarmynd Ara Alexanders, Aumingja Ísland. Hún gefur myndinni tvær og hálfa stjörnu og segir tengingar og úrvinnslu efnisatriða ekki nægilega skarpar og að heildin hefði verið sterkari ef moðað væri úr minna efni.
Posted On 27 Nov 2016

Magnús Jónsson ræðir um “Rétt 3”

Vefurinn Eurodrama ræðir við Magnús Jónsson leikara um hlutverk hans í þáttaröðinni Rétti, hvers þriðja syrpa kallast Case á ensku. Magnús fer yfir hvernig það er að leika þessa hrelldu sál, leikstíl sinn og framtíð íslenskra sjónvarpsþátta.
Posted On 27 Nov 2016

Heimildamyndirnar “Rúnturinn I” og “Baskavígin” í sýningum í Bíó Paradís

Heimildamyndirnar Rúnturinn I eftir Steingrím Dúa Másson og Baskavígin eftir Aitor Aspe eru nú í sýningum í Bíó Paradís. Sýningar á fyrrnefndu myndinni hófust 24. nóvember en þeirri fyrrnefndu þann 17. nóvember.
Posted On 27 Nov 2016

Sagafilm og Gunhil sameina krafta um áramót

Framleiðslufyrirtækin Sagafilm og GunHil munu sameina krafta sína frá 1. janúar 2017. Guðný Guðjónsdóttir sem stýrt hefur Sagafilm undanfarin ár lætur af störfum að eigin ósk og Hilmar Sigurðsson framkvæmdastjóri GunHil og annar stofnenda, tekur við sem forstjóri Sagafilm.
Posted On 27 Nov 2016

[Plakat] Þáttaröðin “Fangar” frumsýnd 1. janúar

Plakat þáttaraðarinnar Fanga hefur verið afhjúpað. Þættirnir hefja göngu sína á RÚV 1. janúar 2017.
Posted On 27 Nov 2016

Minning | Gunnar Eyjólfsson 1926-2016

Gunnar Eyjólfsson, leikari, er látinn níutíu ára að aldri. Auk leikhúsvinnu sinnar kom fram í fjölda kvikmynda og sjónvarpsmynda á löngum ferli.
Posted On 27 Nov 2016

Jóhann talinn eiga möguleika í Óskarnum fyrir tónlistina í “Arrival”

Fjórða árið í röð er Jóhann Jóhannsson tónskáld meðal þeirra sem taldir eru eiga möguleika á Óskarsverðlaunum. Breski miðillinn The Week bendir á Jóhann og tónlist hans fyrir kvikmyndina Arrival ásamt öðrum kunnuglegum kandídötum á borð við John Williams og Alexandre Desplat.
Posted On 27 Nov 2016

Herðubreið um “Baskavígin”: Fyrstu hælisleitendurnir

"Ég var fullur efasemda í upphafi: Hvernig er hægt að segja svo dramatíska og mikla sögu á rúmlega klukkutíma án þess að þynna út og gera merkingarlítið það sem gerðist? Stutta svarið er: Það er hægt og það gera Hjálmtýr Heiðdal og félagar aðdáunarlega," segir Karl Th. Birgisson í umsögn sinni um Baskavígin eftir Aitor Aspe á Herðubreið.
Posted On 23 Nov 2016

Aðsókn | “Grimmd” nálgast 18 þúsund gesti, “Eiðurinn” yfir 40 þúsund

Grimmd Antons Sigurðssonar er í tíunda sæti aðsóknarlista FRÍSK eftir fjórðu sýningarhelgi og hefur fengið tæplega fimmtán þúsund gesti. Eiðurinn Baltasars Kormáks nálgast 40 þúsund gesti eftir tíu vikur í sýningu. Tvær nýjar heimildamyndir, Aumingja Ísland og Svarta gengið voru frumsýndar um helgina.
Posted On 23 Nov 2016

“Ransacked” fær verðlaun á Norður-Írlandi

Heimildamyndin Ransacked eftir Pétur Einarsson var um nýliðna helgi valin besta heimildamyndin á Foyle Film Festival á Norður-Írlandi.
Posted On 23 Nov 2016

Bréf frá Mannheim-Heidelberg

Við Ingvar Þórðarson framleiðandi fylgdum Reykjavík á kvikmyndahátíðina í Mannheim og Heidelberg og það var mikil skemmtun og góð. Þetta er gamalgróin hátíð, 65 ára gömul og því með elstu hátíðum heimsins. Hún leggur áherslu á nýjar alþjóðlegar kvikmyndir, uppgötvanir. Heimamenn á báðum stöðum láta sig sannarlega ekki vanta og sýna innlifun og áhuga.

“Show of Shows” Benedikts meðal helstu heimildamynda í samantekt The Guardian

The Guardian birtir handvalinn lista nokkurra heimildamyndagerðarmanna og annarra sérfræðinga um helstu heimildamyndir samtímans. Alls eru tíndar til sjö myndir og þar á meðal er Show of Shows Benedikts Erlingssonar, ásamt margverðlaunuðum myndum á borð við The Act of Killing, Exit Through the Gift Shop og Jiro Dreams of Sushi.
Posted On 18 Nov 2016

Viðhorf | Lök staða fjármögnunar leikins sjónvarpsefnis mikið áhyggjuefni

Björn B. Björnsson fyrrum formaður FK flutti stutta tölu á 50 ára afmæli Félags kvikmyndagerðarmanna þann 9. nóvember 2016 sem birtist nú hér. Í ræðunni fer hann yfir hlutverk FK og víkur einnig að stöðu mála varðandi fjármögnun leikins sjónvarpsefnis.

Innlendur flöskuháls í fjármögnun leikins sjónvarpsefnis

Þáttaröðin Rétt­ur 3 (Case) er aðgengi­leg meira en 50 millj­ón áhorf­end­um Netflix í Banda­ríkj­un­um, Kan­ada, Ástr­al­íu, Nýja Sjálandi og Skandi­nav­íu. Guðný Guðjóns­dótt­ir for­stjóri Sagafilm segir þetta til marks um að íslensk sjónvarpsþáttagerð eigi alla mögu­leika á að fá alþjóðlega sölu og dreif­ingu, en innlend fjármögnun sé flöskuháls.
Posted On 16 Nov 2016

“Hjartasteinn” verðlaunuð í Grikklandi og á Spáni

Hjartasteinn Guðmundar Arnars hlaut silfurverðlaun (Silver Alexander) alþjóðlegu kvikmyndahátíðarinnar í Þessalóníku í Grikklandi, sem lauk um helgina Einnig vann hún til Ocaña frelsisverðlauna evrópsku kvikmyndahátíðarinnar í Sevilla á Spáni.
Posted On 16 Nov 2016

Tökur á “Mihkel” hefjast í dag

Tökur á Mihkel, fyrstu bíómynd Ara Alexanders, hefjast í dag. Myndin byggir lauslega á líkfundarmálinu svokallaða frá 2004. Tómas Lemarquis og Atli Rafn Sigurðarson fara með helstu hlutverk.
Posted On 14 Nov 2016

Aðsókn | “Grimmd” nálgast 15 þúsund gesti, “Eiðurinn” með tæplega 40 þúsund

Grimmd Antons Sigurðssonar er í tíunda sæti aðsóknarlista FRÍSK eftir fjórðu sýningarhelgi og hefur fengið tæplega fimmtán þúsund gesti. Eiðurinn Baltasars Kormáks nálgast 40 þúsund gesti eftir tíu vikur í sýningu. Tvær nýjar heimildamyndir, Aumingja Ísland og Svarta gengið voru frumsýndar um helgina.
Posted On 14 Nov 2016

Minning | Páll Steingrímsson 1930-2016

Páll Steingrímsson, góður kunningi og kollegi er fallinn frá, 86 ára að aldri. Þegar hann hlaut heiðursverðlaun Íslensku kvikmynda- og sjónvarpsakademíunnar 2004 fyrir framlag sitt til íslenskrar kvikmyndagerðar, skrifaði ég eftirfarandi grein.