Fjórar íslenskar myndir á Nordisk Panorama

Keep Frozen eftir Huldu Rós Guðnadóttur keppir um bestu heimildamyndina á Nordisk Panorama (Malmö 16.-21. sept.), auk þess sem þrír nýliðar; Þórður Pálsson, Anna Gunndís Gunnarsdóttir og Katrín Björgvinsdóttir keppa með stuttmyndir sínar Brothers, I Can't Be Seen Like This og Bestu vinkonur að eilífu amen um titilinn Besta nýja norræna röddin.
Posted On 28 Jul 2016

Sérstök sýning á “Where To Invade Next”, Michael Moore svarar spurningum eftir sýningu

Bíó Paradís stendur fyrir sérstakri kvikmyndasýningu á nýjustu mynd Michael Moore, Where to Invade Next, kl. 16:00 föstudaginn 29. júlí. Ókeypis er inn og allir velkomnir. Hluti myndarinnar var tekin var upp hér á landi síðastliðið vor. Að sýningu lokinni verða lifandi umræður í gegnum Skype með sjálfum Michael Moore, stjórnanda myndarinnar.
Posted On 27 Jul 2016

“Eiðurinn” valin á Toronto

Eiðurinn eftir Baltasar Kormák verður heimsfrumsýnd í "Special Presentations" flokknum á Toronto hátíðinni sem stendur dagana 8.-18. september næstkomandi. Flokkurinn snýst um kvikmyndir sem vekja munu mikla athygli og koma frá leiðandi kvikmyndagerðarmönnum í heiminum. Myndin verður frumsýnd á Íslandi 9. september.
Posted On 26 Jul 2016

“Hjartasteinn” í keppni á Feneyjahátíðinni

Hjartasteinn, fyrsta kvikmynd Guðmundar Arnars Guðmundssonar í fullri lengd, hefur verið valin í aðalkeppni Venice Days hluta kvikmyndahátíðarinnar í Feneyjum. Þetta er í fyrsta sinn sem íslensk kvikmynd tekur þátt í keppni á þessari merku hátíð.
Posted On 26 Jul 2016

Filmufundur í Faxaflóa vekur alþjóðlega athygli

Seinni hluti heimildamyndar sem Kvikmyndasafn Íslands gerði um filmufundinn í Faxaflóa er nú til sýnis. Ýmsir erlendir fjölmiðlar hafa sýnt málinu áhuga.
Posted On 25 Jul 2016

Jón Gnarr lætur af störfum hjá 365 miðlum

Jón Gnarr hefur látið af störfum sem framkvæmdastjóri dagskrársviðs 365 og um leið sem fastur starfsmaður fyrirtækisins. Hann hefur ákveðið að snúa sér alfarið að sinni sjálfstæðu listsköpun og verkefnum tengdum henni.
Posted On 25 Jul 2016

Bíó Paradís leitar vildarvina

Bíó Para­dís er að leita að nýj­um vin­um um þess­ar mund­ir og verður nafn þess er gef­ur kvik­mynda­hús­inu 67 þúsund krón­ur grafið á sæt­is­bakið í ein­um bíósaln­um. Þá verður bíósal­ur núm­er þrjú nefnd­ur í höfuðið á þeim sem gef­ur 1,3 millj­ón­ir króna.
Posted On 25 Jul 2016

Gísli Snær Erlingsson ráðinn til London Film School

Gísli Snær Erlingsson (Benjamín dúfa, Ikingút) hefur verið ráðinn sviðsstjóri náms (Head of Studies) hjá hinum kunna London Film School (áður London International Film School) í Bretlandi. Hann hefur störf í ágústmánuði næstkomandi, en undanfarin sex ár hefur hann stýrt Puttnam School of Film hjá Lasalle College of the Arts í Singapore.
Posted On 22 Jul 2016

Tökur á “Svaninum” ganga vel í Svarfaðardal

Tökur í kvikmyndinni Svaninum í leikstjórn Ásu Helgu Hjörleifsdóttur hafa staðið frá júlíbyrjun. Tökur hafa gengið vel að sögn aðstandenda en þær munu standa fram í ágúst. Einnig verður myndað í Grindavík.
Posted On 22 Jul 2016

Greining | Velta bransans tæpir 11 milljarðar króna 2015, stefnir í metár 2016

Velta í framleiðslu kvikmynda og sjónvarpsefnis nam alls tæpum 11 milljörðum króna á árinu 2015 og er það um 30% samdráttur frá árinu 2014, sem var veltumesta ár íslenska kvikmyndaiðnaðarins frá upphafi. Allt stefnir hinsvegar í að 2016 verði stærsta ár í veltu fram að þessu.
Posted On 20 Jul 2016

Tökur hafnar á “Undir trénu”

Tökur eru hafnar á kvikmyndinni Undir trénu í leikstjórn Hafsteins Gunnars Sigurðssonar (París norðursins). Myndin gerist í Reykjavík samtímans og skartar þeim Steinda Jr., Sigurði Sigurjónssyni, Eddu Björgvinsdóttur, Þorsteini Bachmann og Selmu Björnsdóttur í aðalhlutverkum.
Posted On 20 Jul 2016

“Hraunið” komið á Netflix fyrst íslenskra þátta – þó ekki á Íslandi

Spennuþættirnir Hraunið, sem sýndir voru á RÚV 2014, eru komnir á Netflix. Þetta mun vera í fyrsta skipti sem íslenskt kvikmyndað efni birtist á þeim vettvangi. Þættirnir eru þó ekki fáanlegir á Íslandi vegna samninga.
Posted On 19 Jul 2016

Sovésk „sveitalögga“ á botni Faxaflóa

Filmur sem fundust á botni Faxaflóa fyrr í þessum mánuði eru úr sovéskri bíómynd frá árinu 1968. Starfsmenn Kvikmyndasafns Íslands hafa þurrkað filmurnar og skoðað þær síðustu daga. RÚV greinir frá.
Posted On 19 Jul 2016

“Justice League” tekin upp á Djúpavík

Ofurhetjumyndin Justice League verður tekin upp að hluta á Djúpavík á Ströndum og hefjast tökur í október samkvæmt heimildum Nútímans. True North þjónustar verkefnið hér á landi.
Posted On 19 Jul 2016

“Þrestir” vinnur í Króatíu

Rúnar Rúnarsson var valinn besti leikstjórinn fyrir mynd sína Þresti á Pula Film Festival í Króatíu sem lauk í gær.
Posted On 17 Jul 2016

“Ártún” vinnur tvenn verðlaun

Stuttmynd Guðmundar Arnars Guðmundssonar, Ártún, vann til tveggja verðlauna á jafn mörgum hátíðum á dögunum. Myndin vann dómnefndarverðlaun ungmenna á Sardinia Film Festival á Ítalíu og Vogelsong Family Foundation verðlaunin hjá International Festival of Local Televisions (IFoLT) í Slóvakíu.
Posted On 12 Jul 2016

Compass Films með verðlaunamynd á Galway hátíðinni

Heather Millard og Þórður Jónsson hjá Compass Films eru meðframleiðendur The Wall, norsk/írskrar heimildamyndar um N-Kóreu sem á dögunum bar sigur úr býtum í flokki mannréttindakvikmynda á kvikmyndahátíðinni í Galway á Írlandi.
Posted On 12 Jul 2016

Netflix meðal fjárfesta í mynd Sagafilm um Guðmundar- og Geirfinnsmálið

Heim­ild­ar­mynd um Guðmund­ar- og Geirfinns­málið verður frum­sýnd á fyrstu mánuðum næsta árs, en Sagafilm vinn­ur um þess­ar mund­ir að fram­leiðslu henn­ar ásamt Mosaic Films í Bretlandi, BBC, RÚV og banda­rísku efn­isveit­unni Net­flix.
Posted On 09 Jul 2016

Nauðsynlegt að breyta lögum til að halda innlendri framleiðslu einkarekinna miðla áfram

Einkareknu ljósvakamiðlarnir á Íslandi hafa sent áskorun til stjórnvalda um að gera "nauðsynlegar, málefnalegar og tímabærar breytingar á íslenskri löggjöf til þess að jafna samkeppnisstöðu félaga á íslenskum fjölmiðlamarkaði." Er þá bæði vísað til samkeppnisstöðu gagnvart erlendum aðilum og Ríkisútvarpinu.
Posted On 08 Jul 2016

Screen ræðir við Grím Hákonarson um hátíðaflakk og næsta verkefni

Grímur Hákonarson er nú staddur í Jerúsalem þar sem hann tekur þátt í dómnefnd hins alþjóðlega hluta Jerusalem Film Festival. Screen ræddi við hann um velgengni Hrúta og upplifun hans af hátíðarúntinum undanfarið ár, auk verkefna framundan.
Posted On 08 Jul 2016

Dagur Kári við Politiken: Stundum eins og allt á Íslandi sé á sterum

Politiken ræðir við Dag Kára í tilefni af sýningum á Fúsa í dönskum bíóum. Myndin, sem hlaut Kvikmyndaverðlaun Norðurlandaráðs í fyrra, fær mjög góða dóma í sama blaði.
Posted On 08 Jul 2016

LA Times fjallar um “Borgarstjórann”

Los Angeles Times fjallar um Jón Gnarr og sjónvarpsseríu hans, Borgarstjórann, sem sýnd verður á Stöð 2 í haust. Þáttaröðin er sögð minna á The Veep, bara með raunverulegum pólitíkus.
Posted On 07 Jul 2016

Tökur að hefjast á “Svaninum”

Tökur á Svaninum, fyrstu bíómynd Ásu Helgu Hjörleifsdóttur, hefjast nú í júlí. Þorvaldur Davíð Kristjánsson, Þuríður Blær Jóhannsdóttir og Gríma Valsdóttir fara með aðalhlutverkin og meðal annarra leikara eru Ingvar E. Sigurðsson og Katla Margrét Þorgeirsdóttir. Upptökur fara fram í Svarfaðardal á Norðurlandi.
Posted On 05 Jul 2016

Hvaða áhrif hefur Brexit á breskan kvikmyndaiðnað?

Breski framleiðandinn Stephen Follows, sem sérhæfir sig í framsetningu gagna og tölulegra upplýsinga um breskan kvikmyndaiðnað, hefur birt grein á vef sínum þar sem hann fer yfir hugsanlega galla og kosti við útgöngu Bretlands úr Evrópusambandinu. Margt af því sem hann nefnir snertir íslenskan kvikmyndaiðnað á einn eða annan hátt.
Posted On 01 Jul 2016