Ólafur de Fleur leikstýrir spennumyndinni “Carried By Six”

Olaf de Fleur hefur verið ráðinn leikstjóri spennumyndarinnar Carried By Six sem byggð verður á handriti LaToya Morgan (Shameless). Barry Josephson (Bones, The Ladykillers)  framleiðir.
Posted On 30 Jun 2016

“Ófærð” í hópi bestu þáttaraða ársins að mati The Guardian

The Guardian birti á dögunum samantekt yfir bestu þáttaraðir ársins nú þegar það er hálfnað. Ófærð er þar á meðal ásamt þáttaröðum á borð við Game of Thrones, Better Call Saul, The Night Manager og Peaky Blinders svo einhverjar séu nefndar.
Posted On 30 Jun 2016

Eurimages styrkir “Undir trénu” um 30 milljónir króna

Eurimages veitti á dögunum 29 evrópskum samframleiðsluverkefnum styrki sem nema alls 7,239,000 evrum eða tæpum milljarði króna. Bíómyndin Undir trénu í leikstjórn Hafsteins Sigurðssonar hlaut styrk uppá 213,000 evrur eða um 30 milljónir króna.
Posted On 29 Jun 2016

Heimildamyndin “Innsæi” frumsýnd í Berlín í dag

Heimildamyndin Innsæi eftir Hrund Gunnsteinsdóttur og Kristínu Ólafsdóttur verður frumsýnd í Berlín í dag og verður síðan sýnd í 30 kvikmyndahúsum víða um Þýskaland. Myndin leitar svara við mikilvægi þess fyrir hvern og einn að tengja inn á við og við heim náttúrunnar í því samfélagi sem við lifum í í dag.
Posted On 29 Jun 2016

Baltasar um áhrif Brexit á íslenska kvikmyndagerð: „Okkur í hag að það sé mikið að gera í Bretlandi“

„Ég held að það sé ekkert okkur í hag að þeim gangi illa,“ segir Baltasar Kormákur í samtali við Vísi um ákvörðun bresku þjóðarinnar um að segja sig úr Evrópusambandinu. Breska þjóðin kaus um veru í sambandinu síðastliðinn fimmtudag en þessi ákvörðun gæti haft slæm áhrif á breskan kvikmyndaiðnað sem Íslendingar hafa notið góðs af.
Posted On 27 Jun 2016

Ólafur Arnalds og Baldvin Z vinna að tónlistarmyndinni “Island songs”

Ólafur Arnalds tónlistarmaður og Baldvin Z vinna nú að tónlistarmyndinni Island songs. Tökur munu standa yfir í allt sumar víðsvegar um Ísland og mun Ólafur vinna með völdum tónlistarmanni á hverjum stað. Hugmyndin er að birta nýtt lag vikulega, á mánudögum frá og með deginum í dag.
Posted On 27 Jun 2016

“Garn” Unu Lorenzen frumsýnd í New York í dag

Heimildamyndin Garn (Yarn) eftir Unu Lorenzen er frumsýnd í New York í dag. Myndin verður svo frumsýnd í Los Angeles um miðjan júlí og mun þaðan fara í almennar sýningar víða um Bandaríkin. Vefurinn GirlTalkHQ ræðir við Unu um myndina.
Posted On 24 Jun 2016

Vill reisa Hollywood norðursins í Gufunesinu

Baltasar Kormákur gæti breytt framtíð kvikmyndaiðnaðarins á Íslandi ef allt gengur eftir. Grafarvogur verður þá kvikmyndastöð Íslands, segir Fréttatíminn í umfjöllun um áætlanir Baltasars um uppbyggingu kvikmyndavers í Gufunesi.
Posted On 18 Jun 2016

WIFT óskar eftir kvikmyndaefni eftir konur fyrir nýjan vefmiðil

WIFT á Íslandi, félag kvenna í kvikmyndum og sjónvarpi, vinnur nú að undirbúningi nýs vefmiðils á vefsíðu félagsins. Markmiðið er að auka vægi og sýnileika kvenna í kvikmynda- og sjónvarpsgeiranum.
Posted On 18 Jun 2016

Sólveigar Anspach minnst

Vefurinn No Film School birtir einlæga vídeó-hugleiðingu kvikmyndaunnandans Scout Tafoya um leikstýruna Sólveigu Anspach, en þau voru kunningjar. Sólveig lést í fyrra, en síðasta mynd hennar, Sundáhrifin, var verðlaunuð á nýliðinni Cannes hátíð.
Posted On 16 Jun 2016

“Undir trénu” fær tæpar tuttugu milljónir frá Norræna sjóðnum

Norræni kvikmynda- og sjónvarpssjóðurinn veitti á dögunum kvikmynd Hafsteins Gunnars Sigurðssonar, Undir trénu, 19.4 milljóna króna styrk. Steindór Hróar Steindórsson, Steindi jr., fer með aðalhlutverkið í myndinni.
Posted On 14 Jun 2016

Kitla fyrir “Lóa” komin út

Kitla teiknimyndarinnar Lói: þú flýgur aldrei einn hefur verið opinberuð. Myndin er væntanleg undir lok árs 2017.
Posted On 13 Jun 2016

“Þrestir” verðlaunuð í Rúmeníu

Þrestir Rúnars Rúnarssonar vann um helgina til sérstakra dómnefndarverðlauna á alþjóðlegu kvikmyndahátíðinni í Transilvaníu, sem fram fór í Cluj-Napoca í Rúmeníu. Þetta eru sjöundu alþjóðlegu verðlaun myndarinnar á árinu en jafnframt sautjándu alþjóðlegu verðlaunin síðan myndin var frumsýnd í september í fyrra.
Posted On 06 Jun 2016

SÍK fagnar hækkun endurgreiðslu

Kvikmyndaframleiðendur fagna nýsamþykktu frumvarpi um hækkun á endurgreiðslum í 25% sem taka munu gildi 31. desember næstkomandi.
Posted On 02 Jun 2016

Fréttablaðið um “Keep Frozen”: Ljóðræn lýsing á verkamannalífi

Atli Sigurjónsson skrifar um Keep Frozen Huldu Rósar Guðnadóttur í Fréttablaðið og segir hana í senn fræðandi, umhugsunarverða og listræna.
Posted On 02 Jun 2016

Skjár einn heitir nú Sjónvarp Símans

Heitið Skjár einn leggst niður frá og með deginum í dag og verður að Sjónvarpi Símans. Ár er síðan að Skjár einn rann inn í Sím­ann og dag­skrá stöðv­ar­innar var opnuð öllum lands­mönnum í októ­ber í fyrra.Þá stofn­aði Sím­inn streym­isveitu í áskrift sem hefur nú fleiri áskrif­endur en voru að sjón­varps­stöð­inni við breyt­ing­una.
Posted On 01 Jun 2016