Hækkun endurgreiðslu í 25% samþykkt á Alþingi

Alþingi samþykkti í dag ný lög um tímabundnar endurgreiðslur vegna kvikmyndagerðar samþykkt á Alþingi. Endurgreiðslan verður því 25% frá og með næstu áramótum og næstu 5 árin þar á eftir.
Posted On 31 May 2016

Kristinn Þórðarson nýr formaður SÍK

Aðalfundur SÍK, Sambands íslenskra kvikmyndaframleiðenda, var haldinn fimmtudaginn 26. apríl. Á fundinum var kosinn nýr formaður Kristinn Þórðarson, framleiðandi hjá Truenorth. Kristinn tekur við af Hilmari Sigurðssyni, framkvæmdastjóra GunHill sem hefur gegnt starfi formanns í fjögur ár.
Posted On 31 May 2016

“Andlit norðursins” verðlaunuð í Úkraínu

Heimildamyndin Andlit norðursins eftir Magnús Viðar Sigurðsson, sem fjallar um Ragnar Axelsson ljósmyndara og feril hans, fékk aðalverðlaunin á kvikmyndahátíð í Úkraínu, Poltava Film Festival.
Posted On 31 May 2016

Baltasar: Vill taka Hollywood til Íslands

Baltasar Kormákur er í viðtali við mbl.is um fyrirhugað kvikmyndaver í Gufunesi.
Posted On 25 May 2016

Kitluplakat “Eiðsins” komið út

Kitluplakat fyrir kvikmynd Baltasars Kormáks, Eiðurinn, hefur verið opinberað. Áætlað er að myndin verði sýnd í haust.
Posted On 25 May 2016

Alvarpið um “Keep Frozen”: Þetta gæti gerst út í geimi

Hlaðvarpsþátturinn Popp og fólk á Alvarpinu fjallar um Keep Frozen Huldu Rósar Guðnadóttur og gefur henni afar jákvæða umsögn. Myndin er nú í sýningum í Bíó Paradís en þeim lýkur 1. júní.
Posted On 25 May 2016

“Jökullinn logar”, heimildamynd um ferðalag landsliðsins á EM, frumsýnd 3. júní

Sölvi Tryggvason og Sævar Guðmundsson hafa gert heimildamynd í fullri lengd um aðdraganda og undirbúning að þátttöku íslenska karlalandsliðsins í fótbolta á EM. Myndin, sem kallast Jökullinn logar, verður frumsýnd í bíóum Senu 3. júní.
Posted On 25 May 2016

“Þrestir” keppir um bestu alþjóðlegu myndina á Edinborg, “Blóðberg” einnig á hátíðinni

Þrestir eftir Rúnar Rúnarsson mun keppa um bestu alþjóðlegu myndina á Edinborgarhátíðinni sem fram fer dagana 15.-26. júní. Blóðberg eftir Björn Hlyn Haraldsson verður einnig á hátíðinni í European Perspectives flokknum, ásamt Þröstum.
Posted On 25 May 2016

DR fjallar um íslenska kvikmyndagerð

Kvikmyndaþátturinn Filmselskabet, sem danska sjónvarpið (DR) sýnir vikulega, fjallaði á dögunum um íslenskar kvikmyndir og hversvegna þær væru að gera það eins gott og raun ber vitni á alþjóðegum vettvangi.
Posted On 24 May 2016

Hjartnæm stund á Cannes

Börkur Gunnarsson skrifar fyrir Morgunblaðið um móttökur síðustu myndar Sólveigar Anspach, Sundáhrifanna á Cannes hátíðinni, þar sem hún hlaut SACD verðlaunin fyrir bestu frönskumælandi myndina í Director's Fortnight dagskránni.
Posted On 24 May 2016

Ugla Hauksdóttir: Hjartað leitar heim

Ugla Hauksdóttir, sem á dögunum útskrifaðist úr námi í kvikmyndaleikstjórn frá Columbia University í New York og hlaut þar fyrstu verðlaun fyrir lokamynd sína, segir í viðtali við Vísi að hjartað leiti heim og handrit að kvikmynd í fullri lengd sé í bígerð.
Posted On 24 May 2016

Art of the Title ræðir titlasenu “Ófærðar” við Börk Sigþórsson

Vefurinn Art of the Title, sem sérhæfir sig í titlasenum kvikmynda og sjónvarpsefnis, tekur fyrir titlasenuna í Ófærð og ræðir við höfund hennar, Börk Sigþórsson.
Posted On 24 May 2016

Heimildamyndin “Úti að aka” frumsýnd 28. maí

Úti að aka er heimildamynd um ferð rithöfundanna Einars Kárasonar og Ólafs Gunnarssonar, sem létu draum sinn rætast um að fara þvert yfir Ameríku eftir Route 66 á 1960 árgerð af kadilakk og skrifa um það bók. Með í för voru útgefandinn Jóhann Páll Valdimarsson og kadilakksérfræðingurinn Steini í Svissinum ásamt Sveini M. Sveinssyni kvikmyndagerðarmanni í Plús film sem festi ævintýrið á filmu. Myndin verður frumsýnd í Bíó Paradís á fimmtudag.
Posted On 24 May 2016

Aðsókn | “Hrútar” eitt ár í sýningum

Hrútar hefur nú verið í sýningum í 52 vikur, en myndin var frumsýnd hér á landi 28. maí 2015. Myndin er komin með alls 22,434 gesti eftir árið.
Posted On 24 May 2016

Stuttmyndir Guðmundar Arnars halda áfram að taka inn verðlaun

Stuttmyndir Guðmundar Arnars Guðmundssonar, Hvalfjörður og Ártún, halda áfram sigurgöngu sinni á kvikmyndahátíðum heimsins. Hvalfjörður var á dögunum valin besta leikna myndin á Zoom – Zblizenia kvikmyndahátíðinni í Jelenia Gora í Póllandi og Ártún besta leikna stuttmyndin á Mediawave kvikmyndahátíðinni í Komárom í Ungverjalandi.
Posted On 24 May 2016

“Sundáhrifin” verðlaunuð á Cannes hátíðinni

Sundáhrifin, hin fransk/íslenska gamanmynd Sólveigar Anspach heitinnar, vann á föstudagskvöld til SACD verðlaunanna fyrir bestu frönskumælandi kvikmynd á lokahófi Director‘s Fortnight dagskrárinnar á Cannes.
Posted On 22 May 2016

Tveir franskir sjóðir styrkja nýja mynd Benedikts Erlingssonar

Í dag var tilkynnt að Fondation gan pour le cinéma, frönsk stofnun sem styrkir listrænar kvikmyndir, hefði ákveðið að styðja nýtt verkefni Benedikts Erlingssonar, Fjallkona fer í stríð (A Woman at War). Fyrir skemmstu var opinberað að CNC, kvikmyndasjóður Frakklands, hefði veitt fé til myndarinnar úr sérstökum sjóði til styrktar alþjóðlegri kvikmyndagerð.
Posted On 20 May 2016

“Pale Star” og “A Reykjavík Porno” í framleiðslu Vintage Pictures valdar inn á Edinborgarhátíðina

Pale Star og A Reykjavik Porno, tvær íslensk/skoskar kvikmyndir eftir sama leikstjóra hafa verið valdar inn á kvikmyndahátíðina í Edinborg sem fram fer dagana 15.-26. júní.
Posted On 20 May 2016

RVK Studios kaupir eignir undir kvikmyndaver á 301 milljón

Borgarráð samþykkti samhljóða á fundi sínum í dag kaupsamning við framleiðslufyrirtæki Baltasars Kormáks, RVK Studios, sem kaupir fjórar fasteignir á Gufunesi fyrir rúmar 301 milljón undir kvikmyndaver sem félagið er með á teikniborðinu.
Posted On 20 May 2016

Reykjavik Grapevine um “Keep Frozen”: Taktur vinnunnar

Marck Asch hjá Reykjavik Grapevine skrifar um Keep Frozen, heimildamynd Huldu Rósar Guðnadóttur, sem nú er í sýningum í Bíó Paradís. Asch segir hana leggja áherslu á takt vinnunnar með því að einbeita sér að hinum reglubundnu hreyfingum manna og véla.
Posted On 20 May 2016

Cineuropa um “Sundáhrifin”: Dásamleg kómedía

Cineuropa kallar Sundáhrifin Sólveigar Anspach dásamlega kómedíu sem sé ofboðslega rómantísk, í umsögn frá Cannes.
Posted On 20 May 2016

Screen um “Sundáhrifin”: Viðkunnanleg en sérviskuleg

Jonathan Romney hjá Screen fjallar um Sundáhrifin Sólveigar Anspach sem sýnd er á Cannes hátíðinni og segir hana viðkunnanlega en sérviskulega rómantíska kómedíu sem ekki sé allra en beri skýr einkenni höfundar síns.
Posted On 19 May 2016

“Sundáhrifunum” vel tekið á Cannes

Sundáhrifin, frönsk-íslensk kvikmynd Sólveigar Anspach heitinnar, var heimsfrumsýnd þann 17. maí á Cannes kvikmyndahátíðinni sem hluti af Director‘s Fortnight dagskránni og hlaut afar góðar viðtökur. Myndin var sýnd fyrir smekkfullum sal og að sýningu lokinni risu áhorfendur úr sætum sínum og veittu aðstandendum langt lófatak.
Posted On 19 May 2016

Tinna vann í Cannes

Tinna Hrafnsdóttir sigraði pitch-keppni Shorts TV sem lauk í Cannes í dag. Aðstandendur stuttmynda víðsvegar að gátu mælt fram hugmynd sína og almenningur kaus síðan þá bestu á netinu.
Posted On 19 May 2016