Webcam Sigurðar Antons Friðþjófssonar er í tíunda sæti eftir aðra sýningarhelgi en myndin fékk 841 gest í vikunni. Hrútar Gríms Hákonarsonar er áfram á góðu skriði eftir níundu sýningarhelgi.
Webcam fékk 241 gest um helgina en alls 841 gest yfir vikuna. Alls hefur myndin því fengið 2.220 gesti.
Hrútar er á jafnri og góðri siglingu og stefnir yfir tuttugu þúsund gesta múrinn. 465 gestir komu um helgina en alls 815 í vikunni. Myndin er í sjöunda sæti og á níundu sýningarviku. Heildarfjöldi gesta nemur nú 18.097 manns.
Fúsi er í fjórtánda sæti eftir 18 sýningarhelgar. Myndin er komin í 11.936 manns í heildaraðsókn, en 102 sáu hana um helgina. Tölur um aðsókn í vikunni liggja ekki fyrir.
Albatross situr í 16. sæti eftir 6 sýningarhelgar. 26 sáu hana um helgina en alls 39 í vikunni. Alls hafa 4.470 séð myndina.
Aðsókn á íslenskar myndir vikuna 20.-26. júlí 2015:
| VIKUR | MYND | AÐSÓKN | HEILDARAÐSÓKN |
|---|---|---|---|
| 2 | Webcam | 841 | 2.220 |
| 9 | Hrútar | 815 | 18.097 |
| 18 | Fúsi | 102 (helgi) | 11.936 |
| 6 | Albatross | 39 | 4.470 |
