Haukur Már: Í Austur eru allir hundar

Haukur Már Helgason á blogginu OK Eden skrifar um Austur Jóns Atla Jónassonar og segir hana meðal annars "mynd af helvíti, en það er mikilvægt að ruglast ekki á myndum og veruleika. Nei, þú ferð ekki til helvítis þó þú horfir á myndina. En þú klárar kannski ekki poppkornið þitt á meðan heldur."
Posted On 30 Apr 2015

Hvernig koma skal kvikmyndaarfinum hratt og örugglega inn í nútímann

Erlendur Sveinsson forstöðumaður Kvikmyndasafns Íslands svarar bréfi Bergsteins Björgúlfssonar forseta Félags íslenskra kvikmyndatökustjóra: það er verið að vinna mjög markvisst í varðveislumálunum innan þess ramma sem fjárhagur leyfir, segir hann og bendir jafnframt á frekari lausnir sem bjóðast.

Varðveisla kvikmynda í ólestri

Í opnu bréfi vekur Bergsteinn Björgúlfsson, forseti Félags íslenskra kvikmyndatökustjóra, athygli á því ófremdarástandi sem ríkir í varðveislu kvikmyndaarfsins.
Posted On 30 Apr 2015

Evrópsk kvikmyndahátíð fer aftur hringinn

Evrópustofa og Bíó Paradís efna á ný til Evrópskrar kvikmyndahátíðar í samstarfi við Films on the Fringe og bjóða brot af því besta í evrópskri kvikmyndagerð allan hringinn dagana 15.-26. maí.
Posted On 30 Apr 2015

Heimildamyndin “Ferðin heim” frumsýnd á Ströndum

Ferðin heim - smásögur úr Árneshreppi er ný íslensk heimildamynd sem verður frumsýnd í félagsheimili Árneshreppsbúa í Árneshreppi á Ströndum, föstudaginn 1. maí kl. 20.  Í myndinni leiðir María Guðmundsdóttir, ljósmyndari, sem alin er upp í þessum afskekktasta hreppi landsins, áhorfendur inn í daglegt líf og störf fólksins í hreppnum.
Posted On 29 Apr 2015

Safnað fyrir bættu aðgengi fólks í hjólastólum að Bíó Paradís

Söfnun er hafin á Karolinafund sem hefur það markmið að bæta aðgengi fólks í hjólastólum að Bíó Paradís. Söfnunin felst í sölu aðgöngumiða og korta á sýningar Bíó Paradísar og er hægt að velja um marga möguleika til að styrkja málefnið, allt frá því að kaupa miða fyrir tvo á eina sýningu upp í tíu ára árskort í Bíó Paradís.
Posted On 29 Apr 2015

“Ártún” vinnur til verðlauna í Bandaríkjunum

Ártún, stuttmynd Guðmundar Arnars Guðmundssonar, hlaut sérstök dómnefndarverðlaun í stuttmyndakeppni RiverRun International Film Festival sem fram fór í Winston-Salem í Norður Karólínu í Bandaríkjunum 16. – 26. apríl. Fyrir ári síðan vann önnur stuttmynd Guðmundar Arnars, Hvalfjörður, einnig sérstök dómnefndarverðlaun á hátíðinni.
Posted On 29 Apr 2015

Gamanþáttaröðin “Drekasvæðið” hefst 1. maí á RÚV

Drekasvæðið, sex þátta röð, kemur úr smiðju Ara Eldjárns, Braga Valdimars Skúlasonar, Guðmundar Pálssonar og Kristófers Dignusar. Stórveldið framleiðir.
Posted On 28 Apr 2015

BBC kaupir “Ófærð”

BBC Four mun sýna þáttaröðina Ófærð (Trapped) en rásin hefur lagt mikla áherslu á erlendar þáttaraðir á undanförnum árum. Norrænar þáttaraðir á borð við Borgen, Forbrydelsen og Broen hafa notið þar mikilla vinsælda.
Posted On 28 Apr 2015

“Gullsandur” loksins komin í leitirnar, myndin sýnd í nokkra daga í Bíó Paradís

Eftir fimmtán ára leit fann leikstjórinn Ágúst Guðmundsson loksins frumeintakið af kvikmyndinni Gullsandur í London en myndina gerði hann árið 1984. Eintakið var týnt í aldarfjórðung og hefði myndin að líkindum glatast ef þrjóska leikstjórans við leitina hefði ekki skilað árangri. Þetta kom fram í Kastljósi RÚV en myndin verður sýnd í nokkra daga í Bíó Paradís.
Posted On 28 Apr 2015

Greining | Aðsókn á “Fúsa” eykst um þriðjung milli helga

Fúsi Dags Kára hækkar sig úr sjötta sætinu í annað eftir nýliðna sýningarhelgi, en rétt fyrir helgina vann myndin til þrennra verðlauna á hinni virtu Tribeca hátíð í New York, þar á meðal sem besta mynd.
Posted On 27 Apr 2015

Variety um “Fúsa”: Ekki feilnóta slegin

Ronnie Scheib gagnrýnandi Variety skrifar umsögn um Fúsa Dags Kára frá Tribeca hátíðinni og segir hana líklega til að láta ljós sitt skína á markaði listrænna kvikmynda.
Posted On 26 Apr 2015

DV um “Fúsa”: Til varnar hinum skrýtnu

Valur Gunnarsson skrifar umsögn um kvikmynd Dags Kára, Fúsa. Hann segir titilpersónuna sinn mann og bætir við á Fésbók: "Baldvin Z er Bítlarnir. Haddister er Stóns. Rúnar Rúnars er Dylan en Dagur Kári er Elvis og þetta er hans Comeback Special."
Posted On 24 Apr 2015

Hrafn Gunnlaugsson í viðtali: Leikstjóri þarf að hafa sterka sýn

Hrafn Gunnlaugsson ræðir við Sigmund Erni Rúnarsson í þættinum Mannamál á sjónvarpsstöðinni Hringbraut. Til tals koma meðal annars uppvöxtur, ferillinn og starf kvikmyndaleikstjórans.
Posted On 24 Apr 2015
off

“Fúsi” valin besta myndin á Tribeca hátíðinni, hlaut einnig verðlaun fyrir besta leikara og handrit

Fúsi eftir Dag Kára hlaut í gær þrenn verðlaun á yfirstandandi Tribeca hátíð í New York, sem besta myndin, besti leikarinn (Gunnar Jónsson) og besta handrit (Dagur Kári).
Posted On 24 Apr 2015

Guðný Halldórsdóttir í viðtali: “Þú velur þér lífsstarf og síðan berstu fyrir því”

Guðný Halldórsdóttir ræddi við Sigmund Erni Rúnarsson í gær á sjónvarpsstöðinni Hringbraut um ferilinn, fjölskylduna, sjúkdóminn, pólitíkina og önnur helstu mál.
Posted On 23 Apr 2015

Tökur hafnar á þriðju þáttaröð “Réttar”

Tökur hófust í gær á þriðju umferð þáttaraðarinnar Réttur. Baldvin Z leikstýrir eftir handriti Þorleifs Arnarssonar og Andra Óttarssonar. Sagafilm framleiðir en um 200 leikarar og fimmtíu manna tökulið vinnur að verkefninu. Tökur standa fram í júlí.
Posted On 22 Apr 2015

Allt að 12 íslenskar bíómyndir í ár?

Útlit er fyrir metár í frumsýningum íslenskra bíómynda, en samkvæmt fyrirliggjandi upplýsingum gætu allt að 12 íslenskar kvikmyndir ratað á bíótjöld í ár.
Posted On 22 Apr 2015

“Webcam” væntanleg í júlí, plakat opinberað

Kvikmyndin Webcam er væntanleg í kvikmyndahús um miðjan júlí. Plakat myndarinnar hefur nú verið opinberað.
Posted On 22 Apr 2015

Fréttablaðið um “Austur”: Ekki fínpólerað melódrama

Kjartan Már Ómarsson hjá Fréttablaðinu segir Austur Jóns Atla Jónassonar stefnulausa kvikmynd þar sem ofbeldi úr íslenskum veruleika sé teflt fram á hispurslausan máta.
Posted On 22 Apr 2015

CinemaCon verðlaunar Baltasar í Las Vegas

CinemaCon, árleg ráðstefna Samtaka kvikmyndahúsaeigenda (NATO) í Bandaríkjunum, verðlaunaði í dag Baltasar Kormák sem alþjóðlegan kvikmyndagerðarmann ársins.
Posted On 21 Apr 2015

Nýr leikaravalsvefur opnaður

Kvikmyndaskóli Íslands hefur opnað nýjan vef þar sem útskrifaðir leikarar skólans eru kynntir.
Posted On 21 Apr 2015

Greining | “Fúsi” komin yfir sjö þúsund gesti, lítil aðsókn á “Austur” og “Blóðberg”

Þrjár íslenskar kvikmyndir eru nú til sýnis í kvikmyndahúsum. Fúsi Dags Kára gengur sæmilega en Blóðberg og Austur, sem frumsýnd var um helgina, njóta lítillar aðsóknar.
Posted On 20 Apr 2015

New Work kaupir réttinn á skáldsögunni “Hilma” eftir Óskar Guðmundsson

Kvikmyndafyrirtækið New Work ehf. sem framleiddi Falskan fugl eftir samnefndri bók hefur tryggt sér kvikmyndaréttinn að skáldsögunni Hilma eftir Óskar Guðmundsson, sem kemur út 30. apríl næstkomandi.
Posted On 20 Apr 2015