“Bakk” kitlan er hér

Kitla gamanmyndarinnar Bakk í leikstjórn Gunnars Hanssonar og Davíðs Óskars Ólafssonar hefur verið opinberuð og má skoða hana hér. Áætlað er að frumsýna myndina um næstu páska.
Posted On 30 Nov 2014

Viðhorf | Hvað varð um sóknaráætlun skapandi greina?

Af einhverjum ástæðum bólar enn ekkert á svokallaðri sóknaráætlun skapandi greina sem forsætisráðherra kynnti í síðasta áramótaávarpi að kæmi fram á árinu. Ásgrímur Sverrisson rifjar upp ummæli forsætisráðherra og menntamálaráðherra um þetta mál.

50 milljón króna hækkun til Kvikmyndasjóðs

Gert er ráð fyrir 50 milljón króna hækkun á framlagi til Kvikmyndamiðstöðvar í breytingatillögum við fjárlagafrumvarp 2015. Samkvæmt frumvarpinu var gert ráð fyrir að heildarframlag til KMÍ næmi 835,9 mkr., en verður nú 885,9 mkr.
Posted On 29 Nov 2014

Skapandi málflutningur

Óðinn, pistlahöfundur Viðskiptablaðsins undir dulnefni, tjáir sig um ummæli Benedikts Erlingssonar við afhendingu Kvikmyndaverðlauna Norðurlandaráðs á dögunum þar sem leikstjórinn gagnrýndi harðlega niðurskurð til kvikmyndamála á Íslandi.
Posted On 28 Nov 2014

“Vonarstræti” besta frumraunin á Tallinn Black Nights

Vonarstræti Baldvins Z var valin besta frumraunin á Tallinn Black Nights kvikmyndahátíðinni í Eistlandi. Myndin tók þátt í Tridens keppni hátíðarinnar, sem er ætluð fyrstu eða annarri kvikmynd leikstjóra frá Eystrasalts- og Norðurlöndunum. Að launum hlutu aðstandendur verðlaunagrip og 5000 evra vinningsfé sem leikstjóri og framleiðendur deila með sér.
Posted On 28 Nov 2014

RÚV fær allt útvarpsgjaldið

Boðaðar breytingar á fjárlagafrumvarpi næsta árs fela meðal annars í sér að Ríkisútvarpið fái útvarpsgjaldið óskert en til þessa hefur hluti þess farið í annað. Framlag til RÚV á fjárlögum fer því úr fyrirhugðum 3.5 milljörðum króna í 3.9 milljarða. (Uppfært 3. desember: Ívitnuð frétt Morgunblaðsins er röng, RÚV fær ekki 400 milljónir króna til viðbótar.)
Posted On 27 Nov 2014

Ís, eldur og draugar fortíðar í væntanlegri þáttaröð Baltasars

RVK Studios mun framleiða tíu þátta seríu sem kallast Katla og verður sýnd á Stöð 2. Hér er á ferðinni spennuþáttaröð með mystísku ívafi um unga björgunarsveitakonu sem tekst á við drauga fortíðar í miðjum langvarandi nátturuhamförum. Sögusviðið er jöklar, eldfjöll og hálendi Íslands.
Posted On 26 Nov 2014

“Z for Zachariah” á Sundance?

IndieWire birtir óskalista yfir 31 mynd sem þau vilja sjá á Sundance 2015 (vegna 31 árs afmælis hátíðarinnar). Meðal myndanna er Z for Zachariah sem Zik Zak kvikmyndir framleiða. Myndin er í leikstjórn Craig Zobel og með aðalhutverkin fara Margot Robbie, Chris Pine og Chiwetel Ejiofor.
Posted On 24 Nov 2014

Heimildamyndin “Heild” aðgengileg á netinu og DVD

Heimildamyndin Heild var frumsýnd í Háskólabíó síðasta vor en nú gefst áhorfendum tækifæri á að streyma myndinni í gegnum Vimeo On Demand og einnig er hægt að kaupa myndina þar og niðurhala henni. Eftir tvær vikur verður síðan hægt að panta DVD diskinn á heimasíðu myndarinnar og þá verður hún einnig fáanleg í vel völdum verslunum.
Posted On 24 Nov 2014

Greining | Sveppi 4 komin yfir þrjátíu þúsund gesti

Algjör Sveppi og Gói bjargar málunum situr nú í fjórða sæti aðsóknarlistans eftir fjórðu sýningarhelgi. Alls sáu myndina 4.571 manns í liðinni viku, þar af 1.995 um helgina. Myndin hefur því fengið alls 30.386 gesti.
Posted On 24 Nov 2014

“Salóme” verðlaunuð á Spáni

Heimildamyndin Salóme eftir Yrsu Roca Fannberg heldur áfram sigurgöngu sinni á kvikmyndahátíðum, en myndin vann í kvöld verðlaun á L'Alternativa kvikmyndahátíðinni í Barcelona á Spáni. Þetta eru fjórðu verðlaunin sem myndin hlýtur.
Posted On 23 Nov 2014

Viðtal | Hann Toffi stendur í miklu ati

Klapptré mælir eindregið með ítarlegu viðtali Jakobs Bjarnars Grétarssonar við Þorfinn Guðnason, sem frumsýnir heimildamynd sína Vikingó í vikunni.
Posted On 23 Nov 2014

Verður “Vikingo” síðasta heimildamynd Þorfinns Guðnasonar?

Þorfinnur Guðnason heimildamyndasmiður frumsýnir í næstu viku sitt nýjasta verk, Vikingo, mynd um Íslendinginn Jón Inga Gíslason sem hefur síðustu 20 ár stundað hanaat í Dóminíska lýðveldinu og er orðinn þekktur hjá heimamönnum sem Víkingo. Kastljós RÚV ræddi við Þorfinn  af þessu tilefni, en hann berst nú við illvígt krabbamein.
Posted On 21 Nov 2014

Leitað eftir ungum stúlkum í aðalhlutverk

Framleiðslufyrirtækið Kusk leitar nú að ungum leikkonum í aðalhlutverk fyrir stuttmyndina I Can’t Be Seen Like This eftir Önnu Gunndísi Guðmundsdóttur en stefnt er á frumsýningu í New York í maí 2015. Konur eru í miklum meirihluta við gerð myndarinnar og eru allar helstu lykilstöður við framleiðslu hennar í höndum kvenna.
Posted On 21 Nov 2014

Greining | Stefnir í mestu veltu í ár frá upphafi en innlend framleiðsla dregst saman

Allt bendir til þess að veltan í kvikmyndagreininni verði meiri á þessu ári en nokkru sinni fyrr. Hinsvegar sýna tölur að langstærstur hluti hennar er vegna erlendra verkefna og að innlend framleiðsla er að dragast verulega saman.

Vetrartökum á “Hrútum” frestað vegna snjóleysis

Vetrartökum á kvikmyndinni Hrútum í leikstjórn Gríms Hákonarsonar hefur verið frestað fram í janúar vegna snjóleysis í Bárðardal. Síðari hluti af tökum hefur staðið yfir nú í nóvember en síðustu tökudagarnir hafa nú verið færðir fram í janúar vegna einmuna veðurblíðu á Norðurlandi.
Posted On 20 Nov 2014

“Jöklarinn” frumsýnd í Bíó Paradís

Heimildakvikmynd Kára G. Schram Jöklarinn, brot úr sögu Þórðar Halldórssonar mesta lygara allra tíma - eða hvað? verður frumsýnd í Bíó Paradís á morgun föstudag, en almennar sýningar hefjast á laugardag. Nýja stiklu myndarinnar má sjá hér.
Posted On 20 Nov 2014

Gagnrýni | Hvíti guðinn

"Ég man ekki eftir að hafa séð öllu magnaðri byrjun á bíómynd heldur en þegar ég horfði á Hvíta guðinn í bíói í Búdapest," segir Ásgeir H. Ingólfsson í umsögn sinni um myndina, sem sýnd er í Bíó Paradís.

“Málmhaus” sýnd í Bandaríkjunum eftir áramót

Málmhaus eftir Ragnar Bragason verður sýnd í Bandaríkjunum í byrjun næsta árs. Nýstofnað dreifingarfyrirtæki, Cinelicious Pics, dreifir myndinni í völdum kvikmyndahúsum og á VOD.
Posted On 19 Nov 2014

Rafrænar leikaraprufur á nýjum samnorrænum vef

Nýr vefur, Selftape Scandinavia, gefur leikurum og kvikmyndagerðarmönnum kost á að eiga einföld samskipti gegnum netið.
Posted On 18 Nov 2014

Anna Gunndís gerir stuttmyndina “I Can’t Be Seen Like This”

Anna Gunndís Guðmundsdóttir leikkona, sem nú stundar nám í kvikmyndagerð við New York University hyggst taka upp stuttmyndina I Can't Be Seen Like This í byrjun næsta árs. Anna Gunndis leitar eftir stuðningi við verkefnið á Karolina Fund.
Posted On 18 Nov 2014

“Tréð” hlýtur þróunarstuðning á franskri hátíð

Hafsteinn Gunnar Sigurðsson og Huldar Breiðfjörð tóku þátt í þróunarsamkeppni á kvikmyndahátíðinni í Arras í Frakklandi um helgina með sitt nýjasta verkefni, Tréð. Um er að ræða kvikmynd í fullri lengd - drama/þriller sem fjallar um nágrannadeilu sem fer gjörsamlega úr böndunum.
Posted On 18 Nov 2014

BÍL vill aukin framlög til kvikmyndagerðar, óskert útvarpsgjald og aukna fjárfestingu í skapandi greinum

Bandalag íslenskra listamanna (BÍL) hefur sent umsögn sína um fjárlagafrumvarpið 2015 til fjárlaganefndar, nefndarmenn allsherjar- og menntamálanefndar fengu umsögnina einnig senda. Meðal annars leggur BÍL til að framlag í Kvikmyndasjóð verði aukið um 200 milljónir króna og að innheimtu útvarpsgjaldi verði skilað að fullu til Ríkisútvarpsins.
Posted On 18 Nov 2014

Greining | Sveppi 4 nálgast þriðja tugþúsundið

Fjórða Sveppamyndin, Algjör Sveppi og Gói bjargar málunum, gefur ögn eftir á þriðju sýningarhelgi og er nú í þriðja sæti aðsóknarlistans. Alls komu 9.558 manns á myndina í liðinni viku, þar af 4.135 um helgina. Myndin hefur því fengið alls 27.955 gesti.
Posted On 17 Nov 2014