Heimildamyndin “Sviptar sjálfræði” leitar stuðnings á Karolina Fund

Alma Ómarsdóttir leggur nú lokahönd á heimildamynd sem fjallar um íslenskar stúlkur á tímum hernámsins á Íslandi, með sérstaka áherslu á aðgerðir yfirvalda gegn þeim stúlkum sem umgengust hermenn.
Posted On 31 Mar 2014

“Antboy” hlýtur áhorfendaverðlaun Alþjóðlegrar barnamyndahátíðar

Hátíðin var afar vel sótt og hin mikla þrjúbíósstemning sem myndaðist á nokkrum vinsælustu sýningum hátíðarinnar vakti upp mikla nostalgíu meðal eldri gesta hátíðarinnar.
Posted On 31 Mar 2014

“Hross í oss” fær tvenn verðlaun í Aubagne

Hross í oss hlaut tvenn verðlaun á nýyfirstaðinni kvikmyndahátíð í Aubagne í Suður-Frakklandi, en á hátíðinni er aðaláherslan lögð á tónlist og hljóðvinnslu í kvikmyndum. Myndin hefur því hlotið alls 21 verðlaun hingað til, þar af sex Eddur.
Posted On 31 Mar 2014

Doris Film: nafnlaus handritasamkeppni ætluð konum

Sérstakt samstarfsverkefni WIFT í Noregi og á Íslandi, Doris Film, býður íslenskum og norskum konum til handritasamkeppni fyrir stuttmynd en verkefnið hlaut styrk úr Framkvæmdasjóði til jafnréttismála. Frestur til að senda inn tillögur er til 1.maí næstkomandi.
Posted On 31 Mar 2014

“Hemma” verðlaunuð í Prag

Sænsk/íslenska kvikmyndin Hemma hlaut um helgina aðalverðlaun Febiofest –Prague International Film Festival í Tékklandi.
Posted On 31 Mar 2014

“Noah”: skrítinn hrærigrautur eða stórfengleg?

Egill Helgason segir Noah mjög vonda mynd en Lilju Katrínu Gunnarsdóttur á Vísi finnst hún í einu orði sagt stórfengleg.
Posted On 29 Mar 2014

Benedikt Árnason látinn

Leikstýrði mörgum sjónvarpsleikritum á fyrstu árum Sjónvarpsins og átti eftirminnilega spretti í nokkrum mynda Hrafns Gunnlaugssonar, þar á meðal í Vandarhöggi og Okkar á milli. Einn helsti leikstjóri Þjóðleikhússins um áratugaskeið og setti upp á sjötta tug sýninga.
Posted On 27 Mar 2014

Barði Jóhannsson semur tónlist við frönsku myndina “De toutes nos forces”

Myndin var frumsýnd í Frakklandi í gær, Sigurrós á einnig lag í myndinni.
Posted On 27 Mar 2014

IndieWire fjallar um “Hross í oss”, Friðrik Þór segist ekki þola samtöl í kvikmyndum

IndieWire fjallar bæði um myndina sjálfa og lýsir einni sýningunni en þar sátu leikstjórinn Benedikt Erlingsson og framleiðandinn Friðrik Þór Friðriksson fyrir svörum ásamt Roman Estrada sem leikur í myndinni.
Posted On 26 Mar 2014

Guðný Halldórsdóttir um ferilinn, fyrirmyndirnar og framtíðina

Á vefsíðunni Alvarpinu er að finna ítarlegt viðtal Ragnars Hanssonar kvikmyndagerðarmanns við kvikmyndaleikstjórann Guðnýju „Dunu“ Halldórsdóttur, eina afkastamestu leikstýru landsins. Í viðtalinu ræðir hún um ferilinn, fyrirmyndir, föður sinn og framtíð bransans á Íslandi.
Posted On 26 Mar 2014

Gagnrýni | Dauður snjór 2 (Död snö 2)

"Langt frá því að vera einhver snilld en engu að síður lífleg og fjörug og óhrædd við að vera fáránleg auk þess sem henni tekst að koma manni nokkrum sinnum á óvart," segir Atli Sigurjónsson um myndina sem tekin var upp að stórum hluta á Íslandi í fyrrasumar.

Gagnrýni | Tore dansar (Tore tanzt)

"Tore er heittrúaður unglingspiltur. Hann er líka munaðarlaus og flogaveikur. Þetta hljómar kannski eins og klassísk nútímauppfærsla einhverrar Biblíusögunnar frá popúlískum kristniboðasamtökum – en það er áður en við ræðum allan hreinræktaða djöfulskapinn sem Tore kynnist í myndinni," segir Ásgeir Ingólfsson um myndina sem sýnd er áfram í Bíó Paradís eftir að hafa vakið athygli á Þýskum kvikmyndadögum.

“Ern eftir aldri”: Myndin sem RÚV þorði ekki að sýna?

Vefurinn Wheel of Work fjallar um heimildamynd Magnúsar Jónssonar, Ern eftir aldri frá 1975, í tilefni sýninga á henni í Bæjarbíói. Í myndinni er lagt útaf sjálfsmynd þjóðarinnar í tilefni þjóðhátíðarinnar 1974. Haft er eftir Árna Bergmann rithöfundi að RÚV hafi ekki þorað að sýna myndina. Vefurinn gerir því skóna að þetta hafi verið af pólitískum ástæðum þrátt fyrir að RÚV hafi fjármagnað gerð hennar; myndin hafi með engu móti passað í sparifötin sem öllum var gert að klæðast á þessari sameiningarhátíð.
Posted On 25 Mar 2014

“240 fiskar fyrir kú” og “Ern eftir aldri” Magnúsar Jónssonar sýndar í Bæjarbíói

Magnús Jónsson, kvikmyndagerðarmaður og leikstjóri (1938 – 1979), er þungamiðja þriðju syrpu Rússneska vetrarins í Bæjarbíói um samskipti Sovétríkjanna og Íslands í kvikmyndum. Magnús er fyrsti Íslendingurinn sem fór til náms í kvikmyndagerð í Sovétríkjunum og náði að gera þessar tvær kvikmyndir hér heima áður en hann andaðist langt fyrir aldur fram, aðeins 41 árs gamall. Þessar afar sjaldséðu myndir eru sýndar í kvöld þriðjudag kl. 20 og á laugardag kl. 16.
Posted On 25 Mar 2014

Nærgöngul heimildamynd um Nick Cave opnar Reykjavík Shorts & Docs hátíðina

Reykjavík Shorts & Docs Festival verður haldin í 12. sinn dagana 3.-9. apríl í Bíó Paradís og Stúdentakjallaranum. Að venju er áherslan á innlendar og erlendar stutt- og heimildamyndir, en auk kvikmyndasýninga verður fjöldi annarra viðburða á hátíðinni. Opnunarmynd hátíðarinnar er 20.000 Days on Earth, ný heimildamynd um Nick Cave.
Posted On 24 Mar 2014

Ólafur Arnalds tilnefndur til BAFTA verðlaunanna fyrir tónlist sína í “Broadchurch”

Von er á framhaldi þáttanna. Næsta verk Ólafs er Vonarstræti sem væntanleg er í maí.
Posted On 24 Mar 2014

Samningaferlið um Bæjarbíó rangtúlkað segir Kvikmyndasafnið

Kvikmyndasafn Íslands segir í færslu á Facebook síðu sinni að safnið hafi "forðast yfirlýsingar og haldið sig til hlés í umræðu um málefni Bæjarbíós á opinberum vettvangi. Nú er svo komið að safnið telur sig tilneytt til að skýra frá sinni hlið í samningaferlinu við Hafnarfjarðarbæ."
Posted On 21 Mar 2014

Viðhorf | Sjö punktar um Paradís og Mekka

"Tilraun þín til að lýsa Bæjarbíói og Bíó Paradís sem óskyldum fyrirbrigðum er líka ótrúverðug fyrir þá sök að dagskrá Bíó Paradísar er einmitt að mörgu leyti eins og safnabíó Kvikmyndasafnsins ætti að vera," segir Ásgrímur Sverrisson meðal annars í svari sínu til Erlendar Sveinssonar forstöðumanns Kvikmyndasafnsins (sjá Bíó Paradís og baráttan um Bæjarbíó).

Viðhorf | Bíó Paradís og baráttan um Bæjarbíó

Verði ekki af samkomulagi milli Hafnarfjarðar og ríkisins um áframhaldandi kvikmyndasýningar þá leggjast þær af í Bæjarbíói eins og fram hefur komið en þær flytjast ekki inn í Bíó Paradís, segir Erlendur Sveinsson forstöðumaður Kvikmyndasafns Íslands í ítarlegri grein þar sem hann fer yfir stöðuna í málefnum Bæjarbíós.

“Hross í oss” þurrkar út mörkin milli gríns og harms segir The New York Times

Hross í oss tekur þátt í hinni árlegu hátíð Film Society of Lincoln Center og MoMA, New Directors/New Films, sem hefst í dag og stendur til 30. mars. A. O. Scott gagnrýnandi The New York Times fjallar um myndina.
Posted On 19 Mar 2014

Saga | Þegar John Ford filmaði Ísland

John Ford, meistari bandarískra kvikmynda á tuttugustu öldinni, sá um gerð heimilda- og áróðursmynda fyrir bandaríska flotann á stríðsárunum. Ein þessara mynda er frá Íslandi.
Posted On 19 Mar 2014

Viðhorf | RÚV endurnýjar samband sitt við þjóðina

Ráðagerðir Magnúsar Geirs Þórðarsonar útvarpsstjóra benda til þess að markmiðið sé að horfast í augu við veruleikann og freista þess að stilla upp nýju Ríkisútvarpi sem endurnýjar samband sitt við almenning gegnum sterka innlenda dagskrá um leið og það tekst á við fjölmiðlaumhverfi sem er að ganga í gegnum stórstígar breytingar. Þetta verður vandrötuð leið en vissulega þess virði að fara, segir Ásgrímur Sverrisson.

Magnús Geir sker upp RÚV

Nú er ljóst að Magnús Geir Þórðarson ætlar að láta hressilega til sín taka á upphafsdögum sínum sem útvarpsstjóri. Í dag tilkynnti hann að leggja ætti aukna áherslu á innlenda dagskrá, ná sérstaklega til yngri aldurshópa og efla nýmiðlun. Þá hefur hann sagt upp öllum deildarstjórum RÚV og verða stöður þeirra auglýstar á ný, auk þess sem undirbúningur er hafinn að flutningi í hagkvæmara húsnæði. Ennfremur á að opna samfélagslega umræðu um hlutverk og dagskrá RÚV og kappkosta að sú umræða skili sér í áherslum og stefnu fyrirtækisins.
Posted On 18 Mar 2014

Heimildamyndin “Heild” frumsýnd 4. apríl

Þetta er náttúrustemmningsmynd í fullri lengd og án orða, þar sem Ísland er viðfangsefnið. Höfundur myndarinnar, Pétur Kristján Guðmundsson, hefur unnið að henni í yfir þrjú ár og notast við fjölbreytta tækni við myndgerðina.
Posted On 17 Mar 2014