Örmyndahátíð Örvarpsins í Bíó Paradís 1. mars

Texti:
Efnisorð: ,

örvarpiðLaugardaginn 1. mars mun Örvarpið halda Örmyndahátíð í Bíó Paradís. 62 örmyndir voru sendar inn í Örvarpið, örmyndahátíð RÚV, sem fram fór á vefnum í haust. 13 þeirra voru birtar sem örmynd vikunnar á tímabilinu og verða þær allar sýndar á hátíðinni ásamt 10 öðrum myndum sem vöktu sérstaka athygli Örvarpsins. Myndirnar keppa um Örvarpann, örmynd ársins.

Meðal höfunda myndanna eru Ásdís Sif Gunnarsdóttir, Curver, Vera Sölvadóttir, Tinna Hrafnsdóttir, Sigga Björg, Kitty Von Somtime, Helena Jóns, Erling Klingenberg, Erlendur Sveinsson ofl.

Valnefndina í haust skipuðu Ísold Uggadóttir og Haukur Ingvarsson, en dómefndina um Örvarpann skipa Baldvin Z, Marsibil Sæmundardóttir og Jón Proppe. Sérstakur gestur verður Ragnar Bragason og kynnir kvöldsins er Gunnar Sigurðsson sjónvarpsmaður.

Sérstök verðlaun verða veitt fyrir Örmynd ársins og einnig verða veitt áhorfendaverðlaun. Nýherji, umboðsaðili Canon, gefur Canon EOS 100D sem aðalverðlaun og Canon LEGRIA mini X sem áhorfendaverðlaun.

Athugasemdir

álit

Tengt efni