Jóhann Ævar ráðinn þróunarstjóri leikins efnis hjá Saga film

Jóhann Ævar Grímsson handritshöfnur verður þróunarstjóri leikins efnis hjá Sagafilm.
Jóhann Ævar Grímsson handritshöfundur verður þróunarstjóri leikins efnis hjá Sagafilm.

Jóhann Ævar Grímsson hefur verið ráðinn þróunarstjóri leikins efnis hjá Sagafilm.

Í tilkynningu frá Sagafilm segir að eftirspurn eftir leiknu sjónvarpsefni hafi margfaldast í heiminum á undanförnum misserum og ætli Sagafilm sér að sækja í auknum mæli á nýja markaði fyrir leikið efni. Ráðning Jóhanns Ævars er til þess gerð að styrkja Sagafilm í þeirri sókn sem fyrirtækið hefur lagt úti með opnun skrifstofu í Stokkhólmi.

Jóhann Ævar hefur tekið þátt í að skrifa nokkra af vinsælustu sjónvarpsþáttum síðari ára auk kvikmyndanna Astrópíu og Bjarnfreðarsonar. Meðal sjónvarpsþátta sem Jóhann Ævar hefur skrifað, ásamt öðrum, eru Stelpurnar, vaktaseríurnar þrjár, Pressa 2 og 3 og Heimsendir.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

TENGT EFNI

NÝJUSTU FÆRSLUR