Hinn víðkunni handritsgúrú Syd Field lést á heimili sínu í Los Angeles í gær, 77 ára að aldri. Field var höfundur átta bóka um kvikmyndahandritaskrif. Sú fyrsta og kunnasta, Screenplay: The Foundations of Screenwriting, var fyrst gefin út 1979 og hefur verið þýdd á 23 tungumál. Hún er notuð við kennslu í fjölda háskóla um heim allan.
Field er minnst fyrir að hafa verið fyrstur til að skýra út á prenti þær viðmiðanir sem kvikmyndahandrit byggja svo oft á, þ.e. hinn klassíska þriggja þátta strúktúr.
Fagritið Screen minnist Field hér: Screenwriting guru Syd Field dies | News | Screen.
