91 stuttmynd valin á Northern Wave hátíðina

 

Verðlaunagripir síðasta árs á Northern Wave hátíðinni.

Verðlaunagripir síðasta árs á Northern Wave hátíðinni.

The Northern Wave International Film Festival verður haldin í sjöttta sinn helgina 15. – 17. nóvember 2013 í Grundarfirði á norðanverðu Snæfellsnesi. Í kringum 340 myndir bárust hátiðinni í ár frá um 60 löndum sem er met fyrir hátíðina og helmingi fleiri umsóknir en bárust í fyrra. 91 mynd var valin til sýningar en lista yfir valdar stuttmyndir má nálgast hér. Tilnefningar til íslensku tónlistarmyndbandaverðlaunanna verða tilkynnt á næstu vikum.

Nafnið á hátíðinni og hugmyndafræði er byggð á frönsku nýbylgjunni eða Nouvelle Vague en hátíðin leggur áherslu á listræn gildi kvikmyndarinnar öðru fremur.

Mikilvægt markmið hátíðarinnar er að koma á fót tengslaneti meðal reyndra kvikmyndagerðarmanna og þeirra sem eru að feta sín fyrstu skref í greininni, erlendum sem innlendum. Auk þess býður hátíðin listamönnum úr öðrum geirum t.a.m. tónlistargeiranum að taka þátt með tónleikahaldi. Hátíðin er einnig mikilvægur viðbót við framboð menningarviðburða á landsbyggðinni.

Hátíðin leggur áherslu á að sýna fjölbreytileika stuttmyndaformsins með því að sýna allt frá heimildarmyndum til teiknimynda. Tónlistarfólk sem á myndband á hátíðinni er hvatt til að fylgja því eftir með tónleikahaldi.

Northern Wave hátíðin býður upp á fjölbreytt úrval viðburða yfir þessa vetrarhelgi í Grundarfirði. Bíósýningar, tónleikar, fyrirlestrar og síðast en ekki síst hin vinsæla fiskisúpukeppni Grundfirðinga. Dögg Mósesdóttir kvikmyndagerðarkona hefur umsjón með hátíðinni.

Athugasemdir

álit

Tengt efni